មហាសេដ្ឋីពាន់លានដុល្លាដ៏​ល្បីទូរទាំងពិភពលោក​ លោក​ ​Warrent Buffet ​​​មាន​របៀប​រស់​នៅ​ក្នុង​ជីវិតសព្វថ្ងៃយ៉ាងសាមញ្ញបំផុតដោយរូបលោកប្រើប្រាស់ទូរស័ព្ទ​ធម្មតា (Mobile Phone) នៅ​ឡើយ ហើយរស់នៅក្នុងផ្ទះ​មួយយ៉ាងធម្មតាបំផុត នៅ​ Omaha, Nebraska។ ​ទ្រព្យ​សម្បតិរបស់​​លោក​​ កើន​ឡើង​ជា​លំដាប់ ​ក្នុង​ការ​វិនិយោគ​ជា​ច្រើន​ ក្នុង​នោះ​ការ​វិនិយោគ​លើ​ផ្សារហ៊ុន​ត្រូវ​បាន​ចាត់​ទុក​ថា​ ជា​ផ្នែក​មួយ​ធំ​ជាង​គេ​បំផុត។ 

លោក Warrant Buffet ត្រូវបានគេទទួលស្គាល់ថា ជាអ្នកវិនិយោគដែលជោគជ័យបំផុតក្នុងវិស័យមូលបត្រ។ ​វិធីសាស្រ្ដ​បីធំៗ ដែល​លោក​បាន​អនុវត្តន៍​នា​ផ្នែក​មួយ​​នាំឲ្យលោកជោគជ័យក្នុងផ្សារមូលបត្រ។ លក្ខណៈ​បី​ដែល​លោក​​គឺ​ មានភាពអត់ធ្មត់ មានវិន័យ ​និង​​បញ្ជៀស​ហានិភ័យ​តាម​របៀប​ប្លែក​ពី​គេ។

មានភាពអត់ធ្មត់ វិនិយោគិនពិតប្រាកដ ពួកគេមិនខ្វល់ខ្វាយពីភាពមានបាន​នៅ​ថ្ងៃស្អែកនោះទេ។ មនុស្សដែលចង់មានឆាប់ប្រាកដជាមិនអាច​សម​តាម​បំណង​ភ្លាមៗ​នោះ​ឡើយ។​ ​របៀប​ក្លាយ​ជា​អ្នក​មាន​ក្នុង​ការ​វិនិយោគ​លើ​ផ្សារហ៊ុន គឺ​ត្រូវ​ការ​ភាព​អត់ធ្មត់​ខ្ពស់។ ​​ការ​វិនិយោគ​ក្នុង​ស្ថានភាព​មួយ​ចំនួន​មិន​ខុស​ពី​ សុភាសិតខ្មែរ ដែល​ បានពោលថា តក់ៗពេញបំពង់ ឆុងៗក្រពប់អស់់។

មានវិន័យ ការឡើងចុះ​ក្នុង​ផ្សារភាគហ៊ុនជារឿងធម្មតា ដូចគ្នាទៅនឹងហ្គេមតែងតែមានចាញ់ឈ្មះ ពោល​គឺ​យើង​មិន​អាច​ឈ្នះ​រហូត​បាន​នោះ​ទេ។ ប៉ុន្ដែ​ដើម្បី​ឈ្នះល្បែងនេះ ​អ្នក​ត្រូវ​ប្រកាន់​ខ្ជាប់​នូវ​វិន័យ​ខ្លួន​ឯង​ក្នុងការប្រមូលផ្ដុំ​នូវ​គំនិត (Opinions) ផ្សារភ្ជាប់​ជា​មួយ​ហ្នឹង​និស្ស័យ​ដ៏ត្រឹមត្រូវ​របស់​អ្នក (right temperament) ដែល​កត្តា​ទាំង​ពីរ​នេះ​សំខាន់ជាងអ្នកប្រើប្រាស់ IQ របស់អ្នក​​ទៅ​ទៀត។

បង្ការហានិភ័យ នៅក្នុងឆ្នាំ ២០១៨ ​លោក​ បានផ្ញើរសំបុត្រទៅកាន់​ ភាគហ៊ុនិក របស់គាត់ថា “ការវិនិយោគជាសកម្មភាព​នៃ​ការ​ប្រើ​ប្រាស់​នា​​ពេល​បច្ចុប្បន្ន​ ធ្វើ​ឡើង​ក្នុង​គោលបំណង​ទទួលបានការ​ប្រើ​ប្រាស់​ក្នុង​ទំហំ​ធំ​នោ​ពេល​ក្រោយ”។ “investing is an activity in which consumption today is foregone in an attempt to allow greater consumption at a later date”. ហានិភ័យ​ ​មាន​ន័យ​ថា​ កម្មវត្ថុ​របស់​យើង​ គឺ​មិន​អាច​សម្រេច​ទៅ​បាន។ និយាយ​បែប​ងាយ​ គឺ​ថា​ កម្មវត្ថុ​ សម្រេច​ទៅ​មិន​បាន​តាម​ផែន​ការ​ដោយ​សារ​តែ​ហានិភ័យ 'Risk' is the possibility that this objective won't be attained។ 

លោកបាន​លើក​ឡើង​ថា ដើម្បីជៀស​ពីហានិភ័យបាន ​អ្នក​វិនិយោគ​ផ្សារហ៊ុន មិនមែន​ប្តូរទិសដៅ​ទៅរកការវិនិយោមួយដែលមានសុវត្ថិភាពដូចជាមូលបត្របំណុល​តែ​មួយ​មុខ​នោះ​ទេ។ លោកបានបន្ថែមថា វិនិយោគិន​ដែល​ប្រាថ្នា​វិនិយោគរយៈពេលវែង គួរតែ​ធ្វើ​ពិពិធកម្ម​ទៅ​លើ​ការ​វិនិយោគ​ច្រើន​មុខ​ (portfolio) ដើម្បី​បញ្ជៀស​ហានិភ័យ​បាន៕

ដោយ​៖ ចន្ទលាភ