ហេតុអ្វីបានជា SMEs គួរផ្ដោតលើយុទ្ធសាស្ត្រទីផ្សារបែបទំនើប (Digital Marketing)?
ដើម្បីឲ្យផលិតផល ឬសេវាកម្មរបស់អ្នកខ្លួនទទួលបានជោគជ័យក្នុងទីផ្សារ ការប្រើប្រាស់យុទ្ធសាស្ត្រទីផ្សារគឺពិតជាសំខាន់ខ្លាំងណាស់។ បច្ចុប្បន្ននេះ ដោយសារតែបច្ចេកវិទ្យាកាន់តែរីកចម្រើនឥតឈប់ឈរ មានក្រុមហ៊ុនជាច្រើន បានងាកមកប្រើប្រាស់ទីផ្សារបែបទំនើប ឬឌីជីថល (Digital Marketing) កាន់តែច្រើនឡើង។ ទីផ្សារបែបទំនើប ឬ ឌីជីថល (Digital Marketing) សំដៅលើការធ្វើទីផ្សារដោយប្រើបច្ចេកវិទ្យាសម័យថ្មី ជាពិសេសគឺផ្ដោតសំខាន់លើប្រព័ន្ធអនឡាញ ដូចជា លើបណ្ដាញសង្គម គេហទំព័រ ឬ តាមGoogle Searchជាដើម។
ហេតុអ្វីបានជា ក្រុមហ៊ុនរបស់អ្នកគួរប្រើប្រាស់ការធ្វើទីផ្សារទំនើប ឬឌីជីថល (Digital Marketing)? ទី១ ការធ្វើទីផ្សារទំនើប ឬឌីជីថល ទទួលបានប្រសិទ្ធភាពខ្ពស់ ព្រោះមានមនុស្សកាន់តែច្រើនឡើងប្រើប្រាស់ប្រព័ន្ធអ៊ីនធឺណិត ដើម្បីលក់ដូរផលិតផល ការស្រាវជ្រាវ ឬ ការកម្សាន្តផ្សេងៗ។ បើយោងតាមរបាយការណ៍របស់ក្រសួងក្រសួងប្រៃសណីយ៍ និងទូរគមនាគមន៍របស់កម្ពុជា មានមនុស្សប្រមាណ៨លាននាក់អាចប្រើប្រាស់អ៊ីនធឺណិតបាន ជាពិសេសប្រើប្រាស់តាមរយៈទូរស័ព្ទដៃ។ ដូច្នេះហើយ ចំនួនមនុស្សកាន់តែច្រើនប្រើប្រាស់អ៊ីនធឺណិតបែបនេះ វាធ្វើឲ្យការបញ្ជូនសារនៃផលិតផល ឬ សេវាកម្ម ឬ ម៉ាកសញ្ញារបស់ខ្លួនកាន់តែងាយស្រួល និង មានប្រសិទ្ធភាព។
ទី២ ការធ្វើទីផ្សារទំនើប ឬឌីជីថល (Digital Marketing) ងាយស្រួលក្នុងការគ្រប់គ្រង និង វាយតម្លៃលើលទ្ធផល។ ក្នុងការធ្វើទីផ្សារបែបសម័យទំនើបនេះ គឺតម្រូវឲ្យមានការប្រើប្រាស់បច្ចេកវិទ្យាមួយចំនួន ដើម្បីវាស់អំពីចំនួនមនុស្សដែលមើលឃើញពីផលិតផល សួរនាំព័ត៌មាន និង ឈានទៅដល់ការទំនាក់ទំនងទិញ ឬប្រើប្រាស់សេវាកម្ម និងផលិតផលរបស់ក្រុមហ៊ុន។ ទី៣ វាក៏ងាយស្រួលក្នុងការកំណត់អតិថិជនគោលដៅ ដើម្បីងាយស្រួលក្នុងការផ្សព្វផ្សាយទៅឲ្យចំគោលដៅដែលចង់បាន (មានន័យថា មានតែមនុស្សដែលត្រូវការទិញផលិតផលប៉ុណ្ណោះ ដែលមើលឃើញ)។
មួយវិញទៀត ការចំណាយ គឺ មានប្រសិទ្ធភាព ព្រោះដោយសារតែមុននឹងសម្រេចចិត្តជ្រើសរើសយកវិធីសាស្ត្រណាមួយដើម្បីធ្វើទីផ្សារនោះ យើងបានដឹងជាស្រេចហើយថា តើមួយណា ត្រូវនឹងអតិថិជនគោលដៅរបស់អ្នក ដូច្នេះហើយនៅពេលដែលចេញយុទ្ធនាការទៅ គឺចំគោលដៅ ហើយមានប្រសិទ្ធភាពខ្ពស់ នាំឲ្យការចំណាយវិញ គឺមិនអស់ច្រើន។ ពោលគឺចំណាយតិចតែចំគោលដៅ ហើយមានប្រសិទ្ធភាពខ្ពស់។
តើការធ្វើទីផ្សារទំនើប ឬឌីជីថល (Digital Marketing) មានចំណុចសំខាន់ៗអ្វីខ្លះ? បើនិយាយអំពីការធ្វើទីផ្សារទំនើប ឬឌីជីថល (Digital Marketing)មានច្រើនបែបដូចជា៖
១) SEO៖ វាវិធីសាស្ត្រក្នុងការធ្វើឲ្យពាក្យគន្លឹះ (Keywords) ដែលនិយាយអំពីផលិតផល ឬ សេវាកម្មរបស់អ្នក អាចផុសឡើងមុនគេរាល់ពេលដែលអតិថិជនគោលដៅរបស់អ្នកសរសេរពាក្យនោះ នៅក្នុងប្រអប់ស្រាវជ្រាវ ឬ Search Box របស់Google។ មានន័យថា រាល់ពេលដែលមនុស្សណាម្នាក់ចង់បានអ្វីមួយ គេតែងតែចូលទៅកាន់ប្រអប់ស្រាវជ្រាវ ឬ Search Box របស់Google ដើម្បីសរសេរពាក្យនោះ ដូច្នេះហើយពួកគេនឹងទទួលបានព័ត៌មានដែលខ្លួនចង់បាន។ ដូច្នេះហើយ វិធីសាស្ត្រប្រើប្រាស់ពាក្យគន្លឹះ (Keywords) នេះគឺពិតជាសំខាន់ ដើម្បីឲ្យអតិថិជនគោលដៅរបស់អ្នក អាចចូលទៅកាន់ព័ត៌មានសំខាន់ៗ ឬ ការផ្សព្វផ្សាយពិសេសរបស់អ្នក។
២) ការផ្សាយពាណិជ្ជកម្មលើគេហទំព័រ៖ ដោយសារតែមនុស្សជាច្រើនប្រើប្រាស់អ៊ីនធឺណិត ដូច្នេះហើយ ការអានព័ត៌មានតាមកាសែត ឬ ទស្សនាវដ្ដីហាក់ដូចជាលែងពេញនិយម។ មានមនុស្សកាន់តែតិចទៅអានកាសែត ឬ ទស្សនាវដ្ដី មានន័យថា ការផ្សព្វផ្សាយផលិតផលរបស់អ្នក នៅលើវាគឺកាន់តែទទួលបានប្រសិទ្ធភាពតិច ហើយចំណាយច្រើនទៀត។ ប៉ុន្តែបើផ្សព្វផ្សាយនៅតាមគេហទំព័រវិញ គឺ ចំណាយតិច តែមានប្រសិទ្ធភាពខ្ពស់ ព្រោះមនុស្សភាគច្រើនប្រើប្រាស់អ៊ីនធឺណិតដើម្បីអានព័ត៌មានតាមគេហទំព័រ។
៣) អត្ថបទផ្សព្វផ្សាយ៖ អត្ថបទប្រភេទនេះ ត្រូវបានសរសេរ និង រៀបរាប់យ៉ាងលម្អិតអំពីអំពីផលិតផល ឬ សេវាកម្មនោះ បន្ទាប់មកក៏បញ្ជូនទៅកាន់ស្ថាប័នព័ត៌មានដើម្បីចេញផ្សាយ ជាពិសេសគេរើសយកប្រភេទស្ថាប័នព័ត៌មានដែលផ្ដោតលើអនឡាញ ហើយត្រូវនឹងប្រភេទផលិតផលឬ សេវាកម្មរបស់ខ្លួន។
៤) ការផ្សព្វផ្សាយតាមក្រុមហ៊ុនGoogle (Google Ad-words) ៖ ផ្សព្វផ្សាយ តាមក្រុមហ៊ុនGoogleនេះជាទូទៅបែបចែកជាពីរ ទី១ គឺGoogle Search ដោយពាក្យគន្លឹះ (Key words) ស្រដៀងគ្នាទៅហ្នឹងSEO ដែរគ្រាន់តែថា វាត្រូវចំណាយលុយ។ ទី២ គឺ Google Display ដែលជាទូទៅផ្ទាំងពាណិជ្ជកម្ម ឬ ការផ្សព្វផ្សាយរបស់អ្នកនឹងត្រូវបង្ហាញនៅលើគេហទំព័រជាច្រើន និង នៅតាមវីដេអូមួយចំនួនផងដែរ។
៥) ការធ្វើផ្សារដោយប្រើប្រាស់សារ (Email)៖ ការប្រើប្រាស់សារ (Email)នេះ គឺ ភាគច្រើនគេបញ្ជូនទៅកាន់អតិថិជនគោលដៅរបស់ក្រុមហ៊ុនជាច្រើនពាន់នាក់ក្នុងពេលតែម្ដង (ឬមួយលើក) តាមរយៈឈ្មោះសារ (Email)ដែលពួកគេមានក្នុងដៃ។
៦) ការធ្វើទីផ្សារតាមរយៈបណ្ដាញសង្គម៖ បណ្ដាញសង្គមមានច្រើនប្រភេទណាស់ ប៉ុន្តែ Facebook ជាប្រភេទបណ្ដាញសង្គមដែលមានមនុស្សប្រើប្រាស់ច្រើនជាងគេជាពិសេសក្នុងប្រទេសកម្ពុជា ដូច្នេះ ហើយការប្រើប្រាស់វាដើម្បីផ្សព្វផ្សាយផលិតផល ឬ សេវាកម្ម គឺ ជារឿងចាំបាច់។
៧) ការធ្វើទីផ្សារតាមរយៈសារទូរស័ព្ទដៃ៖ ដោយហេតុថា មានមនុស្សជាច្រើនប្រើប្រាស់ទូរស័ព្ទដៃ ដូច្នេះហើយការបញ្ជូនព័ត៌មាន ឬ ដំណឹងសំខាន់ៗស្តីពីផលិតផលឬ សេវាកម្ម គឺជារឿងដែលមិនអាចមើលរំលង។
នេះគ្រាន់តែត្រួសៗប៉ុណ្ណោះ ព្រោះមានវិធីជាច្រើនទៀត ដែលអ្នកជំនាញផ្នែកទីផ្សារសម័យទំនើបបាននឹងកំពុងប្រើប្រាស់។ ដូច្នេះហើយអ្នកអាចជ្រើសយកវិធីណាមួយដែលសក្ដិសមទៅតាមស្ថានភាពជាក់ស្ដែងនៃផលិតផល ឬ សេវាកម្មរបស់អ្នកបាន ដើម្បីឲ្យអតិថិជនកាន់តែច្រើនស្គាល់ និង ចងចាំអំពីម៉ាកសញ្ញារបស់អ្នក។
ចុះតើថាមានហេតុផលអ្វីបានជាក្រុមហ៊ុនខ្នាតតូចឬមធ្យមគួរគិតពីការពង្រីកម៉ាកយីហោ (Branding)?
ក្រៅពីពាក់ព័ន្ធការធ្វើទីផ្សារបែបទំនើប ឬហៅម្យ៉ាងទៀតថា ឌីជីថលម៉ាឃីធីង នៅមានចំណុចមួយចំនួនទៀតដែលម្ចាស់អាជីវកម្មគួរគិតនោះគឺការពង្រីកម៉ាកយីហោតែម្ដង (branding)។ ការផ្ដោតម៉ាកយីហោ រាប់បញ្ចូលទាំងការរចនាឡូហ្គូ (និមិត្តសញ្ញា) ការជ្រើសរើសពណ៌ដ៏ត្រឹមត្រូវសម្រាប់តំណាងក្រុមហ៊ុនរបស់អ្នក ការបង្កើតក្រដាសផ្សព្វផ្សាយ (មានដូចជា ក្រដាសខិតប័ណ្ណ ក្រដាសប្រកាសព័ត៌មានផលិតផលឬសេវាកម្មផ្សេងៗ ស្លាកសម្គាល់ក្រុមហ៊ុន) ការរចនាការផ្សព្វផ្សាយផ្សេងៗមានដូចជា នៅលើកាសែត ទស្សនាវដ្ដី ម៉ូតូកង់បី ប៊ីលបត ឬផ្សេងទៀត។ មិនត្រឹមតែប៉ុណ្ណោះអាជីវកម្មក៏ត្រូវការជ្រើសរើសរូបថត ឬថតរូបដើម្បីផ្សព្វផ្សាយផលិតផល ឬសេវាកម្មឱ្យកាន់តែទំនើប និងអាចទាក់ទាញអតិថិជនឱ្យចាប់អារម្មណ៍បាន។ អ្វីដែលបានរៀបរាប់ទាំងអស់នេះ គឺសុទ្ធតែជាសេវាកម្មរបស់ក្រុមហ៊ុនដ៏ធំមួយនៅប្រទេសថៃដែលមានឈ្មោះថា PAPER & PAGE ដែលលោកអ្នកអាចទាក់ទងបានតាមរយៈ៖
១) លោក Robert ជានាយកប្រតិបត្តិក្រុមហ៊ុនខាងលើមាន email: [email protected]
២) លេខទូរស័ព្ទរបស់លោក៖ +66 (0) 96-904-6868
៣) អាសយដ្ឋានលម្អិត៖
PAPER & PAGE (Thailand) Co., Ltd.
Freedom House
47/1 Soi Sukhumvit 49/1
Khlong Tan Nuea, Watthana
Bangkok 10110
Thailand
៤) គេហទំព័រ៖ http://www.paperandpage.com/#contact
៥) លោកអ្នកគ្រាន់តែបំពេញព័ត៌មានរួចនៅទីនេះ រួចក្រុមការងារក្រុមហ៊ុននឹងទាក់ទងទៅភ្លាម៕
រៀបរៀង៖ BizKhmer
រៀបរៀង៖ BizKhmer
