តើគួរធ្វើយ៉ាងណាទៅ បើក្រុមហ៊ុនអ្នកគ្មាន«ផ្នែកគ្រប់គ្រងធនធានមនុស្ស»នោះ?
ក្រុមហ៊ុនទាំងអស់ដែលបានបង្កើតឡើង គឺមិនមែនសុទ្ធតែមានផ្នែកធនធានមនុស្សទាំងអស់ទេ។ អ្នកអាចរកឃើញផ្នែកនេះ តាមក្រុមហ៊ុនធំៗ តែក្រុមហ៊ុនតូចៗ ឬលក្ខណៈគ្រួសារវិញ អាចនឹងគ្មានក៏ថាបាន។ ហេតុនេះតើគួរធ្វើដូចម្ដេច ពេលដែលក្រុមហ៊ុនអ្នកគ្មានផ្នែកធនធានមនុស្សនេះ?
១) គួររៀនដោយខ្លួនឯងវិញ៖ ផ្នែកធនធានមនុស្សគឺជាផ្នែកមួយដែលសំបូរទៅដោយអ្នកចេះដឹងនិងឯកទេស ហើយពួកគេមានតួនាទីបង្វឹក និងបង្ហាត់បង្រៀនបុគ្គលិកពាក់ព័ន្ធនឹងជំនាញរបស់ពួកគេ។ តែបើគ្មានផ្នែកធនធានមនុស្សវិញ ក្នុងនាមជាបុគ្គលិក អ្នកគួរតែរៀនសិក្សាដោយខ្លួនឯង។ ក្នុងនោះគួរទៅរៀនវគ្គបំប៉នពីខាងក្រៅ ឬមួយរៀនតាមប្រព័ន្ធអ៊នឡាញក៏បានដូចគ្នា។
២) ត្រូវរៀនសួរក្រុមហ៊ុនថាតើនរណាមានតួនាទីផ្នែកធនធានមនុស្សនេះ? ៖ ទោះបីជាគ្មានផ្នែកធនធានមនុស្សក្ដី តែក្រុមហ៊ុនក៏បានចាត់ចែងបុគ្គលមួយចំនួន គ្រប់គ្រងផ្នែកនេះដែរ។ ពួកគេជាអ្នកដែល គ្រប់គ្រងប្រាក់ខែបុគ្គលិក ក៏ដូចជាម៉ោងការងារផ្សេងៗ។ ដូចនេះក្នុងនាមជាបុគ្គលិក អ្នកគួរស្វែងរកពួកគេដើម្បីប្ដូរយោបល់ផ្សេងៗ ពាក់ព័ន្ធនឹងការងារឬប្រាក់ខែជាដើម៕
ប្រែសម្រួល៖ ព្រំ សុវណ្ណកណ្ណិកា ប្រភព៖ the balance.com
