មនុស្ស​មួយ​ចំនួន​យល់​ថា​ ការ​ទទួលបាន​ជោគជ័យគឺជា​ការ​សិក្សា​រៀន​សូត្រពី​បុគ្គល​ជោគជ័យ​​។ ការមានអ្នកណែនាំគឺជាពរជ័យដ៏អស្ចារ្យចំពោះសហគ្រិនម្នាក់ ប៉ុន្តែមិនមែនគ្រប់គ្នាសុទ្ធតែអាចរកឃើញដោយផ្ទាល់នោះទេ។ ប្រសិនបើអ្នកមិនទាន់រកឃើញអ្នកជំនួញម្នាក់​ដែល​អ្នក​ធ្វើ​ជា​អ្នក​ណែនាំ​ផ្ទាល់ខ្លួនរបស់អ្នកទេ នេះជាការណែនាំចំនួន ២១ សម្រាប់សហគ្រិនវ័យក្មេង ឬអ្នកមានបំណងជួយអ្នកក្នុង​ការចាប់ផ្តើម៖

១) ប្រកួតប្រជែងនឹងខ្លួនឯង

លោក Richard Branson មានប្រសាសន៍ថាការលើកទឹកចិត្តដ៏ធំបំផុតរបស់គាត់គឺត្រូវបន្តការប្រកួតប្រជែងដោយខ្លួនឯង។ គាត់ចាត់ទុកជីវិតដូចជាការអប់រំនៅសាកលវិទ្យាល័យដ៏មានរយៈវែងមួយដែលជាកន្លែងដែលគាត់អាចរៀនបន្ថែមទៀតជារៀងរាល់ថ្ងៃ ហើយអ្នកក៏អាចធ្វើបានដូចគាត់ដែរ។

២) ធ្វើការងារដែលអ្នកយកចិត្តទុកដាក់

គ្មានការសង្ស័យទេសម្រាប់ការបើកដំណើរការអាជីវកម្មមួយ​ដែល​ត្រូវការរយៈពេលយូរ។ លោក Steve Jobs បានកត់សម្គាល់ថាវិធីតែមួយកត់ដែលធ្វើឲ្យអ្នកពេញចិត្តក្នុងជីវិតគឺធ្វើការងារដែលអ្នកបានជឿជាក់ទៅលើវា ហើយធ្វើ​ដោយ​យក​ចិត្ត​ទុក​ដាក់​បំផុត។

៣) ប្រថុយ

យើងមិនអាចដឹងពីលទ្ធផលនៃការខិតខំរបស់យើងទេ ដរាបណាយើងមិនបានធ្វើវា។ លោក Jeff Bezos បាននិយាយថាវាបានធ្វើឲ្យគាត់នឹងមិនសោកស្តាយចំពោះការបរាជ័យ ប៉ុន្តែគាត់នឹងសោកស្តាយដែលមិនបានព្យាយាមធ្វើវា។

៤) ជឿជាក់លើខ្លួនឯង

ដូចលោក Henry Ford បាននិយាយយ៉ា​ងច្បាស់ថា «ជាការពិតណាស់ វាស្ថិតនៅលើអ្វីដែលអ្នកគិតថាអាច និងមិនអាច»។ ជឿជាក់លើខ្លួនឯងថាអ្នកប្រាកដជាអាចជោគជ័យ ហើយអ្នកនឹងរកឃើញវិធីឆ្លងកាត់ឧបសគ្គផ្សេងៗ។ តែបើអ្នកមិនធ្វើ គឺអ្នកគ្រាន់​តែ​រក​លេស​ប៉ុណ្ណោះ។

៥) មានចក្ខុវិស័យ

ស្ថាបនិក និងជានាយកប្រតិបត្តិក្រុមហ៊ុន Tumblr លោក David Karp បា​នកត់សម្គាល់សហគ្រិនថាគឺជាមនុស្សម្នាក់ដែលមានចក្ខុវិស័យសម្រាប់អ្វីមួយ និងមានបំណងប្រាថ្នាបង្កើតវាឡើង។ ដូច្នេះសូមរក្សាចក្ខុវិស័យរបស់អ្នកឲ្យបានច្បាស់គ្រប់ពេលវេលា។

៦) ប្រឈមមុខនឹងការភ័យខ្លាចរបស់អ្នក

ការជំនះភាពភ័យខ្លាចវាមិនមែនងាយស្រួលនោះទេ ប៉ុន្តែអ្នកត្រូវតែធ្វើវា។ Arianna Huffington ធ្លាប់បាននិយាយថាការភ័យខ្លាចគឺប្រៀបនឹងសាច់ដុំចឹង ហើយបើអ្នកកាន់តែប្រឈមមុខនឹងវា សាច់ដុំរបស់នឹងកាន់តែខ្លាំង។

៧) បញ្ចេញ​សកម្ម​ភាព​ឆ្លើយ​តប​ទៅ​នឹង​គោល​ដៅ​ដែល​បានកំណត់​

ពិភពលោកពោរពេញទៅដោយគំនិតល្អៗ ប៉ុន្តែភាពជោគជ័យកើតឡើងតែតាមរយៈសកម្មភាពប៉ុណ្ណោះ។ Walt Disney ធ្លាប់បាននិយាយថាវិធីងាយស្រួលបំផុតដើម្បីចាប់ផ្តើមគឺឈប់និយាយហើយចាប់ផ្តើមធ្វើ។ ដូច្នេះវាជាការពិតបើអ្នកចង់ជោគជ័យនោះ។

៨) កសាងក្រុមការងារដ៏ល្អ

លើលោកនេះគ្មានការជោគជ័យណាដែលកើតឡើងតែម្នាក់ឯងនោះទេ ហើយភាពអស្ចារ្យទាំងអស់នោះសុទ្ធតែកើតចេញពីក្រុមការងាររបស់អ្នកដូចគ្នា។

៩) ផែនការប្រមូលដើមទុន

លោក Richard Harroch ជាអ្នកបណ្តាក់ទុនរកស៊ីម្នាក់ លោកមានដំបូន្មានមួយសម្រាប់សហគ្រិននាពេលអនាគត៖ «វាពិបាកក្នុងការប្រមូលដើមទុកច្រើនជាងអ្វីដែលអ្នកបានគិត ហើយវាត្រូវការរយៈពេលយូរជាងនេះ»។ ដូច្នេះសូមមានគម្រាងសម្រាប់រឿងនេះឲ្យបានច្បាស់លាស់។

ក្នុងនាមជាសហគ្រិនជោគជ័យម្នាក់ត្រូវការការងារច្រើនចក្ខុវិស័យ​ និងការតស៊ូជាច្រើន។ គន្លឹះទាំង ២១ នេះពីសហគ្រិនដែលបានរកឃើញជោគជ័យនឹងជួយអ្នកឲ្យដើរលើផ្លូវបានស្រួលជាង។

ដោយ៖ Anthony Arthur