បច្ចេកទេសទាំង ៩ ធ្វើឲ្យមានទំនុកចិត្តខ្ពស់ក្នុងការនិយាយជាសាធារណៈ
ការនិយាយសាធារណៈ (Public speaking) គឺជាការនិយាយនៅមុខទស្សនិកជនដើម្បីបង្ហាញអ្វីមួយដល់អ្នកស្ដាប់។ ការនិយាយសាធារណៈមិនស្រួលនោះឡើយ ពីព្រោះវាទាមទារឲ្យអ្នកមានសមត្ថភាព សិល្បះ និងជំនាញនិយាយឲ្យទាក់ទាញ ដើម្បីធ្វើយ៉ាងណាអន្ទងចិត្តអ្នកស្ដាប់។ នេះជាបច្ចេកទេសជំនាញងាយៗទាំង ៩ យ៉ាងជួយបង្កើតសមត្ថភាពរបស់អ្នក៖
- ឈរឬអង្គុយខ្នងឲ្យត្រង់
ភាពស្ញប់ស្ញែងគឺលើសពីរបៀបដែលអ្នកប្រើភាសា។ វាក៏ជារបៀបដែលអ្នកប្រើភាសារាងកាយរបស់អ្នកផងដែរ។ ទីតាំងនៃខ្នងរបស់អ្នកគឺជាមូលដ្ឋានគ្រឹះនៃភាសារាងកាយរបស់អ្នកហើយដូច្នេះវាជាភាពទាក់ទាញរបស់អ្នក។ ជារួមមិនថាអ្នកអង្គុយ ឬឈរនិយាយទេ សូមព្យាយាមធ្វើឲ្យឆ្អឹងខ្នងរបស់អ្នកត្រង់ជានិច្ច មិនថានៅពេលណាក៏ដោយ។ - រក្សាទីតាំងក្បាល
ទីតាំងក្បាលរបស់អ្នកគឺមានសារៈសំខាន់ដូចទីតាំងនៃឆ្អឹងខ្នងរបស់អ្នកដែលជាការពិតឆ្លុះបញ្ចាំងពីឥរិយាបទទូទៅជាច្រើន។ ឧទាហរណ៍ ងើយក្បាលរបស់អ្នកឲ្យខ្ពស់ គឺវាបានបង្ហាញពីមោទនភាពនិងការប្តេជ្ញាចិត្ត។ តែប្រសិនបើអ្នក ឳនក្បាលចុះ វានឹងបង្ហាញថាអ្នកត្រូវគេវាយដំហើយ។ ក្បាលត្រង់គឺចាំបាច់សម្រាប់ភាពទាក់ទាញ សម្រាប់ហេតុផលខាងចិត្តវិទ្យាផងដែរ តែមិនមែនចេះតែធ្វើក្បាលរបស់អ្នកឲ្យត្រង់រហូតនោះទេ។ - ផ្តោតលើអ្នកស្តាប់របស់អ្នក
ប្រសិនបើមនុស្សកំពុងស្តាប់អ្នកហើយ ពួកគេនឹងមិនស្តាប់វិញ ប្រសិនបើអ្នកកំពុងគិតអំពីរឿងផ្សេងទៀត ឬប្រសិនបើភ្នែករបស់អ្នកវង្វេងវង្វាន់ពេញបន្ទប់ហើយនិយាយដោយគ្មានការយកចិត្តទុកដាក់។ ជៀសវាងការក្រឡេកមើលទៅចំហៀង ដែលវាធ្វើឲ្យអ្នកហាក់ដូចជាមិនស្មោះត្រង់ពោលគឺអៀន។ ដូចនេះ ត្រូវចេះប្រើកាយវិការភ្នែកផ្ដោតលើទស្សនិកជនរបស់អ្នក។ - និយាយឲ្យឮ
ការនិយាយឲ្យខ្លាំងល្មមដើម្បីឲ្យមនុស្សនៅឆ្ងាយបំផុតពីអ្នកអាចស្តាប់បានគឺចំណុច១ដែលអ្នកត្រូវគិតគុរ ប៉ុន្តែមិនខ្លាំងពេកទេ
ដែលធ្វើឲ្យមិនស្រួលសម្រាប់អ្នកដែលនៅខាងមុខ។ ប្រសិនបើអ្នកមិនច្បាស់អំពីកម្រិតសំឡេងរបស់អ្នក សូមសួរនរណាម្នាក់នៅខាងក្រោយប្រសិនបើពួកគេអាចឮអ្នកច្បាស់ សូមឲ្យពួកគេឆ្លើយថាបាទ / ចាស។ តែប្រសិនបើពួកគេឆ្លើយថាទេសូមធ្វើឲ្យសំឡេងរបស់អ្នកឲ្យខ្លាំងជាងរាល់ដង។ តួយ៉ាងវាមិនមែនជាសំឡេងស្រែកទេ ឬម្យ៉ាងទៀងអ្នកអាចស្នើសុំមីក្រូហ្វូន ឬស្នើឲ្យមនុស្សកាន់តែខិតមកជិតអ្នក។ - ប្រើកាយវិការសមរម្យ
ប្រើដៃរបស់អ្នកដើម្បីបញ្ជាក់ចំណុចសំខាន់ៗ។ វិធីងាយស្រួលក្នុងការរៀនជំនាញនេះគឺត្រូវមើលពីរបៀបដែលតារាល្បីៗ និងអ្នកនិយាយសាធារណៈនិយមប្រើកាយវិការនៅពេលពួកគេនិយាយ។ កត់សម្គាល់ពីរបៀបដែលចលនាដៃរបស់ពួកគេហាក់ដូចជារស់រវើក ផុសឡើងចេញពីពាក្យរបស់ពួកគេ។ ដូចនេះ ការប្រើប្រាស់កាយវិការក៏ជាចំណុចល្អផងដែរ។ - ផ្លាស់ទីរាងកាយ
បន្ថែមថាមពលទៅឲ្យពាក្យរបស់អ្នកដោយការផ្លាស់ទីរាងកាយរបស់អ្នកឲ្យបានត្រឹមត្រូវ។ ឧទាហរណ៍ប្រសិនបើអ្នកកំពុងនិយាយទៅកាន់មនុស្សមួយក្រុមពីដំណាក់កាលមួយ ពេលនោះអ្នកអាចផ្លាស់ប្តូរពីកន្លែងមួយទៅកន្លែងមួយដើម្បីបង្ហាញថាអ្នកកំពុងណែនាំគំនិតថ្មីមួយដល់អ្នកស្ដាប់។
ស្រដៀងគ្នានេះដែរនៅពេលអង្គុយនៅតុសន្និសីទសូមអោនទៅមុខបន្តិចនៅពេលអ្នកចង់សង្កត់ធ្ងន់លើចំណុចមួយ។ ផ្តល់ភាពងាយស្រួលដល់ទីតាំងអង្គុយរបស់អ្នកនៅពេលដែលអ្នកផ្លាស់ប្តូរពីមុខវិជ្ជាមួយ ឬពីគំនិតមួយទៅប្រធានបទមួយទៀត។ - ការប្រើប្រាស់ពាក្យពេចន៍
ចេះប្រើពាក្យ ឬឃ្លាធម្មតា ប៉ុន្តែជាឃ្លាដែលបង្ហាញចំណុចលក្ខណៈចងចាំ។ ជាពិសេសគប្បីចៀសវាងពាក្យដែលទស្សនិកជនរបស់អ្នកមិនយល់។ ការប្រើពាក្យដែលល្អៗ សាមញ្ញៗ តែវាបានធ្វើឲ្យអ្នកស្តាប់របស់អ្នកចង់សើច និងត្រូវបានចងចាំមិនភ្លេច។ ជៀសវាងការប្រើពាក្យបច្ចេកទេសពិបាកយល់។ - ត្រូវលើកដាក់សំឡេង និងប្រើល្បឿនខុសគ្នា
និយាយក្នុងល្បឿនតែមួយ និងប្រែអ្វីដែលអ្នកកំពុងនិយាយប្រដូចទៅនឹងយន្តហោះដែលគ្មានមនុស្សបើក។ ផ្ទុយទៅវិញបន្ថយល្បឿន និងបង្កើនល្បឿនអាស្រ័យលើសារៈសំខាន់នៃអ្វីដែលអ្នកកំពុងទំនាក់ទំនងនៅពេលនោះ។ ប្រសិនបើអ្នកកំពុងសង្ខេប ឬនិយាយចំចំណុចណាដែលវាហាក់ដូចជាសំខាន់កុំភ្លេចបន្ថយល្បឿនផងដើម្បីទុកពេលវេលាឲ្យអ្នកស្តាប់ចាប់អត្ថន័យរបស់អ្នកបាន។ - ផ្អាកនិយាយ
ភាពស្ងប់ស្ងាត់មិនត្រឹមតែជាភាពល្អប៉ុណ្ណោះទេ វាថែមទាំងជាសិរីល្អនៃភាពថ្លៃថ្នូរទៀតផង។ ឧទាហរណ៍ការផ្អាកបន្តិចមុនពេលអ្នកនិយាយអ្វីដែលសំខាន់ដែលជាការបង្កើតការសង្ស័យដល់ទស្សនិកជនរបស់ឲ្យកាន់តែចាប់អារម្មណ៍ដល់មួយកម្រិតទៀត។ ការផ្អាកបន្ទាប់ពីអ្នកបាននិយាយអ្វីមួយដែលសង្កត់ធ្ងន់លើសារៈសំខាន់របស់វា ហើយនិយាយឡើងតែបន្តិច និក្រោយមកទៀតនិយាយវាជាធម្មតាវិញ។ វាជាវិធីមួយដែលត្រូវបានអ្នកល្បីៗជាច្រើនជុំវិញពិភពលោកតែងយកមកប្រើប្រាស់៕
ដោយ៖ Arthony
