រាជធានីភ្នំពេញ ថ្ងៃទី២០ ខែកញ្ញា ឆ្នាំ២០១៩ កន្លងទៅ សែលកាតបានសម្ភោធជាផ្លូវការនូវកម្មវិធីរង្វាន់ថ្មីដល់អតិថិជនទាំងអស់ដែលហៅថា Cellcard Club។ អតិថិជនអាចចូលរួមជាមួយCellcard Club បាន តាមរយ:ការប្រើប្រាស់Cellcard App។ កម្មវិធីនេះជាការចាប់ផ្តើមជាថ្មីនៃCellcard Rewards ជាឈ្មោះកម្មវិធីចាស់ ដែលចាប់ផ្តើមដំបូង កាលពីឆ្នាំ២០១៣។

លោក Ian Watson នាយកប្រតិបត្តិរបស់ក្រុមហ៊ុនសែលកាតបានថ្លែងថា Cellcard Club ថ្មីត្រូវបានបង្កើតឡើង ដោយ ផ្តោតជាពិសេសទៅលើការជំរុញដល់របៀបរស់នៅប្រចាំថ្ងៃបែបឌីជីថលរបស់អតិថិជន។ លោក Watson បានបន្តថា “Cellcard Club គឺជាការផ្តល់ជូនដ៏ថ្មីបំផុត នៅក្នុង Appថ្មីរបស់យើងដែលបានដាក់ឲ្យ ប្រើប្រាស់ កាលពីខែកក្កដាកន្លងមក”។ “នេះជាការអរគុណដល់អតិថិជន ក៏ដូចជាបង្ហាញពីការប្តេជ្ញាចិត្តរបស់យើង ដើម្បីឈានមុខគេ លើផ្នែកភាវរូបនីយកម្ម បែបឌីជីថល ដែលប្រើប្រាស់បច្ចេកវិទ្យាចុងក្រោយ ដើម្បីបង្កើនគុណតម្លៃ និងភាពរីករាយដល់អតិថីជន។ 

អតិថិជនអាចចូលរួមCellcard Club បានដោយគ្រាន់តែទាញយក Cellcard App រួចចុចប៉ូតុងCellcard Club ជា ការស្រេច។ នៅក្នុងCellcard Club នេះមានចំនួន៥កម្រិត។ បើលោកអ្នកបានផ្កាយបានកាន់តែច្រើន នោះលោកអ្នកអាចឡើងបានកម្រិត កាន់តែខ្ពស់៖

● កម្រិតដំបូង៖  0 ដល់់ 30 ផ្កាយ

● កម្រិត ដែក៖  31 ដល់ 50 ផ្កាយ

● កម្រិត ត្បូងទទឹម៖ 51 ដល់ 500 ផ្កាយ

● កម្រិត ត្បូងកណ្តៀង៖ 501 ដល់ 2000 ផ្កាយ

● កម្រិត មាស៖ ចាប់ពី 2001 ផ្កាយ ឡើងទៅ

កម្មវិធីនេះក៏អាចកត់ចំណាំពីរយៈពេលដែលអតិថិជនក្លាយជាអតិថិជនដ៏ល្អ។ អតិថិជនប្រើប្រាស់សែលកាតរយ: ពេល កាន់តែយូរ នឹងទទួលបានផ្កាយក៏កាន់តែច្រើន ដែលអាចឡើងកម្រិតកាន់តែខ្ពស់។ 

ដើម្បីចុះឈ្មោះក្នុងCellcard Club អ្នកគ្រាន់តែទាញយក Cellcard App ដែលមាននៅក្នុង Google Play ឬ App Store ជាការស្រេច។  សម្រាប់ការចូលរួម និងបើករង្វាន់ គឺមិនមានគិតថ្លៃនោះទេ៕