សមាគម​អ្នក​វិនិយោគ​កម្ពុជា (Cambodia Investor Club Association -CiC) កាល​ពី​ថ្ងៃ​ទី​០៣ ខែ​សីហា ឆ្នាំ​២០១៩​ កន្លង​ទៅ​ បន្ទាប់​ពី​បាន​បញ្ចប់​ជា​ស្ថាពរ​នូវ​ កម្មវិធី BIO រដូវ​កាល​ទី​១​របស់​ខ្លួន ពេល​នេះ​បាន​ប្រកាស​បើក​នូវ​កម្មវិធី BIO រដូវ​កាល​ទី​២​ជា​ថ្មី នា​សណ្ឋាគារ​ Sunway ដោយ​មាន​ការ​ចូល​រួម​យ៉ាង​ច្រើន​ពី​សំណាក់​អ្នក​វិនិយោគ និង​សហគ្រិន​កម្ពុជា ។

BIO គឺ​ជា​កម្មវិធី​អាជីវកម្ម​ថ្មី​មួយ ដែល​បង្កើត​ឡើង​ដោយ​ សមាគម​អ្នក​វិនិយោគ​កម្ពុជា (Cambodia Investor Club Association -CiC) ក្នុង​គោល​បំណង​ចូលរួម​ជួយ​អភិវឌ្ឍន៍​សហគ្រាស​ធុន​តូច​និង​មធ្យម​នៅ​កម្ពុជា (SME) តាម​រយៈ​ការ​អភិវឌ្ឍ​សមត្ថភាព​របស់​សហគ្រិន​ក្នុង​ការ​ពង្រឹង ពង្រីក និង​ពន្លឿន​ល្បឿន​នៃ​ការអភិវឌ្ឍ​អាជីវកម្ម​របស់​ម្ចាស់អាជីវកម្ម៕