ចង់ដឹងអត់!!! មនុស្សរវល់ខ្លាំង គេគ្រប់គ្រងពេលវេលាដូចម្ដេចបាន?
តើអ្នកណាទៅក្នុងលោកនេះដែលមិនចេះរវល់? រវល់ទាំងការងារ រវល់ទាំងជីវភាពរស់នៅប្រចាំថ្ងៃ គ្រប់សព្វបែបយ៉ាង។ ហេតុនេះ ដើម្បីរៀនគ្រប់គ្រងពេលវេលា ឲ្យបានល្អ សម្រាប់ខ្លួនឯងដែលជាមនុស្សរវល់ អ្នកគួរអនុវត្តតាមវិធីដូចខាងក្រោម៖
១) ត្រូវរៀននិយាយថា ”ទេ”
សម្រាប់អ្នកដែលរវល់ខ្លាំង កាលណាអ្នកតែងទទួលការជួយដល់អ្នកដទៃ នោះអ្នកនឹងមិនមានពេលគ្រប់គ្រាន់សម្រាប់ការងារខ្លួនឯងឡើយ។ ហេតុដូចនេះក្នុងនាមជាអ្នករវល់ខ្លាំង ដូចនេះបើការងារណាមិនសូវជាចាំបាច់ទេ អ្នកគួរតែនិយាយពាក្យថាទេ ខ្លះហើយទៅកាន់អ្នកដែលសុំជំនួយនោះ។
២) មានតារាងការងារសម្រាប់ខ្លួនឯង
មុននឹងអ្នកចូលសម្រាន្ត ឬមួយក៏ទើបតែងើបពីព្រលឹមឡើង ឆាប់ចាប់ផ្ដើមទៅមើលតារាងការងាររបស់អ្នក ហើយចាប់យកការងារសំខាន់ដាក់ចូលខួរក្បាលមុនគេមុនឯង។ កុំរុញរា ហើយបើអ្នកមិនយកចិត្តទុកដាក់លើតារាងការងារប្រចាំថ្ងៃទេនោះ អ្នកនឹងខាតបង់ពេលកាន់តែច្រើនលើសរាល់ដងទៀត។
៣) ចែករំលែកការងារដល់អ្នកដទៃ
សម្រាប់អ្នកដែលចេះគ្រប់គ្រងពេលវេលាបានល្អ គឺជាមនុស្សដែលចេះចែករំលែកការងារដ៏ច្រើនរបស់ខ្លួនដល់អ្នកដទៃ។ ការងារច្រើនបែបនេះ អ្នកនឹងមិនអាចធ្វើតែម្នាក់ឯងអស់ទេ ទោះបីអ្នកធ្លាប់ធ្វើការងារច្រើន តែយូរៗ ទៅអ្នកនឹងយល់ថាការងារច្រើនបែបនេះគឺធ្វើតែឯងមិនអស់ឡើយ។
៤) សម្រាកខ្លះ
មនុស្សគឺមិនមែនជាម៉ាស៊ីនឡើយ ដូចនេះវាចាំបាច់សម្រាប់ខ្លួនឯងដែលត្រូវការពេលវេលាខ្លះក្នុងការសម្រាកខួរក្បាល រួចសឹមបន្តការងារទៀត ពេលធូរស្បើយ។ ខួរក្បាលក៏ត្រូវការម៉ោងសម្រាក ហើយរាងកាយក៏ដូចគ្នាដែរ៕
ប្រែសម្រួល៖ ព្រំ សុវណ្ណកណ្ណិកា
ប្រភព៖ Lifehack.com
