នារសៀលថ្ងៃសៅរ៍ ទី១ ខែធ្នូ ឆ្នាំ២០១៨ នេះ នៅកន្លែងធ្វើការរួមសហការ ក្រុមយុវជនអ៊ិកណៃកម្ពុជា (Ignite Cambodia) បានរៀបចំនូវសន្និសិទអ្នកកាសែតមួយដើម្បីប្រកាសជាផ្លូវការនូវ ព្រឹត្តិការណ៍ អ៊ិកណៃភ្នំពេញ (Ignite Phnom Penh) លើកទី៤ ដែលនឹងត្រូវបានប្រារព្ធធ្វើឡើងនៅថ្ងៃទី១៦ ខែធ្នូ ឆ្នាំ ២០១៨ ខាងមុខនេះនៅសហសាលសម្ដេច​​​​​​​​តេជោ​​​​​​ហ៊ុនសែន ​​​​​នៃវិទ្យាស្ថានបច្ចេកវិទ្យាកម្ពុជា (ITC) ចាប់ពីម៉ោង ១ ដល់ ៥​ ​រសៀល ដែលរំពឹងមានវាគ្មិនចំនួន ១៥ រូប និងអ្នកចូលរួមប្រមាណ ១ ពាន់នាក់មកពីគ្រឹស្ថានអប់រំ និងបណ្តាអង្គភាពឯកជន និងរដ្ឋនានា។   ព្រឹត្តិការណ៍ អ៊ិកណៃភ្នំពេញ (Ignite Phnom Penh) ត្រូវបានរៀបចំឡើងដោយយុវជនស្ម័គ្រចិត្ដមួយក្រុមដែលមានសមាជិកក្រុមចំនួន១០នាក់ ដែលក្នុងនោះមានលោក ជា សុខហ៊ី (ហៅ Bill) ជាអ្នកដឹកនាំក្រុម។ យោងតាមប្រសាសន៏របស់ លោក សុខហ៊ី បានអោយដឹងថាគោលបំណងនៃកម្មវិធី គឺចង់ឲ្យមនុស្សគ្រប់រូបអាចកសាងទំនុកចិត្ត និងសមត្ថភាពខ្លួនឯងតាមរយៈការនិយាយជាសាធារណៈ។ យើងមានចក្ខុវិស័យ សិស្ស និស្សិត យុវជន និងកូនខ្មែរទាំងអស់អាចស្ងែងយល់ និងមានឱកាស ឡើងចែករំលែកពីគំនិត និងរឿងរ៉ាវរបស់ខ្លួន នៅលើឆាកអន្តរជាតិបាន។ ប្រធានបទមានពាក់ព័ន្ធទៅនឹងវិស័យអប់រំ ការលើកទឺកចិត្ដ ការចែករំលែកអំពីភាពជោគជ័យ ក្ដីស្រមៃ និងគោលដៅរបស់ខ្លួន។​ ចំនុចពិសេសរបស់ព្រឹត្តិការណ៍ អ៊ិកណៃភ្នំពេញ (Ignite Phnom Penh) គឺ វាគ្មិននីមួយៗត្រូវធ្វើបទបង្ហាញក្នុងរយៈពេលត្រឹមតែ ៥នាទី និងស្លាយ (Slide) ចំនួន ២០។ ចំនុចនេះគឺតម្រូវអោយវាគ្មិននីមួយៗមាន​ការត្រៀមរៀបចំខ្លួនយ៉ាងល្អ និងមានកំរិតពិបាកខ្ពស់។ កម្មវិធីនេះមានការចូលរួមពីសំណាក់វាគ្មិនចំនួន ១៥ រូបមកពីគ្រប់ស្ថាបទ ដែលនឹងចែករំលែកនូវបទពិសោធន៍ និងចំណេះដឹងរបស់ខ្លួន ក្នុងនោះមានវាគ្មិនកិត្តិយសដូចជា៖ [caption id="attachment_63153" align="aligncenter" width="670"] លោក កែវ ឡង់ឌី (ជាស្ថាបនិក​ Baby Outlet)[/caption] [caption id="attachment_63154" align="aligncenter" width="670"] លោក ឆេង សុភ័ក្រ្ត (ជាស្ថាបនិក ទំព័រ រៀនថត)[/caption] [caption id="attachment_63155" align="aligncenter" width="670"] កញ្ញា គឹម ឌីណា (ជាអ្នកនិពន្ធសៀវភៅ)[/caption] ជាពិសេស​មានវាគ្មិនល្បីៗជាច្រើនទៀត ដូចជាកញ្ញា រិទ្ធី លំអរ​ពេជ្រ (ជាស្ថាបនិកបុណ្យភូមិ) លោក ឱក ព្រហ្មសុដន្ត ដែលឆ្លាប់និយាយនៅ TED Talks ព្រមស្ថាបនិកក្រុមរបាំស្រឡាញ់ភេទដូចគ្នាដំបូងគេនៅកម្ពុជា។ មិនត្រឹមតែប៉ុណ្ណោះ អ៊ិកណៃភ្នំពេញ (Ignite Phnom Penh) ឆ្នាំនេះ​ត្រូវបានទទួលការគាំទ្រធំពីក្រុមហ៊ុនភេស្ជជៈ Khmer Beverages និង​ក្រុមហ៊ុន ​ Grab Cambodia ជាដៃគូមធ្យោបាយធ្វើដំណើរផ្ដាច់មុខ​ ​និងដៃគូសំខាន់ៗដូចជា Outsources, EduQuest, សប្បាយ, ដឹដេស, សហការ, វីឌូសែរ និងសុវណ្ណាភូមិឡាយហ្វ៍។ ព្រឹត្តិការណ៍ អ៊ិកណៃ (Ignite Talks) បានបង្កើតឡើងដំបូងនៅសហរដ្ឋអាមេរិកនៅឆ្នាំ២០០៦ ហើយបានពង្រឹកខ្លួនដល់៣៥០ កន្លែងទូទាំងពិភពលោក។ នៅឆ្នាំ ២០១៦ លោកជា សុខហ៊ី (ហៅ Bill) និងកញ្ញា Lucy Tou បាននាំយកកម្មវិធីនេះមកកាន់ប្រទេសកម្ពុជាលើកដំបូងដែលមានអ្នកចូលរួមជាង ៧០០ នាក់។ តោះ !!! នៅចាំអីទៀតទិញសំបុត្រឥឡូវនេះ !