ស្នៀតទាំង ៥យ៉ាងក្នុងការដោះស្រាយជាមួយមនុស្សអវិជ្ជមាន
អ្នកប្រាកដជាធ្លាប់ជួបប្រទះនូវមនុស្សគ្រប់ជំពូកទាំងនៅសាលារៀន កន្លែងធ្វើការ ឬក្នុងគ្រួសារជាដើម។ អ្នកប្រហែលជាធ្លាប់ជួបមនុស្សមួយចំនួនដែលនិយាយតែពីបញ្ហា ចូលចិត្តនិយាយដើមគេ និងចូលចិត្តនិយាយរិះគន់ជាដើម។
មនុស្សអវិជ្ជមានគឺជាមនុស្សដែលមានគំនិតទុដ្ឋិនិយម។ ប្រសិនបើអ្នកមិនប្រយ័ត្នខ្លួននោះទេ នោះអ្នកប្រាកដជាត្រូវពួកគេអូសទាញជាមិនខាន។ ខាងក្រោមនេះ គឺជាស្នៀតទាំង ៥យ៉ាងក្នុងការដោះស្រាយជាមួយមនុស្សអវិជ្ជមាន៖
១) ដាក់ដែនកំណត់៖ អ្នកមានអារម្មណ៍ថាមានសម្ពាធដែលត្រូវអង្គុយស្ដាប់មនុស្សអវិជ្ជមាននិយាយ។ ឥទ្ធិពលអវិជ្ជមានរបស់ពួកគេនឹងសន្ធិតក្នុងខ្លួនរបស់អ្នកបន្ដិចម្ដងៗ ហើយវានឹងជះផលអវិជ្ជមានការគិតរបស់អ្នក។ អ្នកត្រូវដាក់ដែនកំណត់ និងអ្នកត្រូវដាក់ខ្លួនអ្នកឲ្យឆ្ងាយជាងមនុស្សប្រភេទនេះបន្ដិច។ ប្រសិនបើអ្នកចាំបាច់ត្រូវតែនៅក្បែរមនុស្សអវិជ្ជមាន អ្នកត្រូវតែដាក់ការសន្ទនារបស់អ្នកឲ្យខ្លីបន្តិច។ អ្នកមិនអាចគ្រប់គ្រងអាកប្បកិរិយាអវិជ្ជមានរបស់ពួកគេ តែអ្នកអាចកំណត់ខ្លួនអ្នកឲ្យនៅជិតពួកគេឬនៅឆ្ងាយពីពួកគេ។
២) ជៀសវាងមនុស្សពូកែរិះគន់៖ មនុស្សដែលចូលចិត្តរិះគន់ គ្រប់រឿងមិនមែនជាមនុស្សដែលធ្វើឲ្យជីវិតរបស់អ្នករីកចម្រើននោះទេ។ ពួកគេមិនដែលផ្ដល់ដំណោះស្រាយនោះទេ ប៉ុន្តែពួកគេចូលចិត្តនិងពូកែបង្កើតបញ្ហា។ ពួកគេតែងតែរិះគន់ ទិទៀនគំនិតរបស់អ្នក និងទាញអ្នកទៅក្នុងអាម្មណ៍របស់គេ។ ដូចនេះអ្នកគួរតែឈប់ទាក់ទងជាមួយពួកគេ ពីព្រោះពួកគេតែងតែនាំបញ្ហាដល់អ្នក។
៣) បុគ្គលិកអវិជ្ជមាន៖ វប្បធម៍របស់ក្រុមហ៊ុនរបស់អ្នកគឺជាផ្នែកមួយសំខាន់ក្នុងការកសាងមុខមាត់របស់ក្រុមហ៊ុន។ បុគ្គលិកអវិជ្ជមានអាចធ្វើឲ្យប៉ះពាល់ដល់វប្បធម៌របស់ក្រុមហ៊ុនអ្នកទាំងមូល។ បុគ្គលិកអវិជ្ជមានតែងតែបង្ហាញនូវការមិនពេញចិត្ត អកប្បកិរិយាអវិជ្ជមានជាដើម។ ដូចនេះអ្នកត្រូវតែផ្ដល់ឱកាសឲ្យពួកគេដើម្បីកែខ្លួន ប៉ុន្តែប្រសិនបើពួកគេមិនកែ អ្នកគួរតែមានវិធានការ។
៤) កុំឈ្លោះប្រកែក៖ កុំខ្វាយខ្វល់ជាមួយមនុស្សដែលតែងតែធ្វើឲ្យអ្នកខឹងក្ដៅក្រហាយ ពីព្រោះវាមិនត្រឹមតែធ្វើឲ្យមានជម្លោះនោះទេ តែថែមទាំងធ្វើឲ្យអ្នកមានអារម្មណ៍មិនល្អទៀតផង។ ដូចនេះអ្នកកុំឈ្លោះប្រកែកជាមួយពួកគេ សុខចិត្តដើរចេញវិញល្អជាង។ វាគ្មានប្រយោជន៍អ្វីទេដែលត្រូវឈ្លោះប្រកែកជាមួយមនុស្សធុននឹងទេ។
៥) កុំខ្ជះខ្ជាយពេលវេលា៖ មនុស្សអវិជ្ជមានចូលចិត្តធ្វើអ្វីដែលគ្មានការគិតពិចារណា។ អ្នកនឹងខ្ជះខ្ជាយពេលវេលាដ៏មានតម្លៃរបស់អ្នកនិងកម្លាំងឥតប្រយោជន៍ដែលត្រូវស្វែងយល់ពីមនុស្សអវិជ្ជមាន។ អ្នកត្រូវតែការពារខ្លួនរបស់អ្នកដោយមិនត្រូវគិតពីពួកគេនោះទេ។ ដូចនេះកុំចំណាយពេលឥតប្រយោជន៍គិតពីមនុស្សទាំងនោះ៕
ដោយ៖ លង់ វណ្ណៈ
