មុនឈានដល់វ័យ ៣០ឆ្នាំ អ្នកគួរតែមានគម្រោងហិរញ្ញវត្ថុទាំង ១០នេះយ៉ាងហោចណាស់
ដើម្បីជីវិតរស់ស្រួល នាថ្ងៃអនាគតហើយមានសេរីភាពហិរញ្ញវត្ថុទៀតនោះ អ្នកគួរតែមានឬសម្រេចនូវគម្រោងហិរញ្ញវត្ថុ ខាងក្រោមនេះ មុនពេលអ្នកមានអាយុ៣០ឆ្នាំ។ ក្នុងនោះរួមមាន៖
១) ផែនការចិញ្ចឹមខ្លួនឯង៖ បើទោះបីជាគ្រួសារនៅតែចាំជួយអ្នកក្តី ប៉ុន្តែក្នុងនាមជាកូនដែលធំដឹងក្តីម្នាក់ អ្នកគួរតែមានលទ្ធភាពចិញ្ចឹមខ្លួនឯង ឈប់សុំលុយពីពួកគាត់ហើយមានលុយសន្សំជាប្រចាំខែ។ បើទោះបីជាថ្ងៃណាមួយអ្នកគ្មានការងារធ្វើ អ្នកក៏នៅមានលុយដែលសន្សំទុកទប់ទល់បានមួយរយៈពេលដែរ។
២) ចាប់ផ្តើមសន្សំលុយសម្រាប់ចូលនិវត្តន៍៖ អ្នកគួរចាប់ផ្តើមសន្សំលុយទាន់ខ្លួននៅក្មេង ប្រសិនមិនចង់លំបាកពេលចាស់ទៅ។ អ្នកគួរតែចាប់ផ្តើមសន្សំលុយសម្រាប់ចូលនិវត្តន៍មុនពេលអាយុ២៥ឆ្នាំប្រសិនជាអាច។
៣) វិនិយោគ៖ ពេលនៅក្មេង អ្នកប្រហែលជាសន្សំលុយដើម្បីបានការប្រាក់។ ប៉ុន្តែ ការប្រាក់មិនអាចផ្លាស់ប្តូរជីវិតឲ្យរស់ស្រួលនោះទេ។ ដូច្នេះហើយ អ្នកគួរតែរកផ្លូវដើម្បីវិនិយោគដើម្បីបង្កើនចំណូលរបស់អ្នក។
៤) ត្រូវមានលុយពេលមានអាសន្ន៖ ជាធម្មតា តាមអ្នកជំនាញផ្នែកហិរញ្ញវត្ថុ បុគ្គលម្នាក់ៗត្រូវមានលុយទប់ទល់ពេលមានអាសន្ន។ ឯចំនួនលុយគួរតែអាចទប់ទល់បានពី៣ទៅ៦ខែ។
៥) ត្រូវមានធានារ៉ាប់រង៖ អ្នកគួរតែទិញធានារ៉ាប់រងជីវិតមួយប្រសិនអ្នកមិនចង់ឲ្យអវត្តមានរបស់អ្នកប៉ះពាល់ដល់មនុស្សជិតស្និទ្ធរបស់អ្នក។ តិចឬច្រើន វាអាចជួយគ្រួសារអ្នកខ្លះពេលអ្នកមិននៅ។
៦) កត់ត្រានូវការចំណាយ៖ វាជាការងារមួយដែលមើលទៅមិនចាំបាច់ទាល់តែសោះ។ ប៉ុន្តែ វាជាវិធីតែមួយគត់ដែលអ្នកអាចដឹងពីការចំណាយ។ ដូច្នេះហើយ មុនអាយុ៣០ អ្នកត្រូវបណ្ដុះទម្លាប់នេះឲ្យបាន។ បានអានឬនៅ? ប្រសិនជាអ្នកចង់បង្កើនប្រាក់ចំណូល តើអ្នកអាចធ្វើបានដោយវិធីណា?
៧) កុំចំណាយអ្វីអត់ប្រយោជន៍៖ ពេលនៅក្មេង អ្នកចូលចិត្តទិញអ្វីដែលអ្នកចង់។ ប៉ុន្តែ ឈានដល់វ័យ៣០ឆ្នាំហើយ អ្នកគួរយល់ពីសារៈសំខាន់នៃលុយ ហើយត្រូវចំណាយលើអ្វីដែលគួរចំណាយ មិនមែនចាយតាមតែចិត្តទៀតទេ។
៨) ទិញដោយលុយតែម្តង៖ ពីមុន ប្រហែលជាអ្នកមិនសូវមានលុយសន្សំច្រើន ពេលអ្នកទិញអ្វីមួយ អ្នកប្រហែលជាបង់រំលស់។ ប៉ុន្តែ ដល់វ័យ៣០ឆ្នាំហើយ អ្នកគួរតែចេះសន្សំនិងទិញដោយលុយ១០០%តែម្តង មិនបង់រំលស់ មិនអស់ការប្រាក់នោះទេ។
៩) ត្រូវមានការងារច្បាស់លាស់មួយ៖ ការងារគឺជាប្រភពចំណូលរបស់អ្នកឯង។ ដូច្នេះហើយ មុនអាយុ៣០ឆ្នាំ អ្នកគួរតែមានការងារនឹងនមួយនិងដាក់ចិត្តដាក់កាយលើការងារហ្នឹងតែម្ដងព្រោះវានឹងផ្ដល់លុយដល់អ្នក។
១០) ត្រូវមានប្រភពចំណូលឲ្យបានច្រើន៖ អ្នកមិនគួរពឹងផ្អែកទៅលើប្រាក់ខែតែមួយមុខនោះទេ។ ប្រសិនអ្នកចង់សល់លុយពេលចាស់ទៅ អ្នកត្រូវមានប្រភពដែលផ្ដល់លុយដល់អ្នកបានដូចជាមានផ្ទះជួល តូបជួល ចូលភាគហ៊ុនជាមួយអ្នកដទៃ។ល។
បានអានឬនៅ? https://www.bizkhmer.com/ecoedu/22540/
ដោយ៖ មុយយូ
