វិធីងាយៗនិងមានប្រសិទ្ធភាព ជួយបន្ធូរបន្ថយជំងឺធ្លាក់ទឹកចិត្តរបស់យុវវ័យសម័យនេះ
បច្ចុប្បន្ន មានមនុស្សជាច្រើនកំពុងប្រឈមមុខនឹងជំងឺធ្លាក់ទឹកចិត្ត ដែលក្នុងនោះផងដែរ គេសង្កេតឃើញថា អត្រានៃអ្នកកើតជំងឺនេះគឺមានច្រើនចំពោះយុវជន។ ដោយយោងតាមទិន្នន័យរបស់ NSSP បានឲ្យដឹងថា ២០ភាគរយនៃយុវជនតែងកើតមានអារម្មណ៍នេះ មុនពេលលូតលាស់ទៅវ័យបន្ទាប់។
ដូចនេះដើម្បីកាត់បន្ថយអត្រានៃការកើតមានជំងឺនេះ តើអ្នកគួរធ្វើដូចម្ដេច?
១) ផ្លាស់ប្ដូររបៀបរស់នៅរបស់អ្នក ហើយងាកមកធ្វើអ្វីដែលអ្នកមិនដែលធ្វើ ព្រោះថាពេលខ្លះបើអ្នកតែងតែធ្វើអ្វីៗ ដដែលៗ ពេក អ្នកអាចកើតមានអារម្មណ៍បាក់ទឹកចិត្តដោយសារមើលមកខ្លួនដូចជមិនអភិវឌ្ឍអ្វីសោះ។
២) ព្យាយាមយ៉ាងណា ផ្សារភ្ជាប់ទំនាក់ទំនងខ្លួនឯង ទៅកាន់អ្នកដទៃ ឲ្យបានច្រើនតាមតែអាចធ្វើទៅបាន ដោយនិយាយទៅកាន់គេឯង ធ្វើការងារស្ម័គ្រចិត្ត ឬដើរលេងកម្សាន្តជាដើម។
៣) ធ្វើអ្វីដែលអ្នកចង់ធ្វើទៅបានហើយ ក្នុងនោះដូចជាលេងកីឡាដែលអ្នកចូលចិត្ត ដើរលេង មើលកុន ច្រៀងរាំជាដើម។
៤) ចេញមកក្រៅ ហើយទទួលពន្លឺពីព្រះអាទិត្យឲ្យបានច្រើនក៏កាន់តែជួយអ្នកដែរ ។
៥) ព្យាយាមយកឈ្នះគំនិតមិនល្អ ដែលតែងតែលេចឡើងក្នុងខួរក្បាលអ្នក ព្រោះថា គំនិតទាំងនោះហើយដែលជាដើមចមនាំអ្នកឲ្យគិតច្រើន រួចអង្គុយកើតទុក្ខដោយសារស្អប់ខ្លួនឯង និងបាក់ទឹកចិត្តទៀត៕
ប្រែសម្រួល៖ ព្រំ សុវណ្ណកណ្ណិកា
ប្រភព៖ helpguide
