(CNN)៖ មន្រី្តអង្គការសុខភាពពិភពលោក​ ផ្ដល់​អនុសាសន៍​ដល់មហាជនទាំងឡាយ កុំឲ្យពាក់ម៉ាស់ លើកលែងតែអ្នកដែលឈឺ ឬមើលថែអ្នកជំងឺ។ ការ​ផ្ដល់​អនុសាសន៍របស់​អ្នក​ជំនាញ​នា​ពេល​នេះ​ គឺ​ដោយ​សារ​តែក្រុមអ្នក​ជំនាញ​បង្ហាញ​ពី​ក្ដី​ព្រួយបារម្ភ​ជុំវិញ បញ្ហាកង្វះម៉ាសសម្រាប់បុគ្គលិកសុខាភិបាលនាពេលអនាគត។ ជាមួយ​គ្នានេះ ក៏​មាន​ការ​ព្រួយបារម្ភ ប្រសិនបើប្រជាជន ឬ​អ្នក​ដែល​ត្រូវ​នៅផ្ទះហើយ គាត់មិនឈឺ តែនៅបន្តពាក់ម៉ាស ព្រោះថា វាអាចប៉ះពាល់ការផ្គត់ផ្គង់ដល់បុគ្គលិកសុខាភិបាល។ 

លោកវេជ្ជបណ្ឌិត Mike Ryan នាយកប្រតិបត្តិនៃកម្មវិធីបន្ទាន់ផ្នែកសុខភាពរបស់ WHO (Executive Director of the WHO Health Emergencies Program) បាននិយាយថា៖ «វាមិនទាន់មានភស្តុតាងជាក់លាក់ណាមួយដែលបង្ហាញថា ការពាក់ម៉ាសរបស់អ្នកអាចមានអត្ថប្រយោជន៍​ច្រើន [ពាក់ព័ន្ធ​កូវីដ១៩]។​ តាមពិត វា​អាច​ផ្ដល់​នូវ​ផល​ផ្ទុយទាំង​ស្រុង ដោយ​សារ​តែមនុស្ស​ភាគ​ច្រើន​មិន​យល់​ពីរបៀបពាក់ឱ្យត្រឹមត្រូវ»។ 

លោកស្រីវេជ្ជបណ្ឌិត Maria Van Kerkhove អ្នកជំនាញផ្នែកជំងឺឆ្លងនៃអង្គការសុខភាពពិភពលោក (Infectious Disease Epidemiologist with the WHO) ក៏បាននិយាយដែរថា ៖«យើងមិនបានណែនាំឲ្យមានការប្រើម៉ាសដើម្បីការពារការរាលដាលនៃមេរោគនេះទេ។ ឥឡូវនេះបញ្ហាធំជុំវិញសកលលោកដែលកំពុងកើតមាននោះគឺកង្វះខាតផ្នែកសម្ភារៈពេទ្យ ជាពិសេសម៉ាសនេះតែម្តង។ ដូច្នេះប្រសិនបើអ្នកនូវតែបន្តប្រើម៉ាសក្នុងគោលបំណងការពារមេរោគនោះ ប្រហែលបុគ្គលិកសុខាភិបាលដែលត្រូវមើលថែអ្នកជំងឺកូវីដ១៩ នឹងត្រូវមាន​ហានិភ័យខ្ពស់ដោយសម្ភារៈពេទ្យមិនគ្រប់គ្រាន់»។ ​លោកស្រីបានបន្ថែមចុងក្រោយថា​ «អ្នកដែលត្រូវប្រើប្រាស់ម៉ាសរួមមានអ្នកដែលឈឺ អ្នកត្រូវមើលថែអ្នកជំងឺ និងបុគ្គលិកកំពុងបម្រើការក្នុងវិស័យសុខាបាល ជាពិសេសអ្នកត្រូវទៅជិតអ្នកជំងឺកូវីដ១៩»។

បើតាម​ការ​ប្រកាស​របស់ ​អង្គការសុខភាពពិភពលោក បានឱ្យ​ដឹង​ផង​ដែរ​ថា​ មន្ត្រីរជួមុខសុខាភិបាលបាននិងកំពុង​ប្រឈមនឹង​កង្វះបរិក្ខារពេទ្យមួយចំនួនទាំង​ម៉ាស និង​ស្រោមដៃ ទោះបីជាមិនដល់ពេលនេះមិនទាន់មានការវាយតម្លៃ​យ៉ាងណាក៏ដោយ៕ 

អត្ថបទពាក់ព័ទ្ធ៖

• ​​តើ​ចិន​ពិត​ជា​បង្កើត​វីរុស​កូវីដ​១៩​មែន? ​តើចិន​បាន​ចំណេញ​អ្វីបើមែន​? ចុះបើ​មិនមែនអ្នកណាចំណេញ?​
• គួរគិតគូរ! ការិយាល័យធ្វើការរបស់អ្នកអាច​ជាប្រភពចម្លងវីរុសកូវី១៩ គួរឲ្យខ្លាច​

ដោយ​៖ Anthony