ថ្ងៃនេះ​យើង​នាំ​គ្នា​មក​សិក្សា​អំពី​វាក្យសព្ទ​ដែល​អាច​ប្រើ​ជំនួស​ឲ្យ​គុណនាម Lazy សម្រាប់​រៀបរាប់​ពី​មនុស្ស​ខ្ជិល​ដូច​មាន​ចំនួន​៦​របៀប​នៅ​ខាងក្រោម​នេះ។

១) Even this kind of small works he is unwilling to work. Such a layabout person !

Layabout គឺជា​គុណនាម​ដែល​ប្រើ​សម្រាប់​រៀបរាប់​ពី​នរណា​ម្នាក់​ដែល​មិន​ចង់​លើកដៃ​លើកជើង​ធ្វើការ។ តួយ៉ាង​ឃ្លា​ក្នុង​ឧទាហរណ៍​ខាងលើ​មានន័យ​ថា «បើ​ទោះ​ជា​ការងារ​ដ៏​តូចតាច​ប្រភេទ​នេះ​ក៏​គាត់​មិន​ចង់​ធ្វើ​ដែរ។ ពិត​ជា​មនុស្ស​ដែល​លើកដៃ​លើកជើង​មិន​រួច​មែន !»។

២) Does the way that he lies on the couch watching t.v. all day cannot be described as a lazybone ?

Lazybone គឺជា​នាម​សម្រាប់​សំដៅ​លើ​មនុស្ស​ដែល​ខ្ជិល​ច្រអូស។ តួយ៉ាង​ឃ្លា​ក្នុង​ឧទាហរណ៍​ខាងលើ​មានន័យ​ថា «តើ​របៀប​ដែល​គាត់​ទម្រេត​ខ្លួន​លើ​សាឡុង​មើល​ទូរទស្សន៍​ពេញមួយថ្ងៃ​បែប​នេះ មិន​អាច​ចាត់​ទុក​ថា​ជា​មនុស្ស​ខ្ជិលច្រអូស​ទេ​ឬ ?»

៣) She doesn't lift a finger is a good thing at least she doesn't make any more troubles for us.

To not lift/raise a finger ជាIdiom​ដែល​មានន័យ​ថា​មិន​ស្វះស្វែង​ជួយ​អ្វី​បន្តិច​ទាល់តែសោះ។ តួយ៉ាង​ឃ្លា​ក្នុង​ឧទាហរណ៍​ខាងលើ​មានន័យ​ថា «នាង​មិន​បាន​ស្វះស្វែង​ជួយ​អ្វី​បន្តិច​សោះ​គឺជា​រឿង​ល្អ​ហើយ​យ៉ាងហោចណាស់​កុំ​ឲ្យ​តែ​នាង​នាំ​បញ្ហា​ឲ្យ​យើង​បន្ថែម​ទៅ​បាន​ហើយ។»

៤) While everyone was busy doing all of the works, he contrarily sat around on his backside.

To sit around on one's backside មានន័យ​ថា​មិន​ធ្វើ​អ្វី​សោះ។ តួយ៉ាង​ឃ្លា​ក្នុង​ឧទាហរណ៍​ខាងលើ​មានន័យ​ថា «នៅ​ពេល​ដែល​គ្រប់គ្នា​កំពុងតែ​រវល់​នឹង​ធ្វើ​ការងារ​ទាំងអស់ ផ្ទុយទៅវិញ​គាត់​បែរ​ជា​អង្គុយ​មិន​ធ្វើ​អ្វី​សោះ។»

៥) On the weekend off from work, I can only be a couch potato and rest at home.

Couch potato ជា​នាម​ដែល​ប្រើប្រាស់​សម្រាប់​សំដៅ​លើ​មនុស្ស​ណា​ដែល​ចំណាយ​ពេល​មើល​ទូរទស្សន៍​ច្រើន​និង​មិន​សូវ​មាន​ការងារ​អ្វី​ធ្វើ។ តួយ៉ាង​ឃ្លា​ក្នុង​ឧទាហរណ៍​ខាងលើ​មានន័យ​ថា «នៅ​ចុង​សប្ដាហ៍​សម្រាក​ពី​ការងារ ខ្ញុំ​មានតែ​ចំណាយ​ពេល​ច្រើន​សម្រាប់​មើល​ទូរទស្សន៍​​និង​សម្រាក​នៅ​ផ្ទះ​នេះ​ឯង។»

៦) I cannot blame these work-shy employees, because it is also one of my faults to blame that they do their work like this.

Work-shy ជា​គុណនាម​សម្រាប់​ប្រើប្រាស់​សំដៅ​លើ​មនុស្ស​ណា​ដែល​មិន​ចូលចិត្ត​ការងារ​និង​ព្យាយាម​គេចវេះ​ពី​ការងារ​តាម​តែ​អាច​ធ្វើ​បាន។ តួយ៉ាង​ឃ្លា​ក្នុង​ឧទាហរណ៍​ខាងលើ​មានន័យ​ថា «ខ្ញុំ​មិន​អាច​បន្ទោស​បុគ្គលិក​ដែល​មិន​ចូលចិត្ត​ការងារ​ហើយ​ព្យាយាម​គេចវេះ​ពី​ការងារ​ទាំងអស់​នេះ​បាន​ទេ ព្រោះ​វា​ក៏​ជា​ចំណែក​មួយ​នៃ​កំហុស​របស់​ខ្ញុំ​នឹង​ត្រូវ​បន្ទោស​ដែរ​ដែល​ពួកគេ​ធ្វើ​ការងារ​របស់​ពួកគេ​របៀប​នេះ។»

ដោយ៖ ស្រីពៅ