Startup ថៃដាក់សំណើរ ៧ ចំណុចទៅរដ្ឋាភិបាល បង្កើតជា Startup ជាតិរួម និងលើកកម្ពស់ការប្រកួតប្រជែង
Startup ថៃប្រមាណជាង ៦០០ បានចូលរួមគ្នាដាក់សំណើរជាគោលការណ៍ ៧ ចំនុចស្នើទៅរដ្ឋាភិបាលដើម្បីជំរុញ Startup ទាំងអស់ចូលជា Startup ជាតិរួម និងធ្វើការលើកកម្ពស់នូវការប្រកួតប្រជែងរវាង Startup ថៃនិង Startup នៃបណ្តាប្រទេសនានា។ គោលដៅនៃការដាក់សំណើរនេះគឺដើម្បីបង្កើនសេដ្ឋកិច្ចថៃប្រមាណ ៥% លើផលិតផលក្នុងស្រុកសរុបថៃ បង្កើតការងារជាង ៥០,០០០ កន្លែងនិងបង្កើនចំនួននៃការចាប់ផ្តើមច្នៃប្រឌិតឡើងដល់ជាងមួយពាន់នាក់បន្ថែមទៀត។
លោកបណ្ឌិត Suwit Maysinsee រដ្ឋមន្ត្រីក្រសួងវិទ្យាសាស្រ្តនិងបច្ចេកវិទ្យាមានប្រសាសន៍ថា ការរីកចម្រើននៃ Startup ថៃនេះមានការកើនឡើងច្រើនជាង ៨,៥០០ ខណៈដែលមានការគាំទ្រពីរដ្ឋាភិបាលកាលពី ៣ឆ្នាំមុន បង្កើតការងារបានជាង ១៥,០០០ កន្លែង ភ្ញាស់ Startup ថ្មីពីសាកលវិទ្យាល័យចំនួន ៣៥ និងចូលរួមការវិនិយោគជាមួយ Startup នូវទឹកប្រាក់ជាង ៦ពាន់ប៊ីលានបាត។ តំណាង Startup ជាង ៦០០ ដែលចូលរួមក្នុងការដាក់សំណើរនោះមកពី
១) Thailand Tech Startup Association
២) Thai Venture Capital Association (TVCA)
៣) Thai Fintech Association
៤) Thai Health Tech Thai Trade Association
៥) Thai Programmer Association
៦) Electronics Logistics Association
៧) Startup ជំនាន់ថ្មី និងអ្នកតំណាងនិសិ្សតសាកលវិទ្យាល័យ និងយុវជនដែលមានគំនិតបង្កើត Startup ជាច្រើននាក់ទៀត។
គោលការណ៍ទាំង ៧ នៃសំណើរនោះរួមមានដូចជា៖
១) ផ្តល់ភាពងាយស្រួលដល់ការធ្វើអាជីវកម្ម Startup ការកាត់បន្ថយភាពតឹងរ៉ឹងនៃដំណើរការអាជីវកម្មដូចជាការកាន់ចំណែកភាគហ៊ុនពីសំណាក់ជនបរទេស ផ្តល់ឲ្យនយោជិតនូវផែនការភាពជាម្ចាស់ភាគហ៊ុន (ESOP)។២) គាំទ្រការអភិវឌ្ឍភាពច្នៃប្រឌិតថ្មី
៣) ពង្រីកការធ្វើទីផ្សារ និងជំនួញឆ្លងប្រទេសដោយ លើកទឹកចិត្តដល់ភ្នាក់ងាររដ្ឋាភិបាលដើម្បីជ្រើសរើស Startup ដើម្បីបង្កើតទីផ្សារ។ ពួកគេក៏ស្នើសុំឱ្យរដ្ឋាភិបាលលៃតម្រូវកិច្ចសន្យាការងារដែលសមទៅនឹង Startup និងស្នើដល់ការគាំទ្រពីរដ្ឋាភិបាលក្នុងការពង្រីកអាជីវកម្មរបស់ពួកគេទៅក្នុងប្រទេស CLMV និងទីផ្សារក្នុងតំបន់។
៤) អភិវឌ្ឍគំនិតផ្តួចផ្តើម Deep Tech Startup ដោយគាំទ្រដល់ Startup ជាមួយការធ្វើការជាមួយអ្នកស្រាវជ្រាវសាកលវិទ្យាល័យ ឬវិទ្យាស្ថានស្រាវជ្រាវ ដូចជាការបង្កើតជាចង្កោមវិស័យជំនួញជាច្រើននិងបង្កើត ecosystems ដទៃទៀតដែលរួមចំណែកដល់ការអភិវឌ្ឍ Deep Tech។
៥) ទទួលបានការផ្តល់ទុន និងដើមទុន Startup ដោយការអភិវឌ្ឍវិនិយោគិនជំនាន់ថ្មីដើម្បីសិក្សាស្វែងយល់ពីអាជីវកម្មនៃ Startup និងលើកកម្ពស់ការវិនិយោគជាបន្តបន្ទាប់ទៅលើ Startup តាមរយៈការអភិវឌ្ឍទាំងមូលនិធិផ្គូផ្គង (Matching Fund) និងមូលនិធិផលប៉ះពាល់ (Impact Fund) និងបណ្តាញនៃវិនិយោគិននិង Startup
៦) បង្កើតនូវសង្គមសហគ្រិនដែលអ្នកជំនាន់ថ្មីអាចជួបជាមួយ Startup និងរៀនពីគ្នាទៅវិញទៅមក
៧) ការទាក់ទាញអ្នកដែលមានជំនាញខ្ពស់ អ្នកដែលកំពុងអ្នកចាប់ផ្តើមអាចរៀនសូត្រនិងអភិវឌ្ឍខ្លួនឯង។ រដ្ឋាភិបាលអាចផ្តល់ការគាំទ្រតាមរយៈការវិនិយោគ ក្នុងការបណ្តុះបណ្តាលនិងការអប់រំ។
តំណាងអាជីវកម្ម Startup បាននិយាយថាមានទិដ្ឋភាពជាច្រើនដែល Startup ថៃត្រូវការជំនួយពីរដ្ឋាភិបាលដើម្បីបង្កើនការប្រកួតប្រជែងរបស់ខ្លួន។ ប្រសិនបើប្រទេសថៃចង់ជំរុញកំណើន ecosystems នៃអាជីវកម្ម Startup នោះវាចាំបាច់ត្រូវលើកទឹកចិត្តវិនិយោគិន៕
ដោយ៖ យ៉ាយ៉ា
