ហេតុផល៤យ៉ាងសំខាន់ៗបញ្ជាក់ថាអ្នកគួរលះបង់អតីតកាលរបស់អ្នកចោល
ជាការពិតណាស់នៅក្នុងជីវិតរបស់មនុស្សម្នាក់តែងតែជួបនៅរឿងរ៉ាវឈឺចាប់ វិលវល់ រាងចាល បាត់បង់ស្មារតី មិនហ៊ានប្រឈមមុខនិងអ្នកដទៃបាត់បង់ជំនឿចិត្តដោយសារតែរឿងរ៉ាវដែលបានកើតឡើងហើយនៅក្នុងអតីតកាល។ ដែលវាមានភាពដិតដាមនៅក្នុងអារម្មណ៍ដែលជាហេតុបណ្តាលឲ្យមនុស្សជាច្រើនមិនអាចបោះបង់អតីតកាលរបស់ពួកគេចោលហើយបណ្តាលឲ្យពួកគេរស់នៅក្នុងអតីតកាល។ ពិតប្រាកដណាស់បើយើងក្រឡេកមើលឲ្យកាន់តែជ្រៅទៅលើបញ្ហាទាំងនេះទៅ យើងនិងដឹងថាពួកគេមិនមែនចង់រស់នៅក្នុងស្ថានភាពបែបនេះទេ ក៏ប៉ុន្តែគ្រាន់តែពួកគេមិនមានដំណោះស្រាយសម្រាប់ខ្លួនឯង និងហេតុផលមួយចំនួនសម្រាប់ចាក់ឆ្ងាយអំពីអតីតកាលទាំងនេះ។ ហេតុនេះអត្ថបទខាងក្រោមនេះ នឹងផ្តល់ជាគំនិតនិងហេតុផលចំនួន៤ដែលអ្នកគួរតែលះបង់អតីតកាលរបស់អ្នកចោល៖
១)ប្រសិនបើអ្នកមិនបោះបង់អតីតកាលចោលទេ នោះអ្នកនិងមិនបានទទួលការផ្លាស់ប្តូរពិតប្រាកដបានទេ៖
ជាការពិតណាស់រឿងរ៉ាវដែលបានកើតឡើងកន្លងមកនៅក្នុងអតីតកាលវាហាក់បីជាផ្តល់ការឈឺចាប់ សោកសង្រេង ប៉ុន្តែប្រសិនបើអ្នកនៅតែទទួលរងនៅស្ថានភាពបែបនេះតើវាអាចឲ្យអ្នកមានភាពប្រសើរឡើងដែរឬទេ? ហេតុនេះហើយអ្នកគួរតែងើបចេញពីរឿងអស់ទាំងនេះផ្លាស់ប្តូរការគិតនិងទង្វើដែលវាបណ្តាលឲ្យអ្នកទទួលបានស្ថានភាពបែបនេះហើយផ្លាស់ប្តូរខ្លួនអ្នកឪ្យមានភាពប្រសើរជាងមុន។
២)ការរស់នៅក្នុងអតីតកាលវាហាក់បីដូចជាការអនុញ្ញាតឱ្យទ្វារចាស់នៅតែបន្តបើក ហើយទ្វារថ្មីនៅបិទ៖
ការដែលរស់នៅក្នុងស្ថានភាពអតីតកាលវាហាក់បីដូចជាអ្នកបិទផ្លូវក្នុងការទទួលយករឿងថ្មហើយអ្នកនៅតែបន្តទទួលបាននៅរឿងអាក្រក់និងមិនល្អជាច្រើនទៀតដែលវាមិនចេះចប់ចេះហើយ។
៣) ជីវិតរបស់មនុស្សខ្លីណាស់ ហេតុនេះហើយកុំចំណាយពេលទៅលើរឿងដែលបានកើតឡើងហើយនៅក្នុងអតីតកាលច្រើនពេក៖
ការដែលអ្នកចំណាយពេលវេលាគិតនៅរឿងដែលបានកើតឡើងរួចមកហើយ វាមិនបានផ្តល់នៅការចំណេញអ្វីដល់អ្នកនោះទេ។ វានាំឲ្យតែអ្នកខាត់បង់នៅពេលចោលឥតប្រយោជន៍។
៤)អ្នកមិនអាចបង្វិលពេលវេលានិងផ្លាស់ប្តូរអ្វីដែលបានកើតឡើងហើយនោះទេ៖
គ្មាននរណាម្នាក់មិនដែលមានកំហុសនៅក្នុងអតីតកាលនោះទេ ហើយក៏គ្មាននរណាម្នាក់អាចបង្វិលពេលវេលាឲ្យថយក្រោយបាននោះទេ។ ហេតុនេះហើយរាល់កំហុសនិងរឿងរ៉ាវទាំងឡាយដែលបានកើតឡើងនៅក្នុងអតីតកាល សូមអ្នកទាំងអស់គ្នាទុកវាជាបទពិសោធន៍ និងកែតម្រូវវាឲ្យមករកភាពត្រឹមត្រូវនិងល្អប្រសើរវិញ។
ប្រែសម្រួលដោយ៖ អ៊ុន ស្រីនាង
