បើមានរឿង ៤យ៉ាងនេះកើតឡើង! អ្នកមិនបាច់សូមទោសគូស្នេហ៍អ្នកវិញទេ
ចំណងស្នេហាគឺជារឿងធំមួយដែរ ក្នុងជីវិតរស់នៅរបស់យើង។ តែជីវិតរបស់យើង គឺនៅតែធំធេងជាងអ្វីៗ ទាំងអស់ដដែល។ ដែលជាហេតុ ពេលខ្លះអ្នកត្រូវធ្វើតាមខ្លួនឯង ដោយមិនចាំបាច់ផ្គាប់ ឬសូមទោសនរណា ដោយសារតែការស្រលាញ់ខ្លួនឯងនោះទេ។
អត្ថបទខាងក្រោមនឹងបង្ហាញពីចំណុចខ្លះៗ ដែលអ្នកមិនគួរសូមទោសគូស្នេហ៍អ្នកឡើយ ប្រសិនជួបរឿងបែបនេះ
១) ការមិនចូលចិត្តអ្វីដូចគ្នា
អ្នកមិន ចាំបាច់ទៅស្លៀកពាក់សិចស៊ី ខណៈដែលធាតុពិតអ្នកមិនចូលចិត្តវាទាល់តែសោះ។ អ្នកមិន ចាំបាច់តុបតែងមុខមាត់ច្រើន ខណៈអ្នកចូលចិត្តមុខបែបធម្មជាតិ។ អ្នកមិនបាច់ហ៊ឺហាច្រើន ខណៈអ្នកចូលចិត្តធ្វើខ្លួនធម្មតាៗ។ វាគ្មានរឿងអីដែលអ្នកត្រូវទៅសូមទោសដៃគូ ដោយសារតែចំណង់ ចំណូលចិត្តខុសគ្នានោះទេ។ វាធម្មតាទៅហើយ បើសិនគេល្អពិតមែន គេនឹងបណ្ដោយអ្នកឲ្យធ្វើរឿងដែលចង់ធ្វើ ហើយមិនយកទោសថាជារឿងធំទៀត។
២) រវល់សម្រាប់ពេលខ្លះ
ជាការពិតណាស់ គ្មាននរណាម្នាក់ដែលត្រូវរវល់គ្រប់តែពេលនោះទេ។ សម្រាប់ស្នេហាវិញ ពេលវេលាគឺសំខាន់ខ្លាំងណាស់ វាក៏ចូលរួមបង្ហាញពីសេចក្ដីស្រលាញ់របស់មនុស្សម្នាក់ទៅម្នាក់ទៀតដែរ។ តែបើសិនអ្នកពិតជារវល់ពិតមែន អ្នកអាចប្រាប់ទៅម្ខាងទៀត ហើយក៏មិនចាំបាច់សូមទោសដោយសាររឿងនេះដែរ។
៣) បន្ទុកគ្រួសារ
អ្នកណាក៏ជួបនឹងបញ្ហាជៀសមិនរួចដែរ។ មិនថាការងារនិងគ្រួសារនោះទេ។ ប្រាកដណាស់ គ្រួសារគឺសំខាន់ជាងអ្វីៗទាំងអស់។ កាលណាអ្នកមានបន្ទុកគ្រួសារជាប់ខ្លួនហើយ អ្នកគួរតែប្រាប់ហេតុផលទៅកាន់ដៃគូអ្នកឲ្យបានយល់។ តែក៏មិនបាច់ប្រើពាក្យសូមទោសអីដែរ ដោយសារនេះគឺជារឿងចាំបាច់ដែលអ្នកត្រូវប្រឈមមុខ។
៤) សំណូមពររបស់ខ្លួន
សំណូមពរគឺពិតជាសំខាន់សម្រាប់ស្នេហា។ កាលណាមានសំណូមពរគឺមានន័យថាមាននរណាម្នាក់ដែលមិនពេញចិត្តនឹងទង្វើលើនរណាម្នាក់ហើយ។ ដូចនេះមិនថាការសំណូមពរនោះវាអាចប៉ះពាល់អារម្មណ៍ ឬយ៉ាងណានោះទេ។ អ្នកគួរតែរៀនទទួលយក ហើយអ្នកដែលសំណូមពរគេក៏មិនបាច់ខ្លាចចិត្ត ឬសូមទោសអីដែរ៕
ប្រែសម្រួល៖ ព្រំ សុវណ្ណកណ្ណិកា
ប្រភព៖ businessinsider.com
