តើហេតុអ្វីអ្នកស្រុកគេ តែងបណ្ដុះបណ្ដាលឲ្យចូលចិត្តអានសៀវភៅពីក្មេងៗទៅ?
យើងតែងតែឃើញនឹងភ្នែកហើយ ដែលជនបរទេសភាគច្រើនតែងតែបង្គាប់ឲ្យកូនៗ របស់គេរៀនអានសៀវភៅតាំងពីក្មេងៗ ទៅ។ ហើយទម្លាប់អស់ទាំងនោះហើយដែលធ្វើឲ្យប្រទេសរបស់ពួកគេសម្បូរធនធានមនុស្សល្អ ៗ ហើយពូកែ ក៏ដោយសារទម្លាប់តូចៗទាំងនេះ។
តែនៅមានមូលហេតុច្រើន ទៀតដែរ ដែលឲ្យឪពុកម្ដាយបង្រៀនកូនតូចៗ ឲ្យអានសៀវភៅពីក្មេងទៅ ក្នុងនោះមាន៖
១) បំប៉នការចងចាំក្មេងៗ
សកម្មភាពដ៏ល្អក្នុងការបំប៉នការចងចាំរបស់ក្មេងគឺតាមការអាននេះ។ ដើម្បីយល់ពីអត្ថន័យនៃរឿង ពួកគេត្រូវចងចាំឈ្មោះតួអង្គ, ទីកន្លែង និងពិធីផ្សេងៗទៀតនៃរឿង។
២) ហ្វឹកហាត់ខួរក្បាល
ការអានសៀវភៅគឺជាការហ្វឹកហាត់ខួរក្បាលរបស់កូនក្មេង ។ ដោយពួកគែគ្មានរឿងអីត្រូវគិត ក្រៅពីការលេងទេ , តែបន្ទាប់ពីលេងរួច ការអានសៀវភៅនេះក៏ចូលទៅហ្វឹកហាត់ខួរក្បាលបន្ថែមឲ្យកាន់តែធ្វើការខ្លាំងផងដែរ។
៣) បង្រៀនឲ្យគិតស៊ីជម្រៅ
អ្នកប្រហែលជាមិនចង់ឲ្យកូនៗ គិតតែរឿងភ្លាមៗ មួយភ្លែតៗ ទេមែនទេ? អ្នកតែងតែចង់ឲ្យកូនគិតវែកញែកច្រើន, គិតជ្រៅ, ហើយគិតវែងឆ្ងាយជាងក្មេងៗឯទៀតមែនទេ? ដូចនេះគួរតែហ្វឹកហាត់ឲ្យពួកគេរៀនអានសៀវភៅពីតូច ដើម្បី ឆាប់ឆ្ងល់ ហើយរៀនគិតដោយខ្លួនឯង។
៤) រៀនភាសាផ្សេងទៀតបាន៖ មិនត្រឹមតែចេះភាសារបស់ខ្លួនទេ ថែមទាំងអាចចេះភាសាទី២ ឬទី៣ ទៀតទៅតាមប្រភេទនៃសៀវភៅដែលគេបានអាន៕
ប្រែសម្រួល៖ ព្រំ សុវណ្ណកណ្ណិកា
ប្រភព៖ edarabia.com
