ចំណុចទាំង ១២នេះអាចជាដើមហេតុបង្ករឲ្យកើតជំងឺមហារីសុដន់ ដែលអ្នកគួរចៀសវាង
ជំងឺមហារីកសុដន់កំពុងរីករាលដាលយ៉ាងខ្លាំងក្នុងសង្គមយើងបច្ចុប្បន្ន ហើយជំងឺមួយនេះគ្រោះថ្នាក់ខ្លាំងបំផុតព្រោះវាគ្មានអាការៈបង្ហាញពីរោគសញ្ញាបង្ករនោះទេ។ កំហុសមួយចំនួនដែលជាទំលាប់អាក្រក់របស់យើងដែលអាចបង្ករទៅជាជំងឹមហារីកសុដន់ និងបំផ្លាញជីវិតយើងបានដែលក្នុងនោះមានដូចជា÷
១) ទិញផលិតផលបំបាត់ក្លិនខ្លួនដោយមិនបានពិនិត្យផ្លាកសញ្ញា ឬធាតុផ្សំ វាពិតជាសំខាន់ណាស់ដែលអ្នកគួរដឹងថាខ្លួនឯងមានប្រតិកម្មជាមួយអ្វី ការប្រើប្រាស់ផលិតផលបំបាត់ក្លិនខ្លួនសំខាន់ណាស់សម្រាប់មនុស្សម្នាក់។ ដូចនេះទិញ ផលិតផលមិនបានពិនិត្យផ្លាកសញ្ញា ឬធាតុផ្សំវាឲ្យបានច្បាស់ទេ វានឹងបង្កផលប៉ះពាល់ខ្លាំងដល់សុខភាពអ្នក។
២) ប្រើប្រាស់ថ្នាំលាបសក់មានសារធាតុគីមី ភាគរយនៃមនុស្សស្រីច្រើនជាងបុរសដែលចូលចិត្តលាបពណ៌សក់ ហើយអ្នកខ្លះមិនបានគិតដល់គុណភាពផលិតផលប្រើប្រាស់ទេ ឬការដែលទៅលាបនៅហាងមួយចំនួនគេអាចប្រើថ្នាំមិនល្អដែលមានតម្លៃទាប នេះជាហេតុដែលនាំឲ្យមានការប៉ះពាល់ខ្លាំងដោយសារសារធាតុគីមីច្រើន។
៣) ជក់បារី ការជក់បារីបង្កផលវិបាកច្រើនណាស់ទាំងផ្លូវដង្ហើម ទាំងខួរក្បាល ដោយសារសារធាតុនីកូទីនក្នុងបារី។ បន្ថែមពីនេះជាក៏ជាអ្នកបង្ករឲ្យកើតជំងឺមហារីកសុដន់ដែរ។ មិនត្រឹមតែជក់ខ្លួនឯងទេ សូម្បីនៅក្បែរអ្នកជក់បារី ក៏អ្នកអាចស្រូបផ្សែងបារីអាចមានបញ្ហាខ្លាំងជាងអ្នកជក់ទៅទៀត។
៤) ពាក់អាវទ្រនាប់ក្នុង (Bra) ខុសទំហំខ្លួន មានមនុស្សស្រីមួយចំនួនចូលចិត្តពាក់អាវទ្រនាប់ដែលមានទំហំតូចជាងខ្លួន ដែលជាហេតុនាំឲ្យមានការរឹបខ្លាំងពេក។ វាបានធ្វើឲ្យក្រពេញខាងក្នុងដំណើរការមិនល្អ ហើយបង្ករជាដុំមួយនិងវិវត្តក្លាយជាជំងឺមហារីក។
៥) ប្រើសារធាតុគីមីសម្រាប់សម្អាតផ្ទះ ទឹកលាងសម្អាតផ្ទះមួយចំនួនមានសារធាតុគីមី (អាម៉ូញ៉ាក់) ខ្ពស់ដែលប៉ះពាល់ដល់សុខភាពខ្លាំង។ ដូចនេះវិធីល្អអ្នកគួរប្រើទឹកខ្មេះ និង Baking Soda ដើម្បីសម្អាតជំនួសវិញ។
៦) ប្រើថ្នាំបំបាត់ក្លិន mothball ដែលជាសារធាតុគីមីមួយប្រភេទដែលគេនិយមប្រើសម្រាប់កំចាត់សត្វល្អិត សត្វកណ្តុរ កន្លាតជាដើម។ អ្នកខ្លះប្រើវាដាក់ក្នុងបន្ទប់ទឹកដើម្បីកំចាត់ក្លិនមិនល្អ តែវាប៉ះពាល់ខ្លាំង។
៧) ប្រើគ្រឿងសម្អាងគ្មានផ្លាកសញ្ញាត្រឹមត្រូវដែលមានសារធាតុគីមីខ្ពស់ គ្មានមនុស្សស្រីគ្រប់រូបតែងតែប្រើប្រាស់គ្រឿងសម្អាងនោះទេ ដូច្នេះមុនពេលទិញត្រូវពិនិត្យសិនថាវាមានគុណភាពល្អឬអត់ កុំយកតែតម្លៃថោកតែធ្វើឲ្យប៉ះពាល់សុខភាពខ្លួនឯងអី។
៨) មិនយកចិត្តទុកដាក់ពីសុខភាព ការដែលមិនលេងកីឡា មិនហាត់ប្រាណបញ្ចេញជាតិពុល ជាហេតុនាំឲ្យមានជំងឺច្រើនណាស់។
៩) ផឹកស្រា គ្រឿងស្រវឹងនានាដែលមានជាតិអាល់កុល ជាតិអាល់កុលដែលមាននៅក្នុងគ្រឿងស្រវឹងមិនត្រឹមតែប៉ះពាល់ដល់សុដន់ទេ តែវាក៏បង្ករជាជំងឺមហារីកក្រពះ មហារីកពោះវៀន ប្រព័ន្ធប្រសាទ និងជំងឺផ្សេងៗទៀត។
១០) ក្លិនមិនល្អអសោចនៅក្នុងផ្ទះ ស្រលាញ់សុខភាពគួរសម្អាតផ្ទះឲ្យមានស្អាត បើកទ្វារ បង្អួចឲ្យមានខ្យល់ចេញចូលគ្រប់គ្រាន់។ ការធ្វើបែបនេះអាចសម្លាប់បាក់តេរីក្នុងផ្ទះបាន។ វានឹងធ្វើឲ្យអ្នកមានអារម្មណ៍ស្រស់ស្រាយ។
១១) ផ្ទុកឥវ៉ាន់ទាំងអស់នៅក្នុងធុងប្លាស្ទិក សារធាតុប្លាស្ទិកមិនល្អទេ ពិសេសអ្នកដាក់ម្ហូបអាហារនៅក្នុងរបស់ប្លាស្ទិកទុក និងយកវាទៅកំដៅក្នុងទូដុតនំជាដើម។ ដូចនេះគួរប្រើចានអំបែង ឬចានធ្វើពីសេរ៉ាមិចល្អជាង។
១២) ទិញនិងញ៉ាំម្ហូបខុសដែលងាយប៉ះពាល់ដល់សុខភាព អ្វីដែលអ្នកធ្វើគឺគួរទិញម្ហូបអាហារស្រស់ៗ ចៀសវាងការក្លាសេយូរពេក ព្រោះវាអាចមានផ្ទុកសារធាតុរក្សាទុកដែលបង្កជាគ្រោះថ្នាក់ខ្លាំងដល់សុខភាព៕
ដោយ៖ យ៉ាយ៉ា
ប្រភព៖ Ali Lawrence
