តិចនិកងាយៗជួយឲ្យអ្នកអារម្មណ៍ល្អឡើងវិញ នៅពេលកំពុងស្ថិតក្នុងភាពតានតឹងខ្លាំង
នៅក្នុងជីវិតរបស់មនុស្សតែងតែជួបប្រទះនៅរឿងរ៉ាវលាយលំគ្នាទាំងអារម្មណ៍សប្បាយរីករាយ ចំពោះជីវិត និងអារម្មណ៍នឿយណាយមិនរីករាយផងដែរ។ ប៉ុន្តែរវាងរឿងទាំងពីរនេះ រឿងដែលមនុស្សមិនចង់ជួបនោះគឺរឿងដែលនាំឲ្យមាននឿយហត់ស្មុគស្មាញ និងធ្វើឲ្យអ្នកមិនសប្បាយចិត្តខ្លាំងបំផុត។ ទោះបីជាយ៉ាងណាក៏គ្មាននរណាម្នាក់អាចគេចវាបានឡើយ ហេតុនេះហើយនៅពេលដែលអ្នកជួបវាអ្នកត្រូវមានភាពវៃឆ្លាតក្នុងការស្វែងរកដំណោះស្រាយដើម្បី ឲ្យមានភាពល្អប្រសើរឡើងវិញ។ ដូចនេះហើយខាងក្រោមនេះនិងបង្ហាញអំពីវិធីសាស្ត្រទាំង១៤ ដែលអាចជួយអ្នកបាន៖
១) ស្តាប់ចំរៀងដែល អ្នកមានអារម្មណ៍ថាស្រលាញ់ចូលចិត្តខ្លាំងបំផុត នៅពេលដែលរៀននៅវិទ្យាល័យឫសាកលវិទ្យាល័យដែលអាចនាំអារម្មណ៍របស់អ្នកនឹកដល់ពេលវេលាសប្បាយៗកន្លងមកដែលនាំឲ្យអារម្មណ៍របស់អ្នកធូរស្បើយ។
២) សរសេររឿងរ៉ាវដែលអ្នកកំពុងតែជួបប្រទះ និងរឿងរ៉ាវដែលអ្នកកំពុងតែពិបាក ប៉ុន្តែអ្នកមិនចង់បញ្ចេញអារម្មណ៍ដែលលំបាកទាំងនោះទៅប្រាប់នរណាម្នាក់ឡើយហេតុនេះហើយ ការសរសេរគឺជារឿងប្រសើរ។
៣) ការគូររូប៖ពិតណាស់ប្រសិនបើការសរសេរមិនមែនជាចំណងចំណូលចិត្តរបស់អ្នកទេ អ្នកអាចប្តូរមកជាការគូររូបវិញម្តង អ្នកអាចគូរអ្វីដែលអ្នកចង់គូរនិងអាចឲ្យអ្នកបន្ធូរអារម្មណ៍ស្មុគស្មាញរបស់បានផងដែរ។
៤) អានសារចាស់ៗដែលមិត្តរបស់អ្នក ក្រុមគ្រួសាររបស់អ្នកបានផ្ញើរមកអ្នកដែលវាអាចឲ្យអ្នកដឹងថាមានមនុស្សពិសេសជាច្រើនដែលនៅជុំវិញខ្លួនអ្នក ស្រលាញ់អ្នកបារម្ភពីអ្នកផងដែរ។
៥) ចំអិនអាហារសម្រាប់ខ្លួនឯង ឬក៏សម្រាប់ក្រុមគ្រួសារជាទីស្រលាញ់។
៦) ស្លៀកពាក់អ្វីដែលអ្នកចូលចិត្ត ដើម្បីឲ្យអ្នកមានអារម្មណ៍រីករាយ។ ៧) ចេញទៅក្រៅដើម្បីស្រូបយកខ្យល់អាកាសបរិសុទ្ធ។
៨) យកឧបករណ៍តន្ត្រីដែលអ្នកធ្លាប់លេង ហើយចាប់ផ្តើមលេងវា។
៩) កុំគេងនៅលើគ្រែអី យកlaptop របស់អ្នកឬក៏សៀវភៅដែលអ្នកចូលចិត្តរួចទៅអង្គុយនៅក្នុងហាងកាហ្វេ។
១០) ទៅលេងកីឡាណាដែលអ្នកចូលចិត្ត ដើម្បីឲ្យរាងកាយរបស់អ្នកបែកញើស។
១១) ហៅទូរស័ព្ទទៅកាន់មិត្តភក្តីរបស់អ្នកដើម្បីចែករំលែកអ្វីដែលអ្នកបានជួបប្រទះ។
១២) ធ្វើការងារស្ម័គ្រចិត្តដែលចុះជួយមនុស្សដែលកំពុងជួបបញ្ហាខ្វះខាត់។
១៣) មើលខ្សែភាពយន្តថ្មីៗ ដែលអ្នកចាប់អារម្មណ៍ប៉ុន្តែអ្នកមិនមានពេលសម្រាប់មើលវា ហេតុនេះហើយពេលនេះហើយដែលល្អក្នុងការចំណាយពេលទៅមើលរឿងទាំងនោះ ដែលអាចជួយអ្នកឲ្យអ្នកមានអារម្មណ៍ស្រស់ស្រាយ។
១៤) ច្រៀងឲ្យខ្លាំងៗតាមដែលអ្នកចូលចិត្ត ប៉ុន្តែអ្នកត្រូវជ្រើសរើសទីកន្លែង រួចប្រាកដផងថាវាមិនរំខាន និងប៉ះពាល់ដល់អ្នកដទៃ។
ប្រែសម្រួលដោយ៖ អ៊ុន ស្រីនាង
