អ្នកចិត្តសាស្ត្របាននិយាយថា មនុស្សនៅក្នុងលោកយើងនេះមានមនុស្សតែ៥ប្រភេទតែប៉ុណ្ណោះ តើអ្នកស្ថិតក្នុងចំណោមប្រភេទណាដែរ?
មានមនុស្សជាច្រើនមិនដែលសូវជាបានចាប់អារម្មណ៍ទៅលើបុគ្គលិកលក្ខណៈរបស់ខ្លួនប៉ុន្មានទេ តែជាហេតុធ្វើឲ្យពួកគេមិនបានស្គាល់ច្បាស់ពីភាពខ្លាំងនិងភាពខ្សោយរបស់ខ្លួនពិតប្រាកដ ដែលអ្នកចិត្តសាស្ត្រភាគច្រើនជឿជាក់ថាមនុស្សមានបុគ្គលិកលក្ខណៈតែ៥បែបប៉ុណ្ណោះដូចខាងក្រោម៖
១) មានមនសិការ៖ ភាគច្រើនមនុស្សដែលមានមនសិការខ្ពស់ជាមនុស្សដែលរៀបរយ មានទំនុកចិត្តចំពោះខ្លួនឯង និង ម្ចាស់ការលើខ្លួនឯង។ មនុស្សជំពូកនេះចូលចិត្តរៀបគម្រោងទុកមុននឹងចាប់ផ្ដើមធ្វើអ្វីមួយដើម្បីទទួលបានលទ្ធផលដ៏គួរឲ្យពេញចិត្ត។
២) មានទំនាក់ទំនងល្អបែបធម្មជាតិ៖ មនុស្សប្រភេទចូលចិត្តនិយាយពីនេះពីនោះច្រើន ហើយពួកគេក៏ចូលចិត្តធ្វើការងារសង្គមច្រើនផងដែរដើម្បីមានឱកាសបានស្គាល់មនុស្សថ្មីច្រើន ហើយវាមិនមែនជាការពិបាកសម្រាប់ពួកគេក្នុងការបង្កើតទំនាក់ទំនងជាមួយមនុស្សថ្មីនោះទេ។
៣) មនុស្សឆាប់ចុះសម្រុង៖ មនុស្សជំពូកនេះជាមនុស្សដែលគួរឲ្យទុកចិត្ត ចិត្តល្អ ហើយគួរឲ្យស្រលាញ់នៅក្នុងភ្នែកអ្នកដទៃ យ៉ាងណាមិញមនុស្សប្រភេទក៏មិនសូវចូលចិត្តមានរឿងជាមួយអ្នកដទៃដែលនាំឲ្យពួកគេឈឺក្បាលនោះទេ។
៤) មានការចង់យល់ចង់ស្គាល់ច្រើន៖ មនុស្សប្រភេទនេះបើកទូលាយចំពោះការទទួលយកបទពិសោធន៍ថ្មីៗ មានភាពច្នៃប្រឌិតខ្ពស់ព្រមទាំងមានភាពជាឯករាជ្យដ៏ខ្លាំងផងដែរ ហើយពួកគេមិនសូវមានភាពខ្លាចញញើតប៉ុន្មាននោះទេ ដោយសារតែគេចង់ចេះចង់ដឹង។
៥) មានអារម្មណ៍មិនស្ថិតស្ថេរ៖ មនុស្សជំពូកនេះតែងមានអារម្មណ៍ម្ដងសប្បាយ ម្ដងខឹងមួម៉ៅដែលធ្វើឲ្យអ្នកដទៃពិបាកស្មានចិត្តរបស់ពួកគេមែនទេ ហើយបើអ្នកស្គាល់មនុស្សប្រភេទនេះជាលើកដំបូងអ្នកប្រហែលជាមិនចូលចិត្តពួកគេនោះទេ។
ប្រែសម្រួល៖ តូច ម៉ាយ៉ារស្មី ប្រភព៖ www.inc.com
