ក្រុមហ៊ុន Sinovac និយាយថា ការផ្តល់ជូនវ៉ាកសាំងកូវីដ-១៩ ក្រោមគម្រោងប្រើប្រាស់បន្ទាន់ស្ទើរតែទាំងអស់ទៅហើយ ដែលប្រទេសបានយល់ព្រមទទួលការចាក់ថ្នាំ។នាយកប្រតិបត្តិលោកយិន វ៉ៃដុង  (Yin Weidong)មានប្រសាសន៍ថា«លោករំពឹងថាថ្នាំនេះនឹងត្រូវបានអនុម័តនៅចុងឆ្នាំនេះ»។

ក្រុមហ៊ុនបាននិយាយ កាលពីថ្ងៃអាទិត្យថា «និយោជិកស្ទើរតែទាំងអស់នៃក្រុមហ៊ុនថ្នាំរបស់ប្រទេសចិនមួយនេះនិងក្រុមគ្រួសាររបស់ពួកគេ ត្រូវបានផ្តល់វ៉ាក់សាំងការពារមេរោគនេះ»។

វ៉ាក់សាំង CoronaVac ត្រូវបានបង្កើតឡើងដោយ Sinovac Biotech ដែលបច្ចុប្បន្នកំពុងធ្វើការពិសោធន៍ដំណាក់កាលទី ៣ ។

អ្នកនាំពាក្យក្រុមហ៊ុនលោក លីវ ប៉ិចចេង (Liu Peicheng)បានបញ្ជាក់ថា «បុគ្គលិក និង ក្រុមគ្រួសាររបស់ពួកគេ ប្រហែល ៣.០០០នាក់ ត្រូវបានផ្តល់ជូនថ្នាំការពារដោយស្ម័គ្រចិត្តក្រោមគម្រោងប្រើប្រាស់បន្ទាន់របស់ប្រទេសចិន»។

ខ្សែសង្វាក់ផលិតកម្មវ៉ាក់សាំងការពារកូវីដ-១៩ ដែលមានសមត្ថភាពផលិតប្រចាំឆ្នាំជាង ៣០០ លានដបបានចាប់ផ្តើមប្រតិបត្តិការកាលពីចុងខែមុន។

ការដាក់វ៉ាក់សាំងចូលក្នុងទីផ្សារធំ គឺអាស្រ័យលើលទ្ធផលនៃការសាកល្បងចុងក្រោយ ប៉ុន្តែលោក យិន វ៉ៃដុង (Yin Weidong)នាយកប្រតិបត្តិក្រុមហ៊ុនបានមានប្រសាសន៍ថា «លោករំពឹងថាការប្រើប្រាស់របស់វានឹងត្រូវបានអនុម័តឱ្យបានឆាប់បំផុតនៅចុងឆ្នាំនេះ»។

នៅក្នុងខែកក្កដា ប្រទេសចិនបានអនុម័តការប្រើប្រាស់វ៉ាក់សាំងបន្ទាន់ សម្រាប់ក្រុមជាក់លាក់ដែលត្រូវបានគេចាត់ទុកថា មានហានិភ័យខ្ពស់នៃការប៉ះពាល់ដែលរួមមានបុគ្គលិកពេទ្យ និងមន្ត្រីព្រំដែន។

ទីក្រុងប៉េកាំង គឺជាទីក្រុងដំបូងបង្អស់នៅក្នុងប្រទេសចិនដែលចាប់ផ្តើមកម្មវិធីប្រើប្រាស់បន្ទាន់ និងមនុស្សរាប់ម៉ឺននាក់រួមទាំងកម្មករនៅផ្សារអាហារ Xinfadi ដែលស្ថិតនៅចំកណ្តាលនៃការផ្ទុះដ៏ធំចុងក្រោយបង្អស់របស់រាជធានី កាលពីខែមិថុនាដែលត្រូវបានចាក់វ៉ាក់សាំង Sinovac ។

លោក យិន បានប្រាប់ពិព័រណ៍ពាណិជ្ជកម្មអន្តរជាតិចិនសម្រាប់សេវាកម្មក្នុងក្រុងប៉េកាំងថា "វានឹងការពារការរីករាលដាលម្តងហើយម្តងទៀត នៅរដូវស្លឹកឈើជ្រុះ និងរដូវរងារខាងមុខនេះ" ។

“ប្រសិនបើមានមនុស្សម្នាក់ឆ្លងមេរោគនៅកន្លែងនេះ វានឹងប៉ះពាល់ដល់មនុស្សរាប់រយនាក់។ យុទ្ធសាស្រ្តត្រួតត្រាខ្លាំងនៅប្រទេសចិន ចាំបាច់ត្រូវតែកែលម្អ ហើយការកែលម្អចាំបាច់ត្រូវពឹងផ្អែកលើវ៉ាក់សាំង”។

គេមិនទាន់ដឹងអំពីតម្លៃនៃវ៉ាក់សាំងនៅពេលនេះទេ ប៉ុន្តែមិនខ្ពស់ដូចអ្វីដែលមនុស្សរំពឹងទុកនោះឡើយ វាគួរតែជាតម្លៃដែលអាចទទួលយកបានសម្រាប់មនុស្សគ្រប់គ្នា”។

ទន្ទឹមនឹងនេះដែរលោកស្រី ចាង យិននាន Zhang Yinan អនុប្រធានផ្នែកទីផ្សារទូទៅនៃក្រុមហ៊ុនជាតិ  CNBG ក៏បាននិយាយផងដែរថា«ក្រុមហ៊ុននាងបានចាក់វ៉ាក់សាំងរបស់គេអោយនាង »។

លោកស្រីបាននិយាយនៅពិព័រណ៍ពាណិជ្ជកម្មថា“ បន្ទាប់ពីការសាកល្បងសត្វ ខ្ញុំមានឆន្ទៈក្នុងការសាកល្បងផលិតផលរបស់ក្រុមហ៊ុនដើម្បីមើលថា តើវាមានសុវត្ថិភាព និងមានប្រសិទ្ធិភាពយ៉ាងណា ហើយមានបុគ្គលិក ១៥០ នាក់ដូចខ្ញុំដែរ ដែលបានសាកល្បង” ។

បច្ចុប្បន្នក្រុមហ៊ុន Sinovac និង CNBG កំពុងធ្វើការសាកល្បងទ្រង់ទ្រាយធំនៅក្រៅប្រទេស ខណៈពួកគេកំពុងប្រណាំងដើម្បីដាក់វ៉ាក់សាំងរបស់ពួកគេនៅលើទីផ្សារ។

CNBG ត្រូវបានគេរំពឹងថានឹងបញ្ចប់ការសាកល្បងនៅគ្លីនិកដំណាក់កាលទី៣ របស់ខ្លួនដែលមនុស្សជាង ៣៥.០០០ នាក់បានចាក់វ៉ាក់សាំងនៅក្នុងប្រទេសអារ៉ាប់រួម កាលពីខែ វិច្ឆិកា។

លោក ចាង បាននិយាយថា "អារ៉ាប់រួម (UAE)មានចេតនាទិញជាមួយ CNBG ហើយយើងមិនអាចបង្ហាញតួលេខពិតប្រាកដ និង តម្លៃបានទេ" ។

ក្រុមហ៊ុន Sinovac បាននិយាយថា«ខ្លួនបានទទួលការបញ្ជាទិញពីប្រទេសមួយចំនួនហើយ បច្ចុប្បន្ននេះកំពុងធ្វើការសាកល្បងដំណាក់កាលទី ៣ នៅក្នុងប្រទេសទួរគី បង់ក្លាដែស ប្រេស៊ីល និងឥណ្ឌូនេស៊ី»។

កាលពីចុងខែសីហា ស៊ីណូវាក់ (Sinovac)និង ភីធី ប៊ីអូ ហ្វាម៉ា (PT Bio Farma)ដែលជាក្រុមហ៊ុនឱសថឥណ្ឌូណេស៊ី គ្រប់គ្រងដោយរដ្ឋ បានចុះហត្ថលេខាលើកិច្ចព្រមព្រៀងបឋម សម្រាប់ការទិញ និងផ្គត់ផ្គង់វ៉ាកសាំងCoronaVac ដែលលោក លីវ Liu បាននិយាយថា“ វាជាការបញ្ជាទិញជាសាធារណៈដែលធំជាងគេបំផុតសម្រាប់ក្រុមហ៊ុនវ៉ាក់សាំងចិន” ។

កិច្ចព្រមព្រៀងនេះផ្តល់ការផ្គត់ផ្គង់ផលិតផលCoronaVac សម្រេចបានពាក់កណ្តាលចំនួន ៤០ លានដបក្នុងចន្លោះខែ វិច្ឆិកា និងមីនា ហើយការលក់បន្តទំនងជានៅឆ្នាំក្រោយ។ Bio Farma នឹងរៀបចំវ៉ាក់សាំងនហើយផ្គត់ផ្គង់ដល់អតិថិជននៅឥណ្ឌូនេស៊ី។

Sinovac ក៏បានជំរុញឱ្យអាជ្ញាធរនៅក្នុងប្រទេសផ្សេងៗ ធានាថាវ៉ាក់សាំងអាចត្រូវបានចុះឈ្មោះឱ្យបានលឿនជាងមុន។

លោក យិន បាននិយាយថា “ឧទាហរណ៍ ប្រសិនបើការសិក្សាដែលយើងបានធ្វើនៅក្នុងប្រទេសប្រេស៊ីល ត្រូវបានទទួលយកដោយប្រទេសដទៃនៅអាមេរិកខាងត្បូង វ៉ាក់សាំងនឹងអាចត្រូវបានចុះបញ្ជីហើយយើងនឹងអាចផ្គត់ផ្គង់វាទៅប្រទេសជាច្រើនទៀតបាន”។ 

“យើងអំពាវនាវឱ្យប្រទេសជាច្រើន ទទួលយកលទ្ធផលនៃការសិក្សាគ្លីនិកបច្ចុប្បន្នរបស់យើង និងអនុម័តវ៉ាក់សាំងដែលមានសុវត្ថិភាព និងប្រសិទ្ធភាព សម្រាប់ការធ្វើទីផ្សារឱ្យបានឆាប់តាមដែលអាចធ្វើទៅបាន។ ជាការពិតណាស់ ទីផ្សារធំបំផុតសម្រាប់វ៉ាក់សាំងនឹងមានតម្រូវការធំបំផុត ហើយក៏មានបញ្ហាប្រឈមធំបំផុតគឺនៅប្រទេសចិន”។

Sinovac បានអះអាងថា មិនមានប្រតិកម្មអវិជ្ជមានណាមួយ ត្រូវបានគេសង្កេតឃើញនៅក្នុងការសាកល្បងព្យាបាលដំណាក់កាលទី៣ទេ ដែលបង្ហាញថាវ៉ាក់សាំងនេះមានសុវត្ថិភាព។ លោក លីវ បាននិយាយថា“ប្រតិកម្មមិនល្អដែលត្រូវបានសង្កេតឃើញ ភាគច្រើនមានការឈឺចាប់នៅតាមកន្លែងចាក់ថ្នាំ បន្ទាប់មកមានភាពអស់កម្លាំង និងខ្សោយ ហើយហើមក្នុងតំបន់ដែលទាំងអស់សុទ្ធតែឆ្លង ព្រមទាំងមានចំនួនតិចតួចប៉ុណ្ណោះ ដែលមានគ្រុនក្តៅ និងប្រតិកម្មអាលែហ្សី”។

កាលពីខែមុនទាំង Sinovac និង CNBG បានព្រមានដល់អតិថិជនកុំ ឲ្យ ចាញ់ការឆបោកតាមអ៊ិនធរណេតដែលក្នុងនោះអ្នកផ្សាយពាណិជ្ជកម្មកំពុងផ្តល់វ៉ាក់សាំង Covid-19 សម្រាប់លក់។

អត្ថបទ៖ស្រីណា

ប្រភព៖South China Morning Post