ប៉ូលីសបាន​ចេញ​សេចក្តី​រាយ​ការណ៍​បន្ទាប់ពីស្ត្រីម្នាក់ត្រូវបានគេសង្ស័យថា បានសំលាប់កូនរបស់នាងចំនួន ៥នាក់ នៅប្រទេសអាឡឺម៉ង់ មុនពេលប៉ុនប៉ងធ្វើអត្តឃាតដោយលោតពីមុខរថភ្លើងកាលពីថ្ងៃព្រហស្បតិ៍។

ប៉ូលីសបាននិយាយថា «សពក្មេងទាំងនោះត្រូវបានគេរកឃើញនៅក្នុងអគារផ្ទះល្វែងឯកជនមួយនៅទីក្រុង Solingen ក្នុងរដ្ឋ North Rhine-Westphalia ។ ពួកគេទាំង​នោះ​រួមមានក្មេងស្រី ៣នាក់ ដែលមានអាយុ ១ឆ្នាំ និង ៣ ឆ្នាំ និង ក្មេងប្រុស ២នាក់អាយុ ៦និង៨ ឆ្នាំ»។

អ្នកនាំពាក្យប៉ូលិសលោក Stefan Weiand បាននិយាយថា យើងត្រូវបានគេជូនដំណឹងភ្លាមៗមុនម៉ោង ២ រសៀលថា កុមារ ៥នាក់បានស្លាប់ ហើយនេះជារឿងអកុសលបំផុត។

លោកបានបន្ថែមថា នៅពេលនេះយើងជឿជាក់ថាម្តាយអាយុ ២៧ ឆ្នាំនេះជាអ្នកប្រព្រឹត្ត​ និ​ង​ជាការ​ដាក់​ការ​សង្ស័យ​ដើម្បី​ទ​ទួលកំហុសហើយ។ អ្នកស្រី Weiand បាននិយាយថា ក្រោយមកស្ត្រីជាម្តាយបានលោត​ពី​លើ​រថភ្លើងនៅ Düsseldorf ចម្ងាយប្រហែល ៣៥ គីឡូម៉ែត្រ (២២ ម៉ាយ) និងបានរងរបួសធ្ងន់។

កូនទី៦ ជាក្មេងប្រុសអាយុ ១១ឆ្នាំបានរួចផុតពីគ្រោះថ្នាក់ ហើយត្រូវបានក្រុមគ្រួសារមើលថែ។

ប៉ូលីសបាននិយាយនៅក្នុងសេចក្តីថ្លែងការណ៍មួយថា ពួកគេត្រូវប្រុងប្រយ័ត្នចំពោះករណីនេះដោយជីដូនរបស់កុមារនៅក្បែរ Moenchengladbach ដែកាល​ពីពេល​ថ្មីៗនេះ ក៏​បាន​ប្រព្រឹត្ត​សកម្ម​ភាព​ស្រដៀង​នេះ​ដេរ​។ គេបាននិយាយថា «ម្តាយមិននៅផ្ទះទេ នៅពេលពួកគេទៅដល់កន្លែងកើតហេតុ»។

នៅពេលសួរអំពីរបាយការណ៍ដែលថា មា​ន​ថ្នាំពាក់ព័ន្ធនឹងការស្លាប់របស់កុមារ លោក Weiand បាននិយាយថា «យើងកំពុងស៊ើបអង្កេតតាមទិសដៅនោះ» ។

សេចក្តីថ្លែងការណ៍របស់ប៉ូលីសបាននិយាយថា មូលហេតុនៃការស្លាប់គឺត្រូវបានកំណត់តាមរយៈការស៊ើបអង្កេត និងការធ្វើកោសល្យវិច័យ។

ប៉ូលីសបាននិយាយថាក្មេងប្រុសអាយុ ១១ឆ្នាំ បានធ្វើដំណើរជាមួយម្តាយរបស់គាត់ទៅ Düsseldorf ហើយក្រោយមកបានបន្តទៅតែម្នាក់ឯងជាមួយជីដូនរបស់គាត់នៅ Moenchengladbach ។ គេមិនទាន់ច្បាស់ថាតើក្មេងប្រុសនោះបានដឹងអំពីការប៉ុនប៉ងធ្វើអត្តឃាតរបស់នាងដែរឬអត់ទេ។ លោក Weiand បាននិយាយថា នៅពេលនេះយើងគ្រាន់តែអាចសន្និដ្ឋាន ព្រោះយើងមិនបានដឹងច្បាស់ទេ។ លោកបានបន្ថែមថាប៉ូលីសនៅតែព្យាយាមបញ្ជាក់លម្អិត។

មន្រ្តីសេវាកម្មគ្រាអាសន្ននៅ​ Düsseldorf បាននិយាយនៅលើ Twitter ថា ស្ត្រីរូបនេះត្រូវបានគេជួយសង្គ្រោះពីកា​រលោត​សម្លាប់​ខ្លួន​ ហើយត្រូវបានបញ្ជូនទៅមន្ទីរពេទ្យក្នុងតំបន់ដើម្បីព្យាបាល។ គេឃើញមន្ត្រីប៉ូលីសជាច្រើននាក់នៅជុំវិញអាគារផ្ទះល្វែងនាពេលព្រលប់ ជាមួយនឹងរថយន្តសង្គ្រោះបន្ទាន់ និងរថយន្តប៉ូលីសនៅក្នុងតំបន់ដែលព័ទ្ធជុំវិញ។ ប៉ូលីសបាននិយាយថា មន្រ្តីជាង ៤០នាក់ ត្រូវបានបញ្ជូនទៅកាន់កន្លែងកើតហេតុ។

រដ្ឋមន្រ្តីក្រសួងមហាផ្ទៃនៃរដ្ឋ North Rhine-Westphalia បាននិយាយថា៖ «សោកនាដកម្មគ្រួសារនៅ Solingen បានធ្វើអោយខ្ញុំសោកសៅយ៉ាងខ្លាំង ហើយនៅពេលនេះគំនិត និងការអធិស្ឋានរបស់ខ្ញុំគឺនៅជាមួយកុមារតូចៗចំនួន ៥នាក់ ដែលជីវិតរបស់ពួកគេត្រូវបានគេឆក់យកតាំងពីក្មេងវ័យ»។ 

ទីក្រុង Solingen គឺជាទីក្រុងមួយដែលមានប្រជាជនប្រមាណ ១៦០,០០០ នាក់ដែលមានទីតាំងស្ថិតនៅចម្ងាយស្មើគ្នាពី Düsseldorf និង Cologne ។

លោក Tim Kurzbach អភិបាលក្រុង Solingen បានសរសេរនៅក្នុងហ្វេសប៊ុកថា“ ខ្ញុំមានការភ្ញាក់ផ្អើលនិងសោកសៅយ៉ាងខ្លាំងចំពោះព័ត៌មានដែលថាមានកុមារ ៥ នាក់ត្រូវបានរកឃើញនៅក្នុងទីក្រុងរបស់យើង” ។

ប៉ូលីសក៏បាននិយាយបន្ថែមទៀតថា«ការស៊ើបអង្កេតកំពុងបន្ត»។

អត្ថបទ៖ស្រីណា

ប្រភព៖ Sounth China Morning Post