ប៉ារីស (រ៉យទ័រ)៖ រដ្ឋមន្ត្រីការបរទេសបារាំងបាននិយាយនៅថ្ងៃព្រហស្បតិ៍នេះថា ប្រទេសលីបង់ប្រថុយនឹងការបាត់ខ្លួន ដោយសារតែអសកម្មនៃឥស្សរជននយោបាយរបស់ខ្លួន ដែលត្រូវការការអនុវត្តរដ្ឋាភិបាលថ្មីឱ្យបានលឿន ដើម្បីអនុវត្តកំណែទម្រង់សំខាន់ៗសម្រាប់ប្រទេស។

Jean-Yves Le Drian ប្រាប់វិទ្យុ RTL ថា សហគមន៍អន្តរជាតិ នឹងមិនចុះហត្ថលេខាលើមូលប្បទានប័ត្រទទេនោះទេ ប្រសិនបើពួកគេ (អាជ្ញាធរលីបង់) មិនអនុវត្តកំណែទម្រង់នេះ។ ពួកគេត្រូវតែធ្វើឱ្យបានឆាប់រហ័សពីព្រោះហានិភ័យសព្វថ្ងៃនេះគឺជាការបាត់ខ្លួនរបស់ប្រទេសលីបង់ ។

ប្រទេសបារាំងបានដឹកនាំកិច្ចប្រឹងប្រែងការទូតអស់រយៈពេលជិត ២ ឆ្នាំដើម្បីបញ្ចុះបញ្ចូល ប្រទេសលីបង់ ឲ្យជំរុញទៅតាមរយៈការធ្វើកំណែទម្រង់ និងធានាជំនួយបរទេសដែលត្រូវការដើម្បីទូទាត់វិបត្តិហិរញ្ញវត្ថុ។

ភ្លាមៗ បន្ទាប់ពីការផ្ទុះកាលពីថ្ងៃទី ៤ ខែសីហាដែលបានបំផ្លាញសង្កាត់ទាំងមូលបានសម្លាប់មនុស្សជាង ១៨០ នាក់និងធ្វើឱ្យមនុស្ស ២៥០.០០០ នាក់គ្មានផ្ទះសម្បែង ប្រធានាធិបតី Emmanuel Macron បានប្រញាប់ប្រញាល់ទៅកាន់ Beirut ដោយសង្ឃឹមថានឹងប្រើប្រាស់ជំនួយនៃការស្ថាបនាអន្តរជាតិឡើងវិញដើម្បីបញ្ចុះបញ្ចូលក្រុមរបស់ប្រទេសលីបង់ ឱ្យជ្រើសរើសរដ្ឋបាលថ្មី ដែលដឹកនាំដោយបុគ្គលដែលមិនបានទទួលទោសពីអំពើពុករលួយ និងគាំទ្រដោយម្ចាស់ជំនួយបរទេស។

ទោះយ៉ាងណាក៏ដោយ  ភាពរីកចម្រើនមានការយឺតយ៉ាវ ដោយអ្នកការទូតខ្លះមានការអាក់អន់ចិត្តកាន់តែខ្លាំងឡើងចំពោះស្ថានភាពនេះ។

លោក Macron នឹងវិលត្រឡប់មក Beirut វិញនៅថ្ងៃទី ១ ខែកញ្ញា។

លោក Le Drian បានឲ្យដឹងថា «វាគឺថាកាតព្វកិច្ចរបស់ របស់អាជ្ញាធរលីបង់ ដែលត្រូវទទួលខុសត្រូវ។ ពួកគេត្រូវបានបណ្តុះបណ្តាលហើយក៏មានសមត្ថភាព ប៉ុន្តែពួកគេបានធ្វើការព្រមព្រៀងគ្នាក្នុងចំណោមក្រុមពួកគេ ចំពោះភាពអសកម្មនោះ ហើយវាមិនអាចទៅរួចតទៀតទេ។ លោកប្រធានាធិបតី បានប្រាប់ពួកគេបែបនោះ ពេលដែលគាត់បានទៅ នៅថ្ងៃទី៦ ខែសីហា ហើយនឹងបញ្ជាក់ម្ដងទៀតពេលដែលគាត់នៅ Beirut នោថ្ងៃអង្គារ»។

ដោយ៖ សុធារ៉ា

ប្រភព៖ Reuters