កម្រងគតិ ១០ឃ្លា ពីទស្សនវិទូនិងតក្កវិទូអង់គ្លេសលោក Bertrand Russell
ថ្ងៃនេះយើងបានចងក្រងនូវគតិចំនួន ១០ឃ្លា ពីលោក Bertrand Russell ដែលមានងារជាទស្សនវិទូ តក្កវិទូ អ្នកគណិតសាស្ត្រ ប្រវត្តិវិទូ កវីនិពន្ធ អ្នកវិភាគសង្គម សកម្មជននយោបាយ និងជាម្ចាស់ពានរង្វាន់ណូបែលផ្នែកអក្សរសាស្ត្រប្រចាំឆ្នាំ១៩៥០មួយរូបរបស់អង់គ្លេស:
១) «អត់ធន់នឹងភាពមិនទៀងទាត់គឺជារឿងពិបាក ប៉ុន្តែគុណធម៌ភាគច្រើនដទៃទៀតក៏ដូច្នេះដែរ។»
២) «មនុស្សកើតមកល្ងង់ខ្លៅ មិនមែនល្ងីល្ងើនោះឡើយ ពួកគេត្រូវបានធ្វើឲ្យល្ងីល្ងើដោយការអប់រំ។»
៣) «លទ្ធិនិយមគឺជាឧបសគ្គដែលធំបំផុតសម្រាប់ឆ្ពោះទៅកាន់សេចក្ដីសុខរបស់មនុស្ស។»
៤) «គឺជាការរវល់មមាញឹកជាមួយនឹងកម្មសិទ្ធិជាងអ្វីៗផ្សេងទៀតដែលរារាំងមនុស្សមិនឲ្យរស់នៅមានសេរីភាពនិងប្រកបដោយកិត្តិយស។»
៥) «វាគឺជាភាពខ្ជះខ្ជាយនៃថាមពលដែលទៅខឹងជាមួយមនុស្សដែលមានអាកប្បកិរិយាមិនល្អ ដូចទៅនឹងការដែលទៅខឹងជាមួយឡានដែលវាមិនទៅមុខដូច្នោះដែរ។»
៦) «ភាពភ័យខ្លាចគឺជាប្រភពដ៏ចម្បងនៃការជឿអប្បិយជំនឿ និងមួយនៅក្នុងចំណោមប្រភពដ៏ចម្បងនៃភាពសាហាវឃោរឃៅ។ អាចយកឈ្នះភាពភ័យខ្លាចគឺជាចំណុចចាប់ផ្ដើមនៃបញ្ញា។»
៧) «មនុស្សដែលមិនធ្លាប់បានដឹងអំពីភាពស្និទ្ធស្នាលដែលស៊ីជម្រៅ និងមិត្តភាពដ៏ខ្លាំងក្លានៃសេចក្ដីស្រឡាញ់ដ៏រីករាយដែលមានចំពោះគ្នាទៅវិញទៅមកនោះទេ គឺបានរំលងរឿងដ៏អស្ចារ្យបំផុតដែលជីវិតបានផ្ដល់ឲ្យហើយ។»
៨) «ពួកយើងកំពុងតែប្រឈមមុខជាមួយការពិតយ៉ាងចម្លែកមួយថា ការអប់រំបានក្លាយជាមួយនៅក្នុងចំណោមឧបសគ្គដ៏ធំដែលបានរារាំងភាពវៃឆ្លាតនិងសេរីភាពនៃការគិត។»
៩) «បើមនុស្សម្នាក់ត្រូវបានផ្ដល់ឲ្យនូវការពិតមួយដែលប្រឆាំងទៅនឹងសភាវគតិរបស់គាត់ គាត់នឹងពិនិត្យវាយ៉ាងល្អិតល្អន់ ហើយរហូតទាល់តែភស្តុតាងរឹងមាំគ្រប់គ្រាន់ ពុំនោះទេគាត់នឹងបដិសេធជឿទៅលើវា។ ផ្ទុយទៅវិញ បើសិនជាគាត់ត្រូវបានផ្ដល់ឲ្យនូវហេតុផលមួយសម្រាប់ឲ្យគាត់ធ្វើស្របតាមសភាវគតិរបស់គាត់ គាត់នឹងទទួលយកវាបើទោះជាមានភស្តុតាងយ៉ាងតិចតួចបំផុតក៏ដោយ។ ដើមកំណើតនៃជំនឿយល់ខុសគឺត្រូវបានបកស្រាយបានដោយរបៀបនេះឯង។»
១០) «របស់ដែលមានតម្លៃបំផុតនៅក្នុងជីវិតមិនមែនត្រូវបានវាស់វែងនៅក្នុងខ្នាតលុយនោះឡើយ។ របស់ដែលពិតជាមានសារសំខាន់ពិតមែន មិនមែនជាផ្ទះនិងដី ភាគហ៊ុន រថយន្ត និងអចលនទ្រព្យឡើយ ប៉ុន្តែគឺជាមិត្តភាព ការទុកចិត្ត ភាពជឿជាក់ សេចក្ដីមេត្តា ការអភ័យទោស សេចក្ដីស្រឡាញ់ និងជំនឿ។»
ដោយ៖ ស្រីពៅ
អត្ថបទទាក់ទង៖ ទស្សនចំនួន៨ឃ្លារបស់នីកូឡា តេស្លា ដែលបានបង្ហាញពីបញ្ញារបស់អ្នកច្នៃបង្កើតរូបនេះ
