Covid19 នៅកម្ពុជា៖ ម្ដាយទារក ៤ខែដែលឆ្លងពីឪពុកជនជាតិបារាំង ក៏ឆ្លង Covid19 ដែរ
ម្ដាយទារក ៤ខែដែលឆ្លងពីឪពុកជនជាតិបារាំងអាយុ ៣៥ឆ្នាំ ក៏ត្រូវបានធ្វើតេស្ត និងរកឃើញថា មានឆ្លង Covid19 ដែរ។ នេះបើយោងតាមសេចក្ដីប្រកាសព័ត៌មានចុងក្រោយរបស់ក្រសួងសុខាភិបាលដែលទើបចេញផ្សាយនៅម៉ោងប្រមាណជាង ១០ យប់ថ្ងៃទី២៣ ខែមីនា នេះ។
ស្ត្រីជនជាតិបារាំងអាយុ ២៨ឆ្នាំខាងលើ ជាអ្នកមើលថែទារកអាយុ ៤ខែ ដែលឆ្លងកូវីដ១៩ ពីឪពុក ដែលបាននិងកំពុងសម្រាកព្យាបាលនៅមន្ទីរពេទ្យគន្ធរបុប្ផា ខណៈបុរសឪពុកកំពុងសម្រាកព្យាបាលនៅមន្ទីរពេទ្យមិត្តភាពខ្មែរ-សូវៀត។
បើគិតមកដល់ម៉ោង ១០និង៣០នាទី យប់ថ្ងៃទី២៣ ខែមីនា នេះ កម្ពុជាមានអ្នកវិជ្ជមានវីរុសកូវីដ១៩ សរុបចំនួន ៨៧នាក់ ក្នុងនោះមានអ្នកជាសះស្បើយ ២នាក់ មានចិនម្នាក់ និងស្ត្រីជនជាតិអង់គ្លេស ១នាក់។
សរុបត្រួសៗ៖
- ជនជាតិចិន ១នាក់ (ខេត្តព្រះសីហនុ) ជាសះស្បើយ
- ជនជាតិអង់គ្លេស ៣នាក់ (ម្នាក់ជាសះស្បើយ)
- ជនជាតិកាណាដា ១នាក់
- ជនជាតិប៊ែលហ្សិក ១នាក់
- ជនជាតិបារាំង ៣៤នាក់ (ក្នុងនោះមានកូនប្រុសបង្កើតអាយុទើប ៤ខែ)
- ជនជាតិម៉ាឡេស៊ី ១២នាក់
- និងជនជាតិខ្មែរ ៣៥នាក់ (បងប្អូនខ្មែរត្រលប់មកពីម៉ាឡេស៊ី មានចំនួន ២៣នាក់)៕
