ម៉ោង ១០ព្រឹកថ្ងៃចន្ទនេះ នាយកដ្ឋានប្រយុទ្ធនឹងជំងឺឆ្លងថា កម្ពុជារកឃើញ ២ករណីទៀតនៅកោះកុង និងកំពង់ចាម
ព័ត៌មានទាន់ហេតុការណ៍៖ យោងតាមការចេញផ្សាយនៅលើគេហទំព័រហ្វេសប៊ុកផេកផ្លូវការរបស់នាយកដ្ឋានប្រយុទ្ធនឹងជំងឺឆ្លង CDC ដែលទើបចេញផ្សាយប៉ុន្មាននាទីមុននេះ (ម៉ោង ១០ព្រឹកថ្ងៃចន្ទ ទី២៣ នេះ) កម្ពុជាមានពីរករណីបន្ថែមទៀត គឺមួយនៅខេត្តកោះកុង និង១ទៀតនៅខេត្តកំពង់ចាម ដែលសុទ្ធសឹងតែជាជនជាតិខ្មែរទាំងអស់ឆ្លងពីបងប្អូនខ្មែរមកពីធ្វើកម្មវិធីសាសនានៅប្រទេសម៉ាឡេស៊ី។
មិនទាន់មានព័ត៌មានលម្អិតនោះឡើយជុំវិញពីរករណីចុងក្រោយនេះ។ យើងនឹងធ្វើបច្ចុប្បន្នភាពជូននាពេលបន្តបន្ទាប់។
បើគិតមកដល់ម៉ោង ១០និង៣០នាទី ព្រឹកថ្ងៃទី២៣ ខែមីនា នេះ កម្ពុជាមានអ្នកវិជ្ជមានវីរុសកូវីដ១៩ សរុបចំនួន ៨៦នាក់ ក្នុងនោះមានអ្នកជាសះស្បើយ ២នាក់ មានចិនម្នាក់ និងស្ត្រីជនជាតិអង់គ្លេស ១នាក់។
សរុបត្រួសៗ៖
- ជនជាតិចិន ១នាក់ (ខេត្តព្រះសីហនុ) ជាសះស្បើយ
- ជនជាតិអង់គ្លេស ៣នាក់ (ម្នាក់ជាសះស្បើយ)
- ជនជាតិកាណាដា ១នាក់
- ជនជាតិប៊ែលហ្សិក ១នាក់
- ជនជាតិបារាំង ៣៣នាក់ (ក្នុងនោះមានកូនប្រុសបង្កើតអាយុទើប ៤ខែ)
- ជនជាតិម៉ាឡេស៊ី ១២នាក់
- និងជនជាតិខ្មែរ ៣៥នាក់ (បងប្អូនខ្មែរត្រលប់មកពីម៉ាឡេស៊ី មានចំនួន ២៣នាក់)៕
