​​ថ្មី​ៗ​នេះ​ មាន​ព័ត៌មាន​លេចឮ​អំពី​​ មន្ត្រី​ជាន់​ខ្ពស់​កម្ពុជា​នៅ​ក្រសួង​ការបរទេស​ម្នាក់​ បាន​ឆ្លង​ Covid19 ​ដែល​លេច​ធ្លាយ​រហូត​ដល់​មាន​​ការ​ចុះ​ផ្សាយ​ដោយ​សារ​ព័ត៌មាន​ក្នុង​ស្រុក​មួយ​ចំនួន​ថា​​​ ​មាន​ការ​លាក់​នូវ​ព័ត៌មាន​​ជុំវិញ​ករណី​នេះ។ ​

​ឆ្លង​តប​នឹង​ការ​អះអាង​ខាង​លើ​ នាយកដ្ឋាន​ប្រយុទ្ធ​នឹង​ជំងឺ​​ឆ្លង​ CDC ​បាន​ចេញ​ផ្សាយ​ឱ្យ​ដឹង​ថា​ ​​ខាង​ជំនាញ​បាន​បញ្ចូល​ទិន្នន័យ​មន្រ្តី​ជាន់​ខ្ពស់​ម្នាក់​ជនជាតិ​ខ្មែរ​ធ្វើ​ដំណើរ​ពី​ប្រទេស​ បារាំង​ដែល​មាន​វិជ្ជមានCOVID19 ក្នុង​តារាង​ទិន្នន័យ​រួម​តាំង​ពីថ្ងៃទី១៨​ មីនា​ ២០២០​ ​ម្ល៉េះ (គូសរង្វង់ក្រហមក្នុងតារាងខាងក្រោម)។ ​អង្គភាព​ដដែល​បាន​អះអាង​ថា​ ​ ​គ្មាន​ហេតុផល​លាក់ទិន្នន័យ​ ​នោះ​ទេ​ពោល​គឺ​អង្គភាព​ធ្វើ​តាមជំនាញបច្ចេកទេស​ដោយ​មាន​ការ​សហការ​យ៉ាង​ជិតស្និទ្ធ​ជា​មួយអង្គ​​ការ​ WHO ​អង្គារ​ USCCDC និង​វិទ្យាស្ថានប៉ាស្ទ័រកម្ពុជា​។

បើ​គិត​មក​ដល់​យប់​ម៉ោង ១០​និង៣០​នាទី នៃ​ថ្ងៃ​ទី​២២ ខែ​មីនា​ នេះ​ ​កម្ពុជា​មាន​អ្នក​វិជ្ជមាន​វីរុសកូវីដ១៩​ សរុបចំនួន ៨៤នាក់ ក្នុង​នោះ​មាន​ស្ត្រី ២១នាក់ និង​បុរស ៦៣នាក់​ អ្នកជាសះស្បេីយ​ ២នាក់​ មាន​ចិនម្នាក់ និង​ស្ត្រីជនជាតិអង់គ្លេស  ១នាក់។

សរុបត្រួសៗ៖ 

• ជនជាតិចិន ១នាក់ (ខេត្តព្រះសីហនុ) ជាសះស្បើយ
• ជនជាតិអង់គ្លេស ៣នាក់ (ម្នាក់ជាសះស្បើយ) 
• ជនជាតិកាណាដា ១នាក់
• ជនជាតិប៊ែលហ្សិក ១នាក់
• ជនជាតិបារាំង ៣៣នាក់ (ក្នុង​នោះមានកូនប្រុសបង្កើតអាយុទើប ៤ខែ)
• ជនជាតិម៉ាឡេស៊ី ១២នាក់ 
• និងជនជាតិខ្មែរ ៣៣នាក់ (បងប្អូនខ្មែរត្រលប់មកពីម៉ាឡេស៊ី មានចំនួន ២៣នាក់)៕