ក្រសួងសុខាភិបាល រកឃើញអ្នកឆ្លងជំងឺកូវីដ១៩ ថ្មី ២នាក់បន្ថែមទៀត សរុប ៥៣នាក់
ក្រសួងសុខាភិបាលកម្ពុជា បានប្រកាសថា រកឃើញអ្នកឆ្លងជំងឺកូវីដ១៩ (COVID-19) ថ្មីចំនួន ២នាក់បន្ថែមទៀត ដែលធ្វើឱ្យចំនួនអ្នកឆ្លងសរុបនៅក្នុងប្រទេសកម្ពុជា បានកើនដល់ ៥៣នាក់ហើយ។ នេះបើតាមសេចក្តីប្រកាសរបស់ក្រសួងសុខាភិបាល មុននេះបន្ដិច។
ការរកឃើញ ២ករណីថ្មីនេះ គឺទៅលើបុរសជនជាតិបារាំងអាយុ ៦៧ឆ្នាំ និង ៨០ឆ្នាំ ជាភ្ញៀវទេសចរណ៍ដែលធ្វើដំណើរមកដល់ខេត្តព្រះសីហនុកាលពីថ្ងៃទី១៨ ខែមីនា ហើយគ្រោងចាកចេញទៅវិញនៅថ្ងៃទី២១ ខែមីនានេះ។ បច្ចុប្បន្នបុរសទាំងពីរត្រូវបានដាក់ព្យាបាលដាច់ដោយឡែក នៅមន្ទីរពេទ្យខេត្តព្រះសីហនុ។
គួរឲ្យដឹងផងដែរថា មកដល់ពេលនេះកម្ពុជាមានអ្នកផ្ទុកកូវីដ១៩ ចំនួន ៥៣ករណី។
