Breaking News៖ កម្ពុជារកឃើញករណីវីរុស Covid 19 ទី ៨ លើជនជាតិបារាំងអាយុ ៣៥ឆ្នាំ នៅភ្នំពេញ
យោងតាមសេចក្ដីប្រកាសព័ត៌មានរបស់ក្រសួងសុខាភិបាលកម្ពុជា ដែលទើបចេញផ្សាយ នារសៀលថ្ងៃទី១៥ ខែមីនា នេះ បានឱ្យដឹងថា កម្ពុជារកឃើញករណីកូវីតទី ៨ លើជនជាតិបារាំងអាយុ ៣៥ឆ្នាំ ដែលធ្វើដំណើរពីសិង្ហបុរី មកកម្ពុជា កាលពីថ្ងៃទី ១៣ ខែមីនា ជាមួយប្រពន្ធ និងកូនប្រុសអាយុ ៤ ខែ។
យោងតាមសេចក្ដីប្រកាសព័ត៌មានដដែលបានឱ្យដឹងទៀតថា បុរសវ័យ ៣៥ឆ្នាំខាងលើ មានអាការៈក្ដៅខ្លួន អាជ្ញាធរសិង្ហបុរី បានធ្វើតេស្តសំណាក វត្ថុវិភាគរបស់គាត់នៅយប់ថ្ងៃទី១៣ ដដែលនោះ។ ប៉ុន្តែតាមការអះអាង របស់អ្នកជំងឺ គឺ ក្នុងអំឡុងពេលនោះ គ្រូពេទ្យសិង្ហបុរី មិនឱ្យធ្វើដំណើរទៅណាទេ គឺត្រូវរង់ចាំរហូតដល់មានលទ្ធផលសិន។ តែនៅពេលដែលមានអ្នកប្ដូរវេន ក៏ប្រាប់គាត់ថា គាត់អាចធ្វើដំណើរទៅបាន រីឯលទ្ធផលនឹងធ្វើបច្ចុប្បន្នភាពតាមក្រោយ។
អាជ្ញាធរ គឺទទួលបានលទ្ធផលថា វិជ្ជមាន ពីខាងភាគីខាងសិង្ហបុរី។ បច្ចុប្បន ប្រពន្ធ និងកូន ជនជាតិបារាំងម្នាក់នោះ ត្រូវដាក់ឱ្យស្នាក់នៅក្នុងគេហដ្ឋានគាត់នៅទួលទំពូង ដើម្បីបន្តតាមដានសុខភាពរយៈពេល ១៤ថ្ងៃ ខណៈសំណាករបស់អ្នកទាំងពីរបាននិងកំពុងត្រូវបានពិនិត្យនៅវិទ្យាស្ថានប៉ាស្ទ័រ...
