នាព្រឹកថ្ងៃទី ២២ ខែកុម្ភៈ ឆ្នាំ២០២០ Cupi’tal Coffee បានបើកសម្ពោធហាងកាហ្វេរបស់ខ្លួនជាផ្លូវ ការនៅបណ្តោយផ្លូវ ២០៨ ខណ្ឌដូនពេញដោយមានវត្តមានរបស់ម្ចាស់អាជីវកម្ម និងភ្ញៀវកិត្តិយសជាតិ និងអន្តរជាតិ ចំនួនប្រហែល ៣០០នាក់។

Cupi’tal ជាហាងកាហ្វេមួយដែលទើបតែនឹងបង្កើតឡើងថ្មី ដោយមានទស្សនវិស័យក្នុងការផ្តល់កាហ្វេដែលមានគុណភាល្អ និងរសជាតិពិសេសជាមួយនិងតំលៃសមរម្យ ជូនដល់អតិថជន របស់ខ្លួន។ តែអ្វីដែលជាភាពទាក់ទាញបន្ថែមពីលើរសជាតិឆ្ងាញ់ គុណភាព និងតម្លៃនោះ គេសង្កេតឃើញថាការរចនាឡូហ្គូរបស់ហាងកាហ្វេក្នុងស្រុកមួយនេះ គឺយករូបភាពសម្ភារៈ និងបរិក្ខារដែលមាននៅក្នុងហាងដូចជា តុក កៅអី កែវកាហ្វេ ស្លាបព្រាជាដើម មកផ្គុំចេញជាឡូហ្គូបែបប្លែកម្យ៉ាង។ 

លោក ឡាំ វែងស៊ុន សហស្ថានិក Cupi’tal Coffee បានមានប្រសាសន៍ថា៖ “មិនមែនគ្មានហេតុផលទេដែលឡូហ្គូហាងកាហ្វេយើងខុសពីកាហ្វេដទៃ តែការរចនានេះ ទី១ ដើម្បីភាពទាក់ទាញ (តែកុំច្រឡំថាវាជា QR Code) ទី២ ធ្វើឲ្យប្លែកពីហាងដទៃ ព្រោះហាងកាហ្វេភាគច្រើនគឺយករូបកែវកាហ្វេ ឬគ្រាប់កាហ្វេមករចនាជាឡូហ្គូ និង​ទី៣ ដោយសារ Cupi’tal Coffee ជាផ្នែកមួយនៃ The Desk Co Working Space ទី២ ជាអាជីវកម្មទាក់ទងនឹងអចលនទ្រព្យ។

ម៉្យាងវិញទៀត ចំណុចពិសេសរបស់កាហ្វេ Cupi’tal Coffee គឺបរិយាកាសដែលមានសោភ័ណភាព និងស្ងៀមស្ងាត់ ដែលអតិថិជនអាចពិភាក្សាអំពី ជំនួយ ឫ ការងារផ្សេងៗបានដោយយ៉ាងមានប្រសិទ្ធិភាព។ លើសពីនេះទៅទៀត Cupi’tal Coffee ថែមទាំងមាន internet ដែលមានល្បឿនលឿន ដែលផ្តល់ភាពងាយស្រួលសំរាប់អ្នកធ្វើការចល័ត និង សិស្សនិសិត្ស។

Cupi’tal Coffee បើកចាប់ពីម៉ោង៧ព្រឹក ដល់ ម៉ោង ៩ យប់ រៀងរាល់ថ្ងៃ មានអាស័យដ្ឋាន អគារលេខ១៨៤ ផ្លូវ២០៨ សង្កាត់បឹងរាំង ខណ្ឌដូនពេញ រាជធានីភ្នំពេញ ព័ត៌មានលម្អិតសូមទំនាក់ទំនងមកកាន់លេខទូរស័ព្ទ៖ ០១០ ៥២០ ៥២០

ដោយ៖ យ៉ាយ៉ា