ស្ត្រីជនជាតិអាមេរិកដែលទើបរកឃើញផ្ទុក Covid19 មានសុខភាពល្អធម្មតា ខណៈស្វាមី
តាមសេចក្ដីរាយការណ៍ពីបណ្ដាញសារព័ត៌មានធំៗ បានឱ្យដឹងថា ស្ត្រីជនជាតិអាមេរិកអាយុ ៨៣ឆ្នាំដែលជាអ្នកដំណើរម្នាក់ក្នុងចំណោមអ្នកដំណើរជាង ១៤៥៥ នាក់និងអ្នកនៅលើកប៉ាល់ Westerdam សរុបជាង ២២០០នាក់ ចុះចតនៅកម្ពុជាកាលពីថ្ងៃព្រហស្បតិ៍ ដែលត្រូវបានអាជ្ញាធរម៉ាឡេស៊ីពិនិត្យឃើញថា មានផ្ទុកវីរុសកូរ៉ូណា Covid-19 មានស្ថានភាពសុខភាពល្អធមុ្មតាខណៈស្វាមីរបស់គាត់ដែលមានវ័យ ៨៥ឆ្នាំពិនិត្យមិនឃើញមានផ្ទុកវីរុសនេះនោះទេ។
- អ្នកជំងឺដែលត្រូវបានរកឃើញថាមានផ្ទុកវីរុស Covid-19 ធ្វើដំណើរជាមួយស្វាមី និងអ្នកដំណើរសរុប ១៤៤នាក់ផ្សេងទៀត
- ស្វាមីរបស់គាត់ត្រូវបានក្រុមគ្រូពេទ្យបន្តតាមដានទោះពិនិត្យមិនឃើញមានផ្ទុកវីរុស Covid-19 ក៏ដោយ
- ស្ថានភាពអ្នកជំងឺនៅធម្មតា
- អ្នកជំងឺ និងស្វាមី ត្រូវពិនិត្យឃើញរោគសញ្ញាគួរឱ្យសង្ស័យនៅព្រលានយន្តហោះអន្តរជាតិកូឡាឡំពូ
- បើគិតមកដល់ពេលនេះ នៅម៉ាឡេស៊ី បានរកឃើញអ្នកផ្ទុកវីរុសនេះសរុប ២២នាក់ ជនជាតិចិន ១៥នាក់ ម៉ាឡេស៊ី ៦នាក់ និងជនជាតិអាមេរិកចុងក្រោយនេះ ១នាក់ទៀត។
- បើគិតមកដល់ពេលនេះ អ្នកស្លាប់ដោយសារវីរុស Covid-19 កើនឡើងដល់ ១៥២៦នាក់ ឆ្លង ៦៧១០០នាក់ និងជាសះស្បើយ ៨១៤១នាក់។
- ចិនមានអ្នកស្លាប់ច្រើនជាងគេ គឺរហូតដល់ ១៥២៣នាក់ និងឆ្លងសរុប ៦៦ ៤៩២នាក់៕
