សុភាសិត ៧ឃ្លា ដែលអាចឲ្យអ្នកបានស្វែងយល់ពីគតិបណ្ឌិតដ៏ចំណាស់ខ្លឹមរបស់ជនជាតិដើមអាមេរិក
មុនពេលនៃការមកដល់របស់ពួកអឺរ៉ុបនៅក្នុងអាមេរិក ដោយសារតែចំនួនតួលេខនៃជនជាតិដើមអាមេរិកមានការពិបាកនឹងប្រាកដជាក់លាក់ គេបានប៉ាន់ប្រមាណឃើញថាចំនួនប្រជាជនជនជាតិដើមអាមេរិកមានចន្លោះពី១.២លានដល់១២លានបានរស់នៅក្នុងទឹកដីអាមេរិក។ ប៉ុន្តែ នៅដើមសតវត្សវ៍ទី១៦ នៅពេលការចូលកាន់កាប់របស់ពួកអឺរ៉ុបមកលើអាមេរិកបានចាប់ផ្ដើម ជនជាតិដើមទាំងនោះកំពុងតែរស់នៅពាសពេញអឌ្ឍគោលខាងលិច ហើយមិនយូរប៉ុន្មានពួកគេក៏ត្រូវបានស្លាប់អស់ស្ទើរតែផុតពូជដោយទទួលរងឥទ្ធិពលពីជំងឺឆ្លងរាតត្បាត សង្គ្រាមជាមួយទាហានអឺរ៉ុប ទាសភាព និងការសម្លាប់ចោលយ៉ាងរង្គាលពីអ្នកដាក់អាណានិគមទាំងនោះ។ ថ្ងៃនេះយើងបានដកស្រង់សុភាសិតចំនួន៧ឃ្លា ដែលអាចឲ្យអ្នកបានស្វែងយល់ពីគតិបណ្ឌិតដ៏ចំណាស់ខ្លឹមរបស់ពួកគេ៖
១) «តើជីវិតគឺជាអ្វី? វាគឺជាពន្លឺមួយភ្លឹបនៃសត្វអំពិលអំពែកនៅពេលយប់។ វាគឺជាដង្ហើមរបស់សត្វក្របីនារដូវរងា។ វាគឺជាស្រមោលតូចមួយដែលរត់កាត់ស្មៅនិងរលាយបាត់ទៅនៅពេលថ្ងៃលិច។»
២) «សោកនាដកម្មនៃជីវិតមិនមែនជាសេចក្ដីស្លាប់នោះទេ តែជាអ្វីដែលយើងបានអនុញ្ញាតឲ្យស្លាប់នៅខាងក្នុងនៅពេលយើងនៅរស់នៅឡើយ។»
៣) «គ្រូបង្រៀនដំបូងរបស់យើងគឺបេះដូង។»
៤) «យើងមិនអាចដាស់មនុស្សដែលធ្វើពុតជាគេងលក់នោះទេ។»
៥) «បើយើងងឿងឆ្ងល់ញឹកញាប់ អំណោយនៃចំណេះដឹងនឹងរត់មករក។»
៦) «នៅពេលមនុស្សចេញឆ្ងាយពីធម្មជាតិ បេះដូងរបស់ពួកគេក្លាយជារឹង។»
៧) «មុនពេលដែលបងប្អូនប្រុសស្បែកសរបស់ពួកយើងបានមកដល់ដើម្បីធ្វើឲ្យយើងក្លាយជាមនុស្សស៊ីវិល័យ ពួកយើងមិនធ្លាប់មានគុកប្រភេទណាមួយឡើយ។ ដោយសារតែបែបនេះ ពួកយើងមិនដែលមានមនុស្សដែលប្រព្រឹត្តខុសច្បាប់ឡើយ។ មិនមានគុក មិនមានមនុស្សដែលប្រព្រឹត្តខុសច្បាប់។ ពួកយើងមិនមានមេសោឬកូនសោ ហេតុនេះហើយទើបនៅក្នុងចំណោមពួកយើងមិនមានចោរនោះឡើយ។ នៅពេលនរណាម្នាក់ក្រីក្រពេករហូតទាល់តែមិនមានលទ្ធភាពមានសេះ តង់ ឬក៏ភួយ ក្នុងករណីនេះគាត់នឹងទទួលបានរបស់អស់ទាំងនេះជាអំណោយ។ ពួកយើងមិនស៊ីវិល័យនឹងផ្ដល់ភាពសំខាន់ទៅលើទ្រព្យស៊ីវិល័យឡើយ។ ពួកយើងមិនដឹងពីលុយប្រភេទណាមួយនោះឡើយ ហើយដូច្នេះទើបបានជាតម្លៃរបស់មនុស្សមិនត្រូវបានកំណត់ដោយទ្រព្យរបស់គាត់។ ពួកយើងមិនមានច្បាប់អ្វីមួយបន្សល់ទុកមក មិនមានមេធាវី មិនមានអ្នកនយោបាយ ហេតុនេះយើងមិនអាចក្បត់និងបោកបន្លំម្នាក់ទៀតបានឡើយ។ ពួកយើងស្ថិតនៅក្នុងស្ថានភាពយ៉ាប់យ៉ឺនណាស់មុនពេលបុរសស្បែកសបានមកដល់ ហើយខ្ញុំមិនដឹងថាត្រូវបកស្រាយយ៉ាងណាពីរបៀបដែលពួកយើងអាចគ្រប់គ្រងរឿងដ៏មូលដ្ឋានទាំងអស់នេះបានដែលមានសារសំខាន់យ៉ាងខ្លាំងចំពោះសង្គមស៊ីវិល័យឡើយ។»
ដោយ៖ ស្រីពៅ
