អ្នកប្រហែលជាធ្លាប់ដឹង ឬឮរួចមកហើយនៅពេលគេនិយាយភាសាអង់គ្លេសបែបកាត់ឬបង្រួមពាក្យ ដែលពេលខ្លះស្ទើស្ដាប់មិនយល់ ដូចជាពាក្យ wanna ឬ gonna ជាដើម។ ពាក្យទម្រង់កាត់បែបនេះជាទូទៅត្រូវគេប្រើប្រាស់ក្នុងការនិយាយ ដោយគេមិនប្រើប្រាស់ក្នុងការសរសេរនោះឡើយ បើទោះបីមានការប្រើប្រាស់ក្នុងការសរសេរក៏សរសេរក្នុងបែបមិនផ្លូវការ ក្នុងការនិយាយគ្នាលែងប៉ុណ្ណោះ។​ ការចេះប្រើប្រាស់ពាក្យទាំងនេះក្នុងការនិយាយធ្វើឲ្យការនិយាយរបស់អ្នកឡូយ កាន់តែចាប់អារម្មណ៍។ ខាងក្រោមនេះគឺជាឃ្លាពាក្យទម្រង់បង្រួញទាំង ៩ ដែលលោកអ្នកអាចស្វែងយល់ ដើម្បីឲ្យដឹងនិងយកទៅប្រើប្រាស់៖

១) ពាក្យ gonna ជាទម្រង់កាត់ពីពាក្យពេញ going to ដែលប្រែជាភាសាខ្មែរថា នឹង

ឧទាហរណ៍៖
I'm gonna watch a DVD. ខ្ញុំនឹងមើលឌីវីឌី។
What's she gonna do now? តើនាងនឹងធ្វើអ្វីឥឡូវនេះ?

២) ពាក្យ wanna មកពីពាក្យពេញ want to ដែលមានអត្ថន័យជាភាសាខ្មែរថា ចង់ មានចំណង់

ឧទាហរណ៍៖
Do you wanna watch too?តើអ្នកចង់មើលដែរឬទេ?
I wanna go. ខ្ញុំចង់ទៅ។

៣) ពាក្យ whatcha មកពីពាក្យពេញ what are you ដែលជាឃ្លាសំនួរដើម្បីសួរពីសកម្មភាពអ្វីមួយ

ឧទាហរណ៍៖
Whatcha doing? តើអ្នកកំពុងធ្វើអ្វី?
Whatch talking about? តើអ្នកកំពុងនិយាយអ្វី?

៤) ពាក្យ dunno មកពីពាក្យពេញ don’t know ដែលមានអត្ថន័យថា មិនដឹង

ឧទាហរណ៍៖ I dunno.ខ្ញុំមិនដឹងទេ។

៥) ពាក្យ gotta មកពីពាក្យពេញ got to (ឬ got a) ដែលមានន័យថា​ ត្រូវតែ ប្រាកដជា .....

ឧទាហរណ៍៖
I've gotta go now. ខ្ញុំត្រូវចេញទៅឥឡូវនេះ។

You've gotta be kidding me. អ្នកប្រាកដជាលែងសើចជាមួយនឹងខ្ញុំហើយ។

៦)​ ពាក្យ hafta មកពីពាក្យពេញ have to មានន័យថា ត្រូវតែ

ឧទាហរណ៍៖
Do you hafta go already? តើអ្នកត្រូវទៅហើយឬនៅ?
You don't hafta do that. អ្នកមិនត្រូវធ្វើអ៊ីចឹងទេ។

៧) ពាក្យ gimme មកពីពាក្យពេញ give me មានន័យថា ឲ្យខ្ញុំ

ឧទាហរណ៍៖
Gimme a call tomorrow. តេទូរស័ព្ទមកខ្ញុំថ្ងៃស្អែក។
Gimme that pen back! = ឲ្យប៊ិកនោះមកខ្ញុំមកវិញ។

៨) ពាក្យ  lemme មកពីពាក្យពេញ let me មានន័យថា អនុញ្ញាតិឲ្យខ្ញុំ

ឧទាហរណ៍៖

Lemme know what you think.អនុញ្ញាតិឲ្យខ្ញុំដឹងថាអ្នកគិតអ្វី។

Lemme ask you something. អនុញ្ញាតិឲ្យខ្ញុំសួរអ្នករឿងមួយចំនួន។

៩) ពាក្យ Kinda មកពីពាក្យពេញ kind of ដែលមានន័យថា បន្ដិច តិចតួច ស្ដួចស្ដើង

ឧទាហរណ៍៖

I think it’s kinda funny. ខ្ញុំគិតថាវាកំប្លែងបន្តិចដែរ។

It's kind of late to begin. វាដូចជាយឺតបន្ដិចហើយក្នុងការចាប់ផ្ដើម។

 ដោយ៖ លង់ វណ្ណៈ