Up ជាគុណកិរិយាដែលប្រើជាមួយកិរិយាសម្រាប់ផ្ដល់អត្ថន័យជាមូលដ្ឋានថា «ពីទីទាបទៅទីខ្ពស់»។ ប៉ុន្តែ ជាក់ស្ដែងអត្ថន័យរបស់វាមិនមានដែនកំណត់នៅតែត្រឹមនេះនោះទេ។ Up មានអត្ថន័យច្រើនទៀតអាស្រ័យទៅតាមស្ថានភាពខុសៗគ្នា។ ខាងក្រោមនេះគឺជាអត្ថន័យសំខាន់ៗមួយចំនួនរបស់ Up ដែលអ្នកគួរយល់ដឹង:

• កើនឡើង

ឧទាហរណ៍: Anna is a hard-working employee. Her salary deserves to go up.

«អាន់ណាគឺជាបុគ្គលិកដែលខិតខំធ្វើការម្នាក់។ នាងពិតជាស័ក្ដិសមនឹងទទួលបានការដំឡើងប្រាក់ខែ។»

• កើនឡើងក្នុងល្បឿនដ៏លឿន ឬលោតផ្លោះក្នុងសំទុះដ៏លឿន

ឧទាហរណ៍: Our effort has shown a good sign because our sales in this month has leapt up compared to the previous month.

«ការខិតខំប្រឹងប្រែងរបស់យើងបានបង្ហាញសញ្ញាណល្អហើយ ព្រោះការលក់របស់យើងនៅខែនេះបានលោតផ្លោះក្នុងសំទុះដ៏លឿនធៀបនឹងខែមុន។»

ក្រៅពី To leap up អ្នកក៏អាចប្រើ To jump/rocket up នៅក្នុងអត្ថន័យដូចគ្នានេះដែរ។

• ធ្វើអ្វីមួយចប់រួចរាល់

ឧទាហរណ៍:

១) I can't stand the messy and disorder environment so I always clean up my place before starting to do my work.

«ខ្ញុំមិនអាចទ្រាំនឹងបរិយាកាសដែលរញ៉េរញ៉ៃនិងគ្មានសណ្ដាប់ធ្នាប់បាននោះទេ ហេតុនេះហើយខ្ញុំតែងតែសម្អាតកន្លែងរបស់ខ្ញុំឲ្យរួចរាល់មុននឹងចាប់ផ្ដើមធ្វើការងាររបស់ខ្ញុំ។»

២) I'm sorry! I thought that you won't come home tonight that's why I ate up all the food.

«ខ្ញុំសុំទោសផង។ ខ្ញុំគិតថាឯងនឹងមិនមកផ្ទះយប់នេះទេ ដូច្នេះហើយទើបខ្ញុំបានញ៉ាំអាហារទាំងអស់អស់ហើយ។»

៣) Have you bought sugar yet ? It has been used up!

«តើឯងបានទិញស្ករសមកហើយឬនៅ ? វាត្រូវបានប្រើប្រាស់អស់ហើយ!»

• ធ្វើចលនាឆ្ពោះទៅរកអ្វីមួយឬនរណាម្នាក់

ឧទាហរណ៍: This morning I met a stranger who came up to me and asked if I could give him some money.

«ព្រឹកនេះខ្ញុំបានជួបនឹងមនុស្សម្នាក់ដែលមិនធ្លាប់ស្គាល់គ្នា ដែលបានដើរមករកខ្ញុំហើយសួរខ្ញុំថាតើខ្ញុំអាចឲ្យលុយគាត់ខ្លះបានឬអត់។»

• មានបញ្ហាអ្វីមួយស្រាប់តែកើតឡើង

ឧទាហរណ៍: I'm sorry. I can't accompany you today. Something just comes up that I need to go back immediately.

«សុំទោសផង ខ្ញុំមិនអាចកំដរអ្នកថ្ងៃនេះបានទេ។ មានរឿងបន្តិចបន្តួចកើតឡើងដែលត្រូវឲ្យខ្ញុំត្រឡប់ទៅវិញជាប្រញាប់។»

ដោយ៖ ស្រីពៅ