ពាក្យទាំង ៨ឃ្លាប្រើប្រាស់ជំនួសពាក្យធាត់ (fat) ក្នុងភាសាអង់គ្លេស
តើមានរបៀបខុសៗគ្នាប៉ុន្មានខ្លះ ដែលអ្នកអាចប្រើប្រាស់ជំនួសឲ្យគុណនាម «Fat» ដើម្បីរៀបរាប់ថានរណាម្នាក់មានរាងធាត់ ? ខាងក្រោមនេះគឺជាគុណនាមចំនួន៨ដែលមានអត្ថន័យប្រហាក់ប្រហែលនឹងពាក្យ «Fat» ក្នុងភាសាអង់គ្លេស៖
១) Portly = មានរាងធាត់ហើយមូល ដែលច្រើនប្រើចំពោះបុរសដែលស្ថិតក្នុងវ័យកណ្ដាលឬវ័យចំណាស់
ឧទាហរណ៍: We will often see that a man who has a habit of drinking a lot is usually portly, though that is not always the case.
«ពួកយើងនឹងចំណាំឃើញបុរសណាដែលផឹកច្រើន ច្រើនតែមានរាងធាត់ហើយមូល ថ្វីបើវាមិនមែនសុទ្ធតែបែបនេះក៏ដោយ។»
២) Stout = ច្រើនប្រើទៅលើមនុស្សចំណាស់ មានន័យថាធាត់ហើយមាំ
ឧទាហរណ៍: Did you see that stout woman dressing in a pair of dark trousers ? She's my mom.
«តើអ្នកឃើញស្ត្រីម្នាក់មានរាងធាត់មាំដែលស្លៀកខោពណ៌ក្រមៅនោះទេ ? គាត់គឺជាម្ដាយរបស់ខ្ញុំ។»
៣) Chubby = ច្រើនប្រើសម្រាប់រៀបរាប់ពីក្មេងៗដែលមានរាងធាត់បន្តិចនិងគួរឲ្យស្រឡាញ់
ឧទាហរណ៍: My sister's baby borned yesterday. She looks chubby and healthy.
«កូនរបស់បងស្រីខ្ញុំបានកើតម្សិលមិញនេះ។ នាងមានរាងក្រម៉ាប់ៗគួរឲ្យស្រឡាញ់ហើយមើលទៅមានសុខភាពល្អទៀតផង។»
៤) Obese = ច្រើនប្រើក្នុងភាសាវិទ្យាសាស្ត្រដែលអាចចាត់ចូលជាលក្ខណៈធាត់លើសទម្ងន់ ហើយជាលក្ខណៈធាត់ដែលស្ថិតក្នុងស្ថានភាពប្រឈមនឹងគ្រោះថ្នាក់ដល់សុខភាព
ឧទាហរណ៍: You shouldn't eat fast food and sweet food in large quantity. These unhealthy diet will make you obese and will be harmful to your health.
«អ្នកមិនគួរញាំុអាហារfast food និងអាហារផ្អែមៗក្នុងបរិមាណច្រើននោះទេ។ របបអាហារទាំងនេះនឹងធ្វើឲ្យអ្នកធាត់លើសទម្ងន់ និងនាំមកនូវគ្រោះថ្នាក់ដល់សុខភាពរបស់អ្នកទៀតផង។»
៥) Overweight = គុណនាមនេះក៏មានអត្ថន័យស្រដៀងគ្នានឹងគុណនាម Obese ដែរ គឺសំដៅលើធាត់លើសទម្ងន់
ឧទាហរណ៍: Being overweight will cause you to face many health problems.
«ការលើសទម្ងន់នឹងធ្វើឲ្យអ្នកប្រឈមមុខនឹងជំងឺជាច្រើន។»
៦) Stubby = ធាត់ហើយទាប
ឧទាហរណ៍: That stubby-looking man is a chief of the restaurant that I love to have lunch.
«បុរសដែលមានរាងធាត់ហើយទាបម្នាក់នោះគឺជាចុងភៅនៃភោជនីយដ្ឋានមួយដែលខ្ញុំចូលចិត្តទៅញាំុអាហារថ្ងៃត្រង់។»
៧) Well-built = រាងធំហើយមាំ
ឧទាហរណ៍: He eats healthily and does exercise regularly that is why he is such a well-built man. «គាត់ញាំុអាហារដែលល្អៗនិងធ្វើលំហាត់ប្រាណជាប្រចាំ ហេតុនេះហើយទើបគាត់មានរាងធំហើយមាំ។»
៨) Podgy = មានរាងធាត់បន្តិច
ឧទាហរណ៍: My sister used to be skinny, but now she is podgy and beautiful.
«បងស្រីរបស់ខ្ញុំធ្លាប់មានរាងស្គមខ្លាំង ប៉ុន្តែឥឡូវនេះគាត់ធាត់បន្តិចហើយស្អាត។»
ដោយ៖ ស្រីពៅ
