ហេតុអ្វីសាសនាហិណ្ឌូមិនបរិភោគសាច់សត្វជាអាហារ? តើនេះជាតំណមឬយ៉ាងណា?
តាមពិតទៅសម្រាប់គម្ពីររបស់សាសនាហិណ្ឌូ គេមិនបានបែងចែកថា បុគ្គលដែលកាន់សាសនានេះត្រូវតែតំណមសាច់សត្វជាកំហិតនោះទេ។ ប៉ុន្តែសាសនានេះគ្រាន់តែបង្ហាញអ្នកដើរតាមរបស់ពួកគេថា ហាមសម្លាប់សត្វគ្រប់ប្រភេទគ្រប់រូបភាពទាំងអស់បើហ៊ានល្មើស វាគឺជាអំពើបាប។
អ្នកកាន់សាសនា ហិណ្ឌូសឹងតែទាំងអស់បានក្លាយទៅជាអ្នកពិសាតែបន្លែ មានន័យថាសឹងតែគ្រប់ពេលពួកគេហូបម្ហូបបួសប៉ុណ្ណោះពោលគឺគ្មានសាច់។ ភាគច្រើនអ្នកកាន់សាសនាហិណ្ឌូនេះផ្ទាល់គឺ មិនពិសាស៊ុត ត្រី ឬសាច់ទេ ដោយសារគម្ពីរបានចារថា ហាមប៉ះពាល់ដល់ជីវិតមនុស្ស សត្វ ផ្សេងៗ ជាពិសេសគឺធម្មជាតិលើលោកទាំងអស់នេះ។
នៅប្រទេសឥណ្ឌានេះឯងគឺជាប្រទេសដែលសម្បូរដោយអ្នកពិសាម្ហូបបួសច្រើនជាងគេបំផុត។ នេះក៏ដោយសារតែកត្តាសាសនាផងដែរ ដោយក្នុងប្រទេសនេះមានអ្នកកាន់សាសនាហិណ្ឌូ ៨០ ភាគរយបាត់ទៅហើយទូទាំងប្រទេសរបស់ពួកគេ៕
ប្រែសម្រួល៖ ព្រំ សុវណ្ណកណិ្ណកា
ប្រភព៖ censusindia.gov.in.com
