ហេតុអ្វីជីវិតគេមានភាពរីករាយជាងជីវិតរបស់អ្នក? វាអាចមកពីហេតុផលទាំង ៥នេះ
លើលោកនេះគឺមានមនុស្ស២ ប្រភេទ មានអ្នកជ្រើសរើសចង់សប្បាយ និងអ្នកជ្រើសរើសចង់កើតទុក្ខ។ ជាការពិតណាស់ ភាពសប្បាយរីករាយមិនមែនមកពី កិត្តិយស លុយកាក់ ឬស្នេហាអីនោះទេ តែវាកើតចេញពីផ្ទៃខាងក្នុងរបស់អ្នកនេះឯង។
អ្នកខ្លះតែងតែងឿងឆ្ងល់ដោយសារតែឃើញគេសប្បាយរីករាយគ្មានទុក្ខទាល់តែសោះ តែងាកមកខ្លួនឯងវិញ សឹងតែពិបាកចិត្តរាល់ថ្ងៃទៅហើយ។ ចំណុចខាងក្រោមនេះហើយដែលអ្នកគួរអានហើយយកមកវិភាគ៖
១) គេមិនចង់គំនុំ
មនុស្សដែលសប្បាយចិត្ត តែងតែចេះបំភ្លេច និងលើកលែងទោសឲ្យមនុស្សគ្រប់គ្នា។ ហេតុអ្វីអនុញ្ញាតឲ្យមនុស្សដែលខុស មកដាក់ទុក្ខលើអ្នកថែមទៀតនោះ? កាលណាអ្នកលែងគំនុំចេញពីខ្លួនឲ្យអស់នោះ អ្នកនឹងមានអារម្មណ៍កាន់តែល្អ កាន់តែរីករាយជាមួយជីវិតបន្ត។
២) គេតែងមានក្ដីស្រមៃធំ
មនុស្សដែលមានក្ដីស្រមៃធំ តែងតែទទួលបានជោគជ័យជាងអ្នកដែលគ្មានក្ដីស្រមៃ។ ពេលអ្នកហ៊ានស្រមៃធំហើយនោះ អ្នកនឹងហ៊ានសម្រេចអ្វីៗគ្រប់យ៉ាង ដោយមិនបាច់អង្គុយតែគិតចាក់ស្មុគដូចគេឯងទេ។
៣) គេមិនទ្រអ្នកដទៃ
មនុស្សដែលសប្បាយចិត្តគឺមិនដែលខ្វល់ពីគំនិតអ្នកដទៃ មកលើខ្លួនទេ។ ពួកគេដើរតាមបេះដូងរបស់ខ្លួន ហើយមិនឲ្យអ្នកណាម្នាក់មកបាក់ទឹកចិត្តគេឡើយ។
៤) គេនិយាយការពិត
មនុស្សពូកែកុហកតែងតែមានអារម្មណ៍មួម៉ៅតប់ប្រមល់ ហើយមានគេមិនចូលចិត្តច្រើនទៀត។ សេចក្ដីពិតទៀងត្រង់ នឹងធ្វើឲ្យអ្នកមិនខ្វាយខ្វល់ពីអ្វីឡើយ ហើយគេឯងកាន់តែជឿជាក់ទុកចិត្តអ្នកថែមទៀត។
៥) គេបង្កើតការរស់នៅដោយខ្លួនឯង
មនុស្សដែលសប្បាយចិត្តគឺមានសមត្ថភាពគ្រប់គ្រាន់ក្នុងការបង្កើតផ្លូវដើរក្នុងជីវិត។ ពួកគេមិនឲ្យអ្នកណាម្នាក់មកប្រាប់ថា តើគេត្រូវរស់នៅបែបណាឡើយ។ កាលដែលចេះគ្រប់គ្រងផ្លូវដើរដោយខ្លួនឯង គឺធ្វើឲ្យអារម្មណ៍វិជ្ជមាន និងខ្លួនមានតម្លៃកាន់តែខ្លាំងថែមទៀត៕
ប្រែសម្រួល៖ ព្រំ សុវណ្ណកណ្ណិកា
ប្រភព៖ iangotts.com
