តើអ្នកគួររៀបការនៅអាយុប៉ុន្មានទើបល្អ?
ស្នេហានិងការរៀបការពិតណាស់គឺមិនប្រកាន់វ័យឬអាយុទេ វាជាការសម្រេចចិត្តរវាងបេះដូងអ្នកទាំងពីរ។ តែទោះជាយ៉ាងណាក៏មានគូរស្នេហ៍មិនតិចដែរ ដែលបានលែងលះគ្នាក្រោយរៀបការដោយសារអាយុ។ ការរៀបការដោយមិនមានការគិតគូពិចារណាឲ្យបានដិតដល់ និងកត្តាអាយុក៏អាចជះឥទ្ធិពលទៅលើស្ថានភាពគ្រួសាររបស់អ្នកផងដែរ។ ដូច្នេះតើអ្នកគួររៀបការនៅអាយុប៉ុន្មានទើបល្អ?
ពេលអ្នកសម្រេចចិត្តរៀបការក្នុងពេលយុវវ័យ អ្នកអាចប្រឈមមុខនឹងអត្រាលែងលះខ្ពស់។ តាមការសិក្សាថ្មីបានបញ្ជាក់ឲ្យដឹងថា អ្នកគួររៀបការនៅអាយុចន្លោះពី ២៨ ទៅ ៣២ ឆ្នាំប្រសិនបើអ្នកមិនចង់ទទួលការលែងលះក្នុងអំឡុងពេលប្រាំឆ្នាំដំបូងបន្ទាប់ពីរៀបការ នេះតាមការសិក្សាស្រាវជ្រាវរបស់លោក Nick Wolfinger អ្នកសង្គមវិទូនៅសាកលវិទ្យាល័យ University of Utah ដែលបានចេញផ្សាយដោយវិទ្យាស្ថានសិក្សាគ្រួសារ Institute of Family Studies។
ខាងក្រោមនេះគឺជាកត្តាមួយចំនួនដែលបញ្ចាក់ថាការរៀបការនៅអាយុ ២៨ទៅ៣២ ល្អសម្រាប់អ្នក÷
១) អ្នកជាមនុស្សចាស់ចិត្ត ចាស់គំនិត
២) មិនឆែវឆាវដូចយុវវ័យឈាមរាវ
៣) អ្នកមានហេតុផលច្រើន
៤) អ្នកបានសិក្សាពីមនុស្សនិងសង្គមជុំវិញខ្លួនបានច្រើន
៥) អ្នកបានត្រៀមខ្លួនរួចរាល់ក្នុងការប្រឈមជាមួយសម្ពាធគ្រួសារ
៦) អ្នកមានសមត្ថភាពក្នុងការដោះស្រាយបញ្ហាដោយសន្តិវិធីច្រើនជាងយុវវ័យ
៧) អ្នកចាប់ផ្តើមមានភាពទទួលខុសត្រូវច្រើន
៨) អ្នកបានត្រៀមខ្លួនរួចរាល់ក្នុងការធ្វើជាឪពុកម្តាយគេ
៩) ពិសេសអ្នកមានការងារជាប់លាប់មួយដែលអាចមានប្រាក់គ្រប់គ្រាន់ផ្គត់ផ្គង់គ្រួសារ និងមនុស្សនៅក្នុងបន្ទុករបស់អ្នកមាន មិនមែនមនុស្សគ្រប់គ្នាដែលរៀបការក្នុងវ័យនេះសុទ្ធតែទទួលបានជោគជ័យក្នុងជីវិតអាពាហ៍ពិពាហ៍នោះទេ គ្រាន់តែថាអត្រាលែងលះក្នុងវ័យនោះមានទាបជាងយុវវ័យប៉ុណ្ណោះ។
អ្វីដែលសំខាន់គឺចិត្តអ្នកប្តេជ្ញាថាបន្តចំណង់នេះឲ្យបានដល់កម្រិតណា៕
ដោយ៖ យ៉ាយ៉ា
