វិធីសាមញ្ញ ៥ចំណុចកាត់បន្ថយការគេងមិនស្កប់ស្កល់
មនុស្សច្រើននាក់ណាស់ដែលទទួលរងនូវផលប៉ះពាល់ពីការគេងមិនលក់បក់មិនល្ហើយនេះ។ អ្នកខ្លះវិញបណ្ដោយខ្លួនឲ្យទៅជាអាការៈរាំរៃមករាប់ឆ្នាំទៅវិញ។ អ្នកត្រូវដឹងថា ការគេងលក់មិនស្កប់ស្កល់នេះនឹងធ្វើឲ្យសុខភាពអ្នកធ្លាក់ដុនដាបពីមួយថ្ងៃទៅមួយថ្ងៃ។ ហេតុដូចនេះគួរចំណាយពេលខ្លះអាននូវវិធីសាស្ត្រសាមញ្ញៗ ទាំងនេះដើម្បីកាត់បន្ថយការគេងមិនស្កប់តទៅទៀត ៖
១) សម្រាន្តនូវកន្លែងមួយដែលអ្នកតែងតែគេងលើជារឿយៗ ព្រោះវានឹងផ្ដល់អារម្មណ៍មួយដ៏ស្រណុកស្រួល ហើយធ្វើឲ្យអ្នកឆាប់គេងលក់ជាងកន្លែងដទៃ។
២) ត្រូវឧស្សាហ៍ហាត់ប្រាណតាមតែអាចធ្វើទៅបាន។ មិនទាមទារច្រើនឡើយ ប្រសិនបើអ្នករវល់ ចំណាយត្រឹម ២០ ទៅ ៣០នាទីនៃការហាត់ប្រាណប៉ុណ្ណោះ វានឹងជួយសម្រួលដល់ការគេងរបស់អ្នកឲ្យល្អជាងមុន។
៣) ត្រូវបរិភោគ ទឹកឲ្យបានច្រើន រួចជៀសវាងពិសាសារជាតិកាហ្វេអ៊ីន ដែលវានឹងចូលទៅរារាំងសរីរាង្គអ្នកមិនឲ្យឆាប់គេងលក់។
៤) បន្ថយសម្លេងរំខាន ខ្លាំង ឬក៏ភ្លើងភ្លឺពេកនៅក្នុងបន្ទប់ ព្រោះថា វានឹងចូលទៅបង្អាក់អ័រម៉ូនដែលធ្វើឲ្យអ្នកឆាប់គេងលក់។
៥) ព្យាយាមកាត់បន្ថយអារម្មណ៍ តានតឹងរបស់អ្នកមុនចូលគេង។ វិធីកាត់បន្ថយអារម្មណ៍តានតឹងនោះ រួមមាន ការតាំងសមាធិនិង ការបត់បែនខ្លួន ជាដើម ។ ការធ្វើអារម្មណ៍ឲ្យស្រឡះ មុនចូលគេងគឺជាវិធីសាស្ត្រដ៏ល្អបំផុត ដើម្បីឲ្យគេងបានលង់លក់ស្រួល៕
ប្រែសម្រួល៖ ព្រំ សុវណ្ណកណ្ណិកា
ប្រភព៖ Ouraring.com
