អ្នកជោគជ័យក្នុងជំនួញ ប្រាប់គន្លឹះដែលធ្វើឲ្យ អ្នកលេចធ្លោជាងគូប្រជែង
ចង់ឲ្យអាជីវកម្មរបស់អ្នកមានឈ្មោះបោះសម្លេង និងទទួលស្គាល់ច្រើនពីមហាជនជាងគូប្រជែងរបស់អ្នក មិនមែនជារឿងមួយងាយស្រួលនោះទេ។ ប៉ុន្តែអ្នកជំនួញជោគជ័យកំពូលៗ និងជាទីប្រឹក្សាល្បីៗរបស់ក្រុមហ៊ុនបច្ចេកវិទ្យាអាមេរិក The Orcales មានគន្លឹះខ្លះៗដែលអាចជួយអ្នកយកឈ្នះគូប្រជែងរបស់អ្នកបាន ជាពិសេសសហគ្រិនដែលមានអាជីវកម្មនៅក្នុងដៃ។ គន្លឹះដែលជាបទពិសោធន៍របស់អ្នកជំនាញទាំងនេះមានដូចខាងក្រោម៖
១.ដោះស្រាយបញ្ហា និងឲ្យអតិថិជនស្គាល់អាជីវកម្មរបស់អ្នកថា វាជាអ្វី
អ្នកស្រី Bethenny Frankel ស្ថាបនិកក្រុមហ៊ុន Skinnygirl
«ដើម្បីឲ្យអាជីវកម្មរបស់អ្នកឈរនៅទីតាំងមួយខុសពីគេ អ្នកត្រូវដោះស្រាយបញ្ហារបស់អតិថិជនម្នាក់ៗ។ បន្ទាប់មកអ្នកត្រូវតែធ្វើឲ្យអតិថិជនយល់ច្បាស់ពីប្រភេទ និងមុខងារអាជីវកម្មរបស់អ្នកថា តើអ្នកផ្តល់សេវាកម្មអ្វី? ផលិតផលអ្វី?។ កុំឲ្យអតិថិជនភ័ន្តច្រឡំ បង្កើតឈ្មោះងាយស្រួលចាំ និងមានគុណភាពទើបអតិថិជនស្គាល់អ្នកច្រើន»។
២.ខិតខំប្រឹងប្រែងជាងគូប្រជែងរបស់អ្នក
លោក Ed Mylett ស្ថាបនិករួមរបស់ក្រុមហ៊ុន Arete Syndicate
«វិធីល្អមួយដើម្បីធ្វើឲ្យអ្នកខុសប្លែកពីគូប្រជែងរបស់អ្នកគឺ ត្រូវខំប្រឹងប្រែងឲ្យបានច្រើនជាងគូប្រជែងរបស់អ្នក។ គូប្រជែងរបស់អ្នកអាចចម្លងអ្នកបាន ប៉ុន្តែពួកគេមិន អាចព្យាយាមខិតខំប្រឹងប្រែងបានច្រើនដូចអ្នកឡើយ។ អ្នកត្រូវរីករាយធ្វើអ្វីដែលគូប្រជែងរបស់អ្នកមិនចូលចិត្តធ្វើ ហើយវាជាអ្វីដែលធ្វើឲ្យអ្នកបោះទៅមុខមួយជំហានទៀតលើសគូប្រជែងរបស់អ្នក »។
៣.ផ្តល់គុណតម្លៃដល់មនុស្សគ្រប់គ្នាដែលជាអតិថិជនរបស់អ្នក
លោក David Newman អ្នកនិពន្ធសៀវភៅ "Do It! Marketing"
«ចូរពិចារណាអំពីយុទ្ធសាស្ត្រទីផ្សារដែលផ្តល់ជូនអតិថិជននូវគុណតម្លៃមិនចេះរីងស្ងួត។ អ្នកត្រូវស្រាវជ្រាវថា តើអតិថិជនរបស់អ្នកបានទិញអ្វីខ្លះពីក្រុមហ៊ុនផ្សេងទៀត បន្ទាប់មកអ្នកត្រូវកែតម្រូវវាឡើងវិញ និងផ្តល់ជូនអតិថិជនឲ្យបានល្អប្រសើរជាងគូប្រជែងរបស់អ្នក។ មិនតែប៉ុណ្ណោះ អ្នកត្រូវធ្វើឲ្យពួកគេយល់ថា មុខជំនួញរបស់អ្នកបានជួញឲ្យមុខជំនួញរបស់ពួកគេកាន់តែប្រសើរឡើងជាបន្តបន្ទាប់»។
៤.កំណត់ពីតម្រូវការរបស់អតិថិជនឲ្យបានច្បាស់
លោកស្រី Jeanine Blackwell អ្នកនិពន្ធសៀវភៅ The Expert Experience Method
«អ្នកត្រូវការប្រព័ន្ធគ្រប់គ្រងមួយដែលផ្តល់មាតិកាដ៏ត្រឹមត្រូវដើម្បីឆ្លើយតបទៅនឹងអតិថិជននៅក្នុងពេលវេលាដ៏សមស្រប។ អ្នកត្រូវប្រាកដថា តើអតិថិជនរបស់អ្នកជាអ្នកណា? ពួកគេត្រូវការអ្វី? ហេតុអ្វីពួកគេទិញផលិតផលរបស់អ្នក? តើអ្នកល្អជាងគូប្រជែង ឬអន់ជាងគូប្រជែងរបស់អ្នក? អ្នកត្រូវឆ្លើយសំនួរទាំងនេះពីមួយជំហានទៅមួយជំហាន ហើយផ្តល់ជូននូវតម្រូវការទាំងនោះទៅឲ្យពួកគេវិញឲ្យបានល្អប្រសើរជាងមុន»។
៥.សម្លឹងមើលទៅទីផ្សារខាងក្រៅ ហើយសួរថា ហេតុអ្វីបានជាអ្នក?
លោក Daniel Lesniak ស្ថាបនិកក្រុមហ៊ុន Orange Line Living
«សិក្សាស្រាវជ្រាវមើលថា តើអ្នកអាចយកបទពិសោធន៍របស់អាជីវកម្មផ្សេងៗដែលកំពុងមាននៅលើទីផ្សារមកអនុវត្តក្នុងអាជីវកម្មរបស់អ្នកយ៉ាងដូចម្តេច?។ អ្នកត្រូវចាប់យកឱកាសទាំងនោះ និងត្រូវដឹងថា អ្នកត្រូវការអ្វី? ហេតុអ្វីបាន ជាអ្នកត្រូវធ្វើការងារនោះ? ប្រសិនបើអ្នកមានចម្លើយពិតប្រាកដសម្រាប់សំនួរទាំងនេះ អ្នកត្រូវឆក់យកឱកាសល្អមួយធ្វើឲ្យបានល្អបំផុតជាងគូប្រជែងរបស់អ្នក»។
៥.សម្លឹងមើលទៅទីផ្សារខាងក្រៅ ហើយសួរថា ហេតុអ្វីបានជាអ្នក?
លោក Daniel Lesniak ស្ថាបនិកក្រុមហ៊ុន Orange Line Living
«សិក្សាស្រាវជ្រាវមើលថា តើអ្នកអាចយកបទពិសោធន៍របស់អាជីវកម្មផ្សេងៗដែលកំពុងមាននៅលើទីផ្សារមកអនុវត្តក្នុងអាជីវកម្មរបស់អ្នកយ៉ាងដូចម្តេច?។ អ្នកត្រូវចាប់យកឱកាសទាំងនោះ និងត្រូវដឹងថា អ្នកត្រូវការអ្វី? ហេតុអ្វីបាន ជាអ្នកត្រូវធ្វើការងារនោះ? ប្រសិនបើអ្នកមានចម្លើយពិតប្រាកដសម្រាប់សំនួរទាំងនេះ អ្នកត្រូវឆក់យកឱកាសល្អមួយធ្វើឲ្យបានល្អបំផុតជាងគូប្រជែងរបស់អ្នក»។
៦.កំណត់ឲ្យច្បាស់ថា គោលដៅអតិថិជនរបស់អ្នកជាអ្នកណា?
លោក Rafael Romis ស្ថាបនិកក្រុមហ៊ុន Weberous
«ទោះបីជាអាជីវកម្មរបស់អ្នកជាប្រភេទអ្វីក៏ដោយ អ្នកមិនអាចអោបក្រសោបអតិថិជនគ្រប់ប្រភេទទាំងអស់បានទេ។ ដូច្នេះហើយអ្នកត្រូវផ្លាស់ប្ដូរល្បែងមួយនេះមកផ្ដោតលើអតិថិជនក្នុងផ្នែកណាមួយឲ្យច្បាស់លាស់ ខណៈដែលគូប្រជែងរបស់អ្នកកំពុងផ្ដោតលើអតិថិជនទូទៅ។ ធ្វើតាមរបៀបនេះ អ្នកមិនចាំបាច់ចំណាយពេលប្រកួតប្រជែងជាមួយគូប្រជែងរបស់អ្នករហូតគ្មានទីបញ្ចប់នោះ ឡើយ។ ការផ្ដោតលើចំណែកទីផ្សារណាមួយ នឹងធ្វើឲ្យអ្នកអាចផ្តល់តម្រូវការជូនអតិថិជនយ៉ាងមានប្រសិទ្ធភាព និងមានគុណតម្លៃពិសេសមួយច្រើនជាងអតិថិជន»៕
ប្រភព៖ cnbc
