បដិវត្តន៍ឧស្សាហកម្មទី៤ កំពុងតែក្លាយជាប្រធានបទដែលទាក់ទាញចំនាប់អារម្មណ៍របស់មនុស្សគ្រប់គ្នាមិនថាជាអ្នកប្រាជ្ញវិទូ អ្នករៀបចំគោលនយោបាយ អ្នកសេដ្ឋកិច្ច បញ្ហាជន និង​និស្សិត។ ជាទូទៅ ឱ្យ​​តែពាក្យថា "បដិវត្តន៍" គឺតែងតែមានលាយលំជាមួយនឹងការផ្លាស់ប្តូរបរិបទមួយចំនួនពីចាស់មកថ្មី ដូច្នេះហើយប្រសិនជាអ្នកបទបែនមិនបានល្អនោះ បដិវត្តន៍មួយនឹងអាចធ្វើ​ឱ្យអ្នកបាត់បង់ឱកាសយ៉ាងច្រើន។

គ្នាជាមួយនឹងបដិវត្តឧស្សាហកម្មនេះដែរ ដែលនឹងត្រូវមានរបកគំហើយថ្មីៗជាច្រើនបូកបញ្ចូលនឹងអ្វីដែលយើងមានស្រាប់ ពោលគឺស្ទើរតែគ្រប់វិស័យមិនថាវិស័យសេដ្ឋកិច្ច ធុរកិច្ច​ ធនាគារ ទេសចរណ៍ ទីផ្សារការងារ សំណង់ឬក៏ការរស់នៅប្រចាំថ្ងៃនោះទេ សុទ្ធតែមានវត្តមាននៃបច្ចេកវិទ្យាវ័យឆ្លាតដូចជា បញ្ញាសប្បនិម្មិត ឬអ៊ឺនធឺណែតបូកបញ្ចូលគ្នា​មកជាមួយ។  សម្រាប់មនុស្សភាគច្រើន ទីផ្សារការងារអាចជាផលប៉ះពាល់មួយដ៏ធំ ប្រសិនជាអ្នកមិនអាចសម្របខ្លួន រឺមាន​ចំណេះដឹងគ្រប់គ្រាន់ដើម្បីធ្វើការជាមួយនឹងបច្ចេកវិទ្យាថ្មីៗនោះទេ។ សព្វថ្ងៃស្ទើរតែការងារគ្រប់ប្រភេទ គឺតម្រូវ​ឱ្យមានការប្រើប្រាស់កុំព្យូទ័រ រឺអ៊ឺនធឺណែតជាដើមដើម្បីបំពេញការងារ​ឱ្យ​កាន់តែមានប្រសិទ្ធិភាព។

សម្រាប់អ្នកដែលមិនសូវមានជំនាញខាងនេះ ច្រើនតែត្រូវបានគេបដិសេដ​ ក្នុងការផ្តល់ការងារឳ្យធ្វើ ព្រោះពួកគេមិនសូវមានផលិតភាពគ្រប់គ្រាន់សម្រាប់បំពេញតួនាទីដែលគេត្រូវការនោះទេ។ ប៉ុន្តែត្រឹមតែប៉ិននេះមិនទាន់គ្រប់គ្រាន់អស់នោះទេ ពោលគឺថាជាមួយនឹងវត្តមានរបស់បដិវត្តឧស្សាហកម្មទី៤ ដែលមានល្បឿនចូលមកក្នុងកិច្ចការងារប្រចាំថ្ងៃរបស់មនុស្សកាន់តែលឿនបែបនេះ បែបផែន និងតម្រូវការការងារនឹងកាន់តែមានភាពសម្បូរបែប និងតម្រូវការកាន់តែច្រើនពីបុគ្គលិក។

តួយ៉ាងតាមការប្រមើលមើលពីអង្គការ បានបង្ហាញថា ដើម្បីអាចដើរទាន់ជាមួយនឹងតម្រូវការទីផ្សារការងារនៅក្នុងពេលឆាប់ៗខាងមុខនេះ បុគ្គលិកនីមួយៗត្រូវមានជំនាញខាងនេះ៖

១. ជំនាញដោះស្រាយបញ្ហាដែលស៊ាំញ៉ាំ

២. ជំនាញគិតគូរត្រិះរិះ ឬ​គិត​ស៊ីជម្រៅ (Critical thinking) 

៣. ការច្នៃប្រឌិត

៤. គ្រប់គ្រងបុគ្គលិក

៥. ជំនាញសម្របសម្រួល  

៦. បញ្ហាស្មារតី

៧. ជំនាញនិច្ឆ័យ និងជំនាញសម្រេចចិត្ត

៨. ផ្តោតសំខាន់លើការផ្តល់សេវាកម្មល្អ

៩. ជំនាញចរចារពិភាក្សា (ភាសាជា​ផ្នែក​មួយ​យ៉ាង​សំខាន់) 

១០. ការបត់បែនបានតាមកាលៈទេសៈ ដោយសារតែអ្នកត្រូវធ្វើការជាមួយនឹងបច្ចេកវិទ្យាច្រើន ដូច្នេះបញ្ហាដែលអាចកើតមានឡើងនឹងរឹតតែមានភាពស៊ាំញ៉ាំ ពិបាកក្នុងការដោះស្រាយ ដូច្នេះហើយអ្នកត្រូវតែពង្រឹងចំនេះដឹងរបស់ខ្លួនឳ្យបានកាន់តែខ្លាំងដើម្បអោយខ្លួនឯងមានសមត្ថភាពគ្រប់គ្រាន់ក្នុងការគ្រប់គ្រង និងដោះស្រាយបញ្ហា។

ម្យ៉ាងវិញទៀត ជំនាញទាំង១០ដែលរៀបរាប់ខាងលើនេះគឺសុទ្ធតែជាជំនាញដែលបញ្ហាសប្បនិម្មិត រឺប្រព័ន្ធកុំព្យូទ័រទាំងនោះមិនអាចធ្វើបាន ដូច្នេះហើយទើបបានជាប្រសិនអ្នកមានជំនាញទាំងនេះ អ្នកនឹងអាចមានទីផ្សារការងារខ្ពស់ជាក់ជាមិនខាន៕

ដោយ៖ វត្តី សុត្ថា