ដឺងពីអត្ថប្រយោជន៍របស់កាហ្វេហើយឫនៅ?
បច្ចុប្បន្ននេះ កាហ្វេកំពុងទទួលបានការពេញនិយមយ៉ាងច្រើនពីសំណាក់មនុស្សគ្រប់ស្រទាប់វណ្ណៈ និង មិនថា យុវវ័យ ឬមនុស្សចាស់នោះទេ។ សម្រាប់កាហ្វេ មិនត្រឹមតែមានរសជាតិឈ្ងុយឆ្ងាញ់នោះទេ ប៉ុន្តែវាក៏ផ្ដល់ប្រយោជន៍យ៉ាងច្រើនផងដែរ។
១) កាត់បន្ថយការវិវឌ្ឍនៃជំងឺទឹកនោមផ្អែមប្រភេទទី២៖ បើយោងតាមការស្រាវជ្រាវរបស់ The American Chemical Society បានបង្ហាញថា អ្នកដែលទទួលទានកាហ្វេលើសពី៤ពែងក្នុងមួយថ្ងៃអាចកាត់បន្ថយ អត្រានៃការកើតជំងឺទឹកនោមផ្អែមប្រភេទទី២រហូតដល់៥០ភាគរយ។
២) កាត់បន្ថយអត្រាកើតជំងឺមហារីកស្បែករបស់ស្ត្រី៖ បើយោងតាមការស្រាវជ្រាវជាច្រើន ដូចជា មជ្ឈមណ្ឌលស្ត្រី និង Brigham ( the Brigham and Women’s Center) និង សាកលវិទ្យាល័យ Harvardបានបង្ហាញថា ស្ត្រីដែលទទួលទានកាហ្វេលើសពី៣ពែងក្នុងមួយថ្ងៃ គឺមានអត្រាកើតជំងឺមហារីកស្បែកតិចជាង ស្ត្រីដែលមិនទទួលទានកាហ្វេ។
៣) ធ្វើឲ្យឆ្លាតជាងមុន និងសម្រេចចិត្តបានល្អ៖ បើយោងតាមការស្រាវជ្រាវរបស់សាកលវិទ្យាល័យSouth Florida និង សាកលវិទ្យាល័យMiami បានរកឃើញថា ការទទួលទានកាហ្វេពិតជាអាចជួយ ពង្រឹងសមត្ថភាពខួរក្បាលឲ្យកាន់តែប្រសើរ នាំឲ្យមានភាពឆ្លាតវៃ និង សម្រេចចិត្តបានលឿន និង ល្អ៕
ដោយ៖ រតនា វិចិត្រ
ប្រភព៖ www.lifehack.org
