រឿងទាំង៥ ដែលល្អសម្រាប់អ្នកដែលនៅចាំផ្ទះខណៈពេលដែលក្រុមគ្រួសារមានដំណើរកំសាន្តទៅក្រៅ
នៅពេលដែលក្រុមគ្រួសាររបស់អ្នកមានដំណើរកំសាន្តទៅក្រៅរយៈពេលប្រហែល២ទៅ៣ថ្ងៃ ហើយអ្នកត្រូវនៅចាំផ្ទះនោះប្រាកដណាស់ថាអ្នកនឹងមានអារម្មណ៍ថាអផ្សុក និងធុញទ្រាន់ជាមិនខាន ប៉ុន្តែនៅក្នុងអត្ថបទនេះនឹងណែនាំនូវរឿងទាំង៥ យ៉ាងដែលអ្នកអាចធ្វើនៅពេលដែលអ្នកនៅចាំផ្ទះ៖
១) មើលខ្សែភាពយន្ត៖ អ្នកប្រាកដជាដឹងហើយថាតើមានភាពលំបាកយ៉ាងណានៅពេលដែលអ្នកចង់មើលខ្សែភាពយន្តដែលអ្នកចង់មើល នៅពេលឪពុកម្តាយរបស់អ្នកនៅផ្ទះ ព្រោះថាគាត់ប្រាកដជារអ៊ូ និងមានការងារជាច្រើនសម្រាប់ឲ្យអ្នកធ្វើជាមិនខាន។ ហេតុនេះហើយពេលនេះគឺជាពេលល្អដែលអាចឲ្យអ្នកមានភាពសប្បាយរីករាយនិងទស្សនាវា។
២) រីករាយដោយការច្រៀងចម្រៀងដែលជាចំណង់ចំណូលចិត្តរបស់អ្នក៖ ជាការពិតណាស់កន្លែងដែលជាឆាកដ៏អស្ចារ្យបំផុតរបស់មនុស្សគ្រប់ដែលតែងតែប្រគុំឡើងនោះគឺនៅក្នុងបន្ទប់ទឹក ព្រោះថាប្រសិនបើមិនធ្វើនៅកន្លែងនឹងទេ ប្រាកដជាមានសមាជិកនៃគ្រួសារររបស់អ្នកចេញមកដោយមិនអនុញ្ញាតឲ្យអ្នកច្រៀងនោះឡើយដោយសារតែពួកគាត់មិនចូលចិត្ត។ ប៉ុន្តែប្រសិនបើពួកគាត់មិននៅបែបនេះតើវាមិនមែនជាឱកាសល្អសម្រាប់អ្នកទេឬដើម្បីបង្កើតភាពរីករាយដោយការធ្វើរឿងដែលអ្នកតែងតែមានការហាមឃាត់ ហើយពេលនេះអាចធ្វើបាននោះ អ្នកអាចច្រៀងរាំបានតាមតែអ្នកចង់។
៣) ឆាត (Chat) ឬក៏វីឌីអូ Call៖អ្នកប្រាកដជាដឹងហើយថាគ្រប់ឪពុកម្តាយគឺតែងតែហាមឃាត់មិនឲ្យអ្នកប្រើប្រាស់ទូរស័ព្ទប្រសិនបើមិនមានការចំាបាច់ វាប្រាកដជាធ្វើឲ្យអ្នកមិនសូវបានទាក់ទងទៅកាន់មិត្តភក្តិរបស់អ្នក។ ហេតុនេះហើយខណៈពេលដែលគាត់មិននៅអ្នកអាចឆាត ឬក៏វីឌីអូ Call តាមដែលអ្នកចង់។
៤) ធ្វើកិច្ចការសាលា៖ មានមនុស្សជាច្រើនដែលចូលចិត្តការសិក្សា ហេតុនេះពេលដែលនៅផ្ទះតែឯងបែបនេះគឺជាពេលដ៏ល្អសម្រាប់បញ្ចប់ការងារសាលាផ្សែងៗនៅពេលនេះ ព្រោះថានៅពេលដែលនៅតែឯងបែបនេះបានធ្វើឪ្យអ្នកមានភាពស្ងៀមស្ងាត់ដើម្បីផ្ដោតទៅលើអ្វីកិច្ចការងាររបស់អ្នកបានយ៉ាងល្អដើម្បីដោះស្រាយវា។
៥) សម្រាក៖ ការគេងដោយមិនមានការរំខានគឺជាសេចក្តីសុខចំពោះមនុស្សដែលចូលចិត្តគេងយូរ ប៉ុន្តែនៅពេលដែលជាក់ស្តែងណាមួយអ្នកប្រហែលជាមិនអាចគេងបែបនេះឡើយប្រសិនបើឪពុកម្តាយរបស់អ្នកនៅផ្ទះ។ នៅពេលដែលពួកគាត់មិននៅបែបនេះអ្នកគួរតែសម្រាកដោយការគេងតាមតែចិត្តអ្នកចង់៕
ប្រែសម្រួលដោយ៖ អ៊ុន ស្រីនាង
