សំនួរទាំង៤ដែលអាចឲ្យអ្នកស្វែងរកអ្វីដែលអ្នកចង់ធ្វើនៅក្នុងជីវិត
ជាការពិតណាស់សំនួរដែលមនុស្សភាគច្រើនតែងតែជួបប្រទះនៅក្នុងជីវិតរបស់ពួកគេនោះគឺពួកគេមិនដឹងថា តើពួកគេចង់ធ្វើអ្វីនៅក្នុងជីវិតរបស់ពួកគេ?ហេតុនេះអត្ថបទខាងក្រោមនិងចោទ៤សំនួរទៅកាន់អ្នកដើម្បីឲ្យអ្នកមានភាពច្បាស់លាស់និងដឹងពីអ្វីដែលអ្នកចង់ធ្វើនៅក្នុងជីវិតរបស់អ្នក៖
១)តើរឿងរ៉ាវអ្វីខ្លះដែលអ្នកចូលចិត្តបំផុតនៅក្នុងជីវិតរបស់អ្នក? ជំហានដំបូងដើម្បីរស់នៅក្នុងជីវិតមួយដែលពេញលេញនោះ មនុស្សគ្រប់រូបគួរតែគិតអំពីរឿងរ៉ាវដែលអ្នកពេញចិត្ត។តើអ្វីទៅដែលអ្នកស្រឡាញ់?តើរឿងអ្វីទៅដែលធ្វើឲ្យអ្នកមានអារម្មណ៍ថាពេញចិត្ត?តើការងារប្រភេទណាដែលអ្នកធ្វើវាដោយមិនអារម្មណ៍ថាធ្វើដោយមិនមានសម្ពាធ? ដូចជាប្រហែលជាអ្នកចូលចិត្តក្នុងការតែងនិពន្ធ,ចូលចិត្តការងារណាដែលទាក់ទងទៅនិងសត្វ ឬក៏អ្នកមានភាពប៉ិនប្រសព្វខាងថតរូប។និយាយអ្នកត្រូវស្វែងរកអ្វីដែលអ្នកចូលចិត្តធ្វើជាមុនសិន បន្ទាប់មកអ្នកត្រូវធ្វើវាឲ្យច្រើន។
២)តើប្រភេទស្នាដៃបែបណាដែលអ្នកធ្លាប់បានទទួលពីមុនមក? រម្លឹកគិតឡើងវិញអំពីបទពិសោធន៍ពីអតីតកាលដែលធ្វើឲ្យអ្នកមានអារម្មណ៍ថាមានមោទនភាពចំពោះខ្លួនឯងបំផុតនៅក្នុងជីវិតរបស់អ្នក។ តើខណៈពេលដែលអ្នកបានបំពេញរឿងទាំងនោះ តើអ្នកមានអារម្មណ៍យ៉ាងដូចម្តេច?ឧទាហរណ៍៖ អ្នកធ្លាប់ចូលរួមការប្រកួតប្រឡងគំនូរហើយអ្នកក៏ទទួលបានជ័យជំនះ ហើយគ្រប់ពេលដែលអ្នកបានគូរគំនូរអ្នកដូចជាមានអារម្មណ៍ថាសប្បាយរីករាយនិងមិនមានភាពនឿយណាយនិងការចាប់ផ្តើមធ្វើវានោះឡើយ។ ហេតុនេះហើយអ្នកគួរតែបន្តធ្វើរឿងទាំងនោះបន្តទៀត។
៣) តើអ្វីទៅដែលអ្នកគួរជ្រើសរើសដើម្បីមកធ្វើ និងមាននៅជីវិតរបស់អ្នក? ប្រសិនបើការពេញចិត្តរបស់អ្នកគ្មានដែនកំណត់បែបនេះ ស្ទើរតែគ្រប់រឿងទៅហើយដែលអ្នកមានអារម្មណ៍ថាពេញចិត្ត ប៉ុន្តែតើអ្វីទៅដែលអ្នកគួរជ្រើសរើសដើម្បីមកធ្វើ និងមាននៅជីវិតរបស់អ្នក?តោះមកសាកល្បងនិងការតេស្ដមួយ៖ប្រសិនបើអ្នកមានលុយជាច្រើន និងពេលវេលា តើទីកន្លែងណាដែលអ្នកចង់ទៅ?តើអ្នកនិងអ្វី? ហើយតើនរណាដែលអ្នកនិងចំណាយពេលជាមួយ? រាល់ចម្លើយរបស់អ្នកចំពោះសំនួរទាំងនេះនិងនាំអ្នកស្វែងរកឃើញនៅអ្វីដែលអ្នកចង់ធ្វើនិងចង់បាននៅក្នុងជីវិតរបស់អ្នក។ ប៉ុន្តែវាមិនមានន័យថាទល់តែមានលុយរាប់លានដុល្លារបានអ្នកទទួលបានភាពរីករាយនោះទេ គ្រាន់តែរាល់ចម្លើយដែលអ្នកបានឆ្លើយគឺជួយឲ្យអ្នកដាក់គោលដៅនៅក្នុងជីវិតរបស់អ្នក នឹងនាំអ្នកទៅរកសុភមង្គលដ៏ពិតប្រាកដនិងពេញលេញមួយ។
៤) តើអ្វីទៅជាគោលបំណងនៅក្នុងជីវិតរបស់អ្នក? គោលបំណងគឺជាសមាសធាតុផ្សំមួយដែលចាំបាច់ដើម្បីឪ្យអនាគតរបស់អ្នកពោរពេញទៅដោយភាពរីករាយ។ហេតុនេះហើយឆ្លើយសំនួរទាំងនេះតើអាជីពណាមួយដែលជាបំណងប្រាថ្នារបស់អ្នក?តើគ្រួសារប្រភេទណាដែលអ្នកប្រាថ្នាចង់បាន? ប្រសិនបើអ្នកបានឆ្លើយនៅសំនួរទាំងនេះហើយអ្នកនិងមានគំនិតប្រសើរមួយចំពោះរឿងអ្វីដែលអ្នកគួរតែធ្វើនៅក្នុងជីវិតរបស់អ្នក។
ប្រែសម្រួលដោយ៖ អ៊ុន ស្រីនាង
