មនុស្សមានផ្នត់គំនិតជោគជ័យ មិនដែលចំណាយពេលធ្វើរឿងអត់ប្រយោជន៍ទាំងនេះឡើយ!
ពិតណាស់មនុស្សគ្រប់រូបតែងតែប្រាថ្នាចង់បានភាពជោគជ័យនៅក្នុងជីវិត ប៉ុន្តែតើអ្នកមានដឹងដែលឬទេថាតើមនុស្សដែលមានភាពជោគជ័យនៅក្នុងជីវិត ពួកគេចំណាយពេលទៅលើអ្វីខ្លះទៅ ហើយពិសេសនោះតើពួកគេមិនដែលចំណាយពេលទៅលើអ្វីខ្លះ?
ជាការពិតណាស់អ្វីដែលយើងធ្វើប្រចាំថ្ងៃគឺជាផ្នែកមួយយ៉ាងសំខាន់សម្រាប់មនុស្សដែលពេលខ្លះរឿងដែលយើងធ្វើទាំងនោះអាចនាំយើងទៅកាន់ភាពល្អប្រសើរហើយខ្លះទៀត អាចឲ្យយើងមានភាពសោកស្តាយអស់មួយជីវិត។ អត្ថបទខាងក្រោមនេះនិងធ្វើការរៀបរាប់អំពីរឿងរ៉ាវទាំង៤ដែលមនុស្សដែលមានភាពជោគជ័យមិនដែលចំណាយពេលរបស់គេទៅលើរឿងអស់ទាំងនេះ៖
១) មិនញាណនឹងបណ្ដាញសង្គម៖ ការដែលយើងចំណាយពេលទៅលើបណ្ដាញសង្គមផ្សែងៗដូចជាការលេងបណ្ដាញសង្គមហ្វេសបុក( Facebook), អ៊ីនស្តាក្រាម (Instagram) , ធ្វីនធើ ( Twitter) និងបណ្ដាញសង្គមផ្សែងៗទៀតគឺជាផ្នែកមួយនៃជីវិតរបស់មនុស្ស ប៉ុន្តែត្រូវចាំថាប្រសិនបើអ្នកមិនដឹង និងមិនចេះគ្រប់គ្រងពេលវេលា ថាតើរយះពេលប៉ុន្មានដែលអ្នកគួរតែចំណាយពេលទៅលើវានោះទេវានិងបំផ្លាញអ្នក ហេតុនេះពិតជាចាំបាច់ខ្លាំងណាស់ដែលអ្នកត្រូវតែកំណត់ពេលវេលាទៅលើវាឲ្យបានច្បាស់លាស់ ដូចជាអ្នកអាចលេងវាបានប្រសិនបើអ្នករួចរាល់កិច្ចការងាររបស់អ្នក។
២) មិនដែលធ្វើអ្វីដោយគ្មានគម្រោងនោះទេ៖ពួកគេជារៀងរាល់ថ្ងៃតែងតែដើរជាមួយគម្រោងដែលពួកគេបានរៀបចំយ៉ាងច្បាស់លាស់ដើម្បីសម្រេចគោលដៅដែលគេបានព្រៀងទុក ជារៀងរាល់ថ្ងៃពួកគេតែងតែសរសេរអ្វីដែលពួកគេត្រូវសម្រាប់មួយថ្ងៃ ។
៣) ពួកគេមិនដែលផ្ដោតទៅលើអ្វីដែល មនុស្សផ្សែងៗទៀតកំពុងធ្វើ៖វាគឺពិតជាល្អខ្លាំងណាស់ដែលអ្នកគួរតែស្តាប់ដំបូន្មានអ្នកដែលទទួលបានភាពជោគជ័យកំពុងធ្វើ ប៉ុន្តែអ្នកកុំព្យាយាមប្រៀបធៀបខ្លួនអ្នកជាមួយអ្នកដទៃព្រោះថាវានិងអាចធ្វើឲ្យអ្នកមានអារម្មណ៍បាក់ទឹកចិត្ត។ ហេតុនេះហើយគួរតែយកត្រឹមតែដំបូន្មាន ហើយចាប់ផ្តើមរៀនបណ្ដុះគំនិតខ្លួនឯង ដើម្បីសម្រេចអ្វីដែលចង់បាន និងសំខាន់សម្រាប់អ្នក។
៤) មិនធ្វើកំហុសដែលពួកគេបានខុសរួចហើយនោះទេ៖ មិនថាអ្នកជោគជ័យ ឬក៏មនុស្សទូទៅនោះទេគឺតែងតែមានកំហុស។ ប៉ុន្តែអ្វីដែលសំខាន់នោះគឺមនុស្សដែលទទួលបានភាពជោគជ័យនោះគឺជាមនុស្សដែលមិនធ្វើកំហុសដែលពួកគេបានខុសរួចហើយនោះទេ៕
ប្រែសម្រួលដោយ៖ អ៊ុន ស្រីនាង
