តាមការស្រាវជ្រាវបែបវិទ្យាសាស្ត្រ៖ អ្នកចូលគេងយឺតឆ្លាតជាងអ្នកចូលគេងពីព្រលប់
យោងតាមការសិក្សាស្រាវជ្រាវថ្មីមួយបង្ហាញថា អ្នកដែលចូលគេងយឺត អាចជាមនុស្សឆ្លាតជាងអ្នកដែលចូលគេងពីក្បាលព្រលប់។ មិនត្រឹមតែឆ្លាតប៉ុណ្ណោះទេ ប៉ុន្តែពួកគេថែមទាំងមានគំនិតច្នៃប្រឌិតខ្ពស់ទៀតផង។
ការបកស្រាយនាពេលនេះ គឺផ្អែកទៅតាមលទ្ធផលនៃការសិក្សាដែលធ្វើឡើងដោយសាកលវិទ្យាល័យ Catholic University of the Sacred នៅទីក្រុង មីឡង់ ប្រទេសអ៊ីតាលី។ លទ្ធផលក៏បានបង្ហាញផងដែរថា អ្នកដែលគេងយឺតច្រើនធ្វើកិច្ចការរបស់គេបានល្អនៅពេលយប់ ហើយពួកគេមានគំនិតច្នៃប្រឌិតច្រើនបន្ទាប់ពីថ្ងៃលិច។
ស្របពេលជាមួយគ្នាដែរ អ្នកដែលចូលគេងយឺត ក៏ជាមនុស្សមិនសូវមានភាពតានតឹងច្រើនដែរ។ នេះបើតាមលទ្ធផលនៃការសិក្សាដោយក្រុមអ្នកវិទ្យាសាស្ត្រនៅសាកលវិទ្យាល័យ Westminster។
ទោះជាយ៉ាងណា ការសិក្សារបស់សាកលវិទ្យាល័យទាំងពីរខាងលើ បានជ្រើសរើសចំនួនមនុស្សតិច ដែលមិនទាន់អាចអះអាងថា លទ្ធផលនៃពិតជាត្រឹមត្រូវ ១០០%នោះទេ៕
ដោយ៖ រតនៈវិភូ
