មេរៀនជីវិតទាំង៤ ដែលអ្នកត្រូវចេះ កាន់តែឆាប់កាន់តែល្អ
មេរៀនជីវិត ពិតជាសំខាន់ខ្លាំងណាស់សម្រាប់ជីវិតមនុស្សម្នាក់ ព្រោះវាជាទុនយ៉ាងសំខាន់ដែលជួយឲ្យអ្នកមានការរីកចម្រើនទៅមុខ។ ខាងក្រោមនេះជាមេរៀនសំខាន់ៗដែលអ្នកត្រូវតែចេះ កាន់តែឆាប់កាន់តែល្អ៖
១) អ្នកមិនអាចផ្គាប់ចិត្តមនុស្សគ្រប់រូបបាននោះទេ៖ លោក Bill Cosby បាននិយាយថា៖ «ខ្ញុំមិនដឹងពីអាថ៌កំបាំងនៃភាពជោគជ័យនោះទេ ប៉ុន្តែខ្ញុំដឹងថាអាថ៌កំបាំងនៃភាពបរាជ័យគឺជាការព្យាយាមផ្គាប់ចិត្តមនុស្សគ្រប់រូប»។អ្នកមិនត្រូវការមនុស្សគ្រប់រូបមកយល់ស្របជាមួយអ្នកទាំងអស់នោះទេ ព្រោះគ្រប់រឿងរ៉ាវដែលនាំឲ្យអ្នកទទួលបានភាពជោគជ័យគឺផ្តើមឡើងពីការធ្វើវាដោយខ្លួនអ្នកផ្ទាល់ ហេតុដូចនេះហើយអ្នកមិនចាំបាច់គិតពីការផ្គាប់ចិត្តអ្នកណាច្រើនពេកនោះទេ។ សូមស្តាប់យោបល់អ្នកជុំវិញខ្លួនឲ្យបានច្រើន ប៉ុន្តែ ត្រូវចាំថា អ្នកគឺជាមនុស្សម្នាក់គត់ដែលត្រូវសម្រេចចិត្ត។
២) សុខភាពរបស់អ្នកគឺជាទ្រព្យសម្បត្តិដ៏មានតម្លៃបំផុត៖ សុខភាពគឺជាទ្រព្យសម្បត្តិដ៏មានតម្លៃក្រៃលែង ដែលមនុស្សគ្រប់រូបតែងតែថែរក្សា ការពារ ព្រោះថាទោះបីជាមានអ្វីៗគ្រប់យ៉ាងក៏ដោយប៉ុន្តែបើសុខភាពអ្នកមិនល្អនោះវាហាក់ដូចជាគ្មានអ្វីៗដដែល។សុខភាពល្អតែងតែទាមទារការមើលថែរក្សាតាំងពីក្មេងមិនមែនចាំទាល់តែមានបញ្ហាទើបធ្វើការពិនិត្យឬតាមដានឡើយគឺអ្នកត្រូវតែមានការតាមដានពិនិត្យជារៀងរាល់ខែព្រោះថាវ័យរបស់មនុស្សយើងកាន់តែចាស់ពីមួយថ្ងៃទៅមួយថ្ងៃ ហើយអ្វីនៅក្នុងខ្លួនយើងតែងតែមានការផ្លាស់ប្តូរដែលជំងឺមួយចំនួននិងតាមយាយីអ្នកដូចជាជំងឺបេះដូង លើសសម្ពាធឈាម ទឹកនោមផ្អែម និងជំងឺផ្សែងៗទៀត ហេតុនេះហើយអ្នកគួរតែធ្វើការការពារនិងថែរក្សាសុខភាពឲ្យបានល្អ។
៣)អ្នកមិនអាចទទួលបានអ្វីដែលអ្នកចង់បានរហូតទេ៖ជីវិតរបស់មនុស្សមិនមែនសុទ្ធតែមានក្តីសុខគ្រប់ពេលវេលានោះទេ ពេលខ្លះរឿងដែលអ្នកបានរៀបគម្រោងទុកបែរជាមិនអាចកើតឡើង ព្រោះថាវាមានបញ្ហាណាមួយបានកើតឡើង ហេតុនេះអ្នកត្រូវមានការត្រៀមចិត្តទុកជាមុនដោយភាពវ័យឆ្លាតដោយយកភាពមិនជោគជ័យទាំងនោះមកធ្វើជាបទពិសោធន៍និងកែប្រែវាឲ្យមានភាពកាន់តែល្អប្រសើរ។
៤) មិនមានអ្វីដែលគួរឲ្យមានភាពអាម៉ាស់នោះទេក្នុងការនិយាយពាក្យថាមិនដឹងក្នុងរឿងអ្វីដែលអ្នកមិនដឹង៖ គ្មានមនុស្សណាដែលមានការគិតគូល្អសព្វជ្រុងជ្រោយនោះទេ ហើយក៏គ្មានមនុស្សណាដែលមានចម្លើយចំពោះគ្រប់សំនួរដែលបានចោទមានឡើងនោះដែរ ដូច្នេះហើយក៏គ្មានអ្វីជាភាពអាម៉ាស់ដែរ ក្នុងការនិយាយពាក្យថាអ្នកមិនដឹងក្នុងរឿងអ្វីដែលអ្នកមិនដឹង ព្រោះថាការដែលដែរសម្ដែងធ្វើជាដឹងក្នុងរឿងដែរអ្នកមិនដឹងនោះមិនបាននាំអ្នកឲ្យទទួលភាពល្អប្រសើរនោះទេ ហេតុនេះហើយអ្នកគួរនិយាយពាក្យថាអ្នកមិនដឹងដោយវានិងជាចំណេះដឹងថ្មីមួយទៀតនៅពេលដែលអ្នកអាចជួបអ្នកណាដែលអាចផ្តល់ចម្លើយដល់ត្រឹមត្រូវ៕
ប្រែសម្រួលដោយ៖ អ៊ុន ស្រីនាង
