អាហារ ៣ ប្រភេទដែលអ្នកគួរចៀសវាងដើម្បីទប់ស្កាត់ពីជំងឺមហារីក
តើអាហារអ្វីខ្លះដែលអ្នកកំពុងទទួលទានរាល់ថ្ងៃ ដែលអាចបណ្ដាលឲ្យអ្នកមានជំងឺមហារីកបាន ? ខាងក្រោមនេះគឺជាអាហារ៣ប្រភេទដែលអ្នកគួរចៀសវាងដើម្បីទប់ស្កាត់ពីជំងឺមហារីក៖
១) ទឹកក្រូចកំប៉ុង៖ ទឹកក្រូចកំប៉ុងគ្មានកាឡូរី ប៉ុន្តែសម្បូរទៅដោយស្ករដែលបានក្លាយជាការរួមចំណែកដ៏ចម្បងមួយនៃជំងឺធាត់លើសទម្ងន់របស់មនុស្សទូទាំងសកលលោក។ ទទួលទានទឹកក្រូចកំប៉ុងដែលសម្បូរទៅដោយស្ករបែបនេះ នឹងធ្វើឲ្យជាតិស្ករក្នុងឈាមរបស់អ្នកកើនឡើងភ្លាមមួយរំពេចបាន។ មិនតែប៉ុណ្ណោះពួកវាក៏ជាដើមហេតុដែលបណ្ដាលឲ្យមានអាស៊ីដច្រាល់ក្នុងក្រពះ និងអាចបណ្ដាលឲ្យមានជំងឺមហារីកផងដែរ។
២) នំដំឡូងបារាំងកញ្ចប់៖ នំដំឡូងបារាំងកញ្ចប់សម្បូរទៅដោយអាស៊ីដខ្លាញ់និងមានកាឡូរីខ្ពស់ ដែលជាមូលហេតុនាំឲ្យមានការឡើងទម្ងន់ បណ្ដាលឲ្យមានកំណើនកូឡេស្តេរ៉ុល ហើយកម្រិតសូដ្យូមដែលខ្ពស់នៅក្នុងនំដំឡូងបារាំងកញ្ចប់នេះថែមទាំងធ្វើឲ្យសម្ពាធឈាមឡើងខ្ពស់ទៀតផង។ ម្យ៉ាងទៀតពួកវាក៏ផ្សំឡើងពីរសជាតិសិប្បនិម្មិត សារធាតុរក្សាគុណភាពនិងពណ៌ ដែលសុទ្ធតែជារបស់ដែលរាងកាយរបស់យើងមិនត្រូវការ។
៣) ស្ករសិប្បនិម្មិត៖ ស្ករសិប្បនិម្មិតត្រូវបានគេប្រើប្រាស់នៅក្នុងទឹកក្រូចកំប៉ុង និងស្ករសម្រាប់អ្នកជំងឺទឹកនោមផ្អែម។ ប៉ុន្តែស្ករនេះមិនបានជួយអ្វីដល់អ្នកជំងឺទឹកនោមផ្អែមនោះទេ ផ្ទុយទៅវិញវាមានតែធ្វើឲ្យការគ្រប់គ្រងកម្រិតជាតិស្ករក្នុងឈាមកាន់តែលំបាកជាងមុន។ ក៏មានការសិក្សាជាច្រើនបានរកឃើញថាសារធាតុគីមីដូចជា aspartame ដែលត្រូវបានយកមកធ្វើជាស្ករសិប្បនិម្មិតនេះ នឹងប្រែជាសារធាតុបំពុលម្យ៉ាងឈ្មោះថា DKP នៅពេលបំបែកក្នុងរាងកាយ ហើយវាអាចបណ្ដាលឲ្យមានជំងឺមហារីកជាពិសេសដុំសាច់ដុះក្នុងខួរក្បាល៕
