ទម្លាប់អវិជ្ជមានចំនួន ៣ដែលអ្នកគួរឈប់បន្តធ្វើទៀត
តើទម្លាប់មិនល្អអ្វីខ្លះដែលអ្នកគួរឈប់បន្តធ្វើទៀត ? ខាងក្រោមនេះគឺជាទម្លាប់ចំនួន៣ដែលអ្នកគួរឈប់បន្តធ្វើទៀត៖
១) ប្រើប្រាស់ថ្នាំវីតាមីនបំប៉ន៖ ការទទួលទានថ្នាំវីតាមីនបំប៉នមិនអាចកាត់បន្ថយហានិភ័យរបស់អ្នកពី ការកើតជំងឺផ្សេងៗនោះទេ។ ផ្ទុយទៅវិញតាមការសិក្សាស្រាវជ្រាវមួយចំនួនបានរកឃើញថា ការប្រើប្រាស់ថ្នាំវីតាមីនបំប៉នអាចមានផលប៉ះពាល់អវិជ្ជមានចំពោះសុខភាពរបស់អ្នកបាន។
២) ចំណាយពេលវេលាច្រើនទៅលើការអង្គុយមើលទូរទស្សន៍៖ នៅពេលអ្នកចំណាយពេលច្រើនទៅលើការអង្គុយមើលទូរទស្សន៍ អ្នកនឹងចំណាយពេលកាន់តែតិចដើម្បីបញ្ចេញសកម្មភាព ហើយអ្នកអាចប្រឈមមុខនឹងហានិភ័យខ្ពស់ពីជំងឺធាត់លើសទម្ងន់និងជំងឺទឹកនោមផ្អែម។ លើសពីនេះទៅទៀត បើសិនជាពេលវេលាមើលទូរទស្សន៍ដ៏ច្រើនបានចូលជំនួសពេលវេលាដែលអ្នកអាចហ្វឹកហាត់ខួរក្បាលរបស់អ្នក នោះការចងចាំរបស់អ្នកអាចចុះខ្សោយបាន។
៣) ប្រើប្រាស់ថ្នាំបំបាត់ការឈឺចុកចាប់ច្រើនពេក៖ ការប្រើប្រាស់ថ្នាំបំបាត់ការឈឺចុកចាប់និងថ្នាំងងុយគេងច្រើនពេក នៅក្នុងរយៈពេលវែងអ្នកអាចប្រឈមមុខនឹងហានិភ័យពីការកើនឡើងសម្ពាធឈាម និងជំងឺគាំងបេះដូង។ អ្នកត្រូវប្រុងប្រយ័ត្នសញ្ញាណគ្រោះថ្នាក់ពីការប្រើប្រាស់ថ្នាំបំបាត់ការឈឺចុកចាប់ច្រើនដូចជា បាត់ការចងចាំ ធ្វើឲ្យអ្នកវង្វេងវង្វាន់ ឧស្សាហ៍ងងុយគេង និងដួលជាញឹកញាប់ ហើយបើអ្នកប្រើប្រាស់ញឹកញាប់ អ្នកអាចនឹងវិវត្តទៅរកការញៀននឹងពួកវាបាន៕
